إعـــــــلان

Collapse

.

,
See more
See less

نصيحة الاخوه الافاضل فى اماكن شراء قطع الغيار

Collapse
X
 
  • Filter
  • الوقت
  • Show
Clear All
new posts

  • نصيحة الاخوه الافاضل فى اماكن شراء قطع الغيار

    السلام عليكم ورحمة الله وبركاته
    الاخوه الافاضل كل عام وانتم بخير
    انا عايز اخد رايكم فى موضوع قطع الغيار :
    انا عندى الكاتينه عامله 25 الف بقالها 3 سنين ونص فهروح اغير على الاقل سير الكاتينه ولو البليه احتاجت هغيرها على حسب ما الاقى حالتها وهغير فلاتر واحتمال عندى بليه قدام كمان
    انا عادة بجيب قطع غيارى من اولاد فتح الباب
    بس انا عايز اجيب قطع غيار بوش الاصليه فلو حد يعرف القيها فين ياريت يفيدنى لانى السوق مبقاش مضمون وقطع الغيار المضروبه كتير
    لكم منى جزيل الشكر

  • #2
    و عليكم السلام و رحمة الله و بركاته
    منور يا افندم ... و ايه اخر اخبار جيشك !!!

    بخصوص موضوع قطع الغيار فأنا انصحك فعلا انك تجيب بوش من الوكيل و له صفحة علي الفيسبوك و انا فعلا طلبت منه سير كاتينة لي و جاي في الطريق ان شاء الله هو غالي شوية لكن الماني و بوش فعلا بالبارت نمبر بتاعه و انا سير كاتينة عربيتي اساسا غالي و قليل و بيكون حالته سيئة اللي موجود منه في السوق
    ده لينك الصفحة
    Log into Facebook to start sharing and connecting with your friends, family, and people you know.

    ابعتله رساله و هتلاقي رقمه علي الصفحة لو حابب تكلمه

    و خد دي كمان من عندي ... ده موقع بوش لقطع غيار السيارات و عليه public catalog لقطع الغيار اللي من بوش لكل انواع السيارات اللي بينتجو ليها قطع غيار و بمواصفاتها و كل حاجه .... ابحث فيه عن اللي انت عايزه منهم و بنوع عربيتك
    Bosch Automotive Aftermarket - Products

    نسيت اقلك ... فتح باب مين و بتاع ايه !!!!!!!!! دي عالم ولاد تييييييييت كلهم ... ربنا يهديهم
    و كمان لقيت واحد عندنا في اكتوبر عنده قطع غيار اوريجينال فعلا و الماني بيجيبها من توكيل اسكودا لو حابب تروحله معنديش مانع اقلك مكانه و اديك تليفونه .... لقيت عنده تيل فرامل ate اصلي ب 200 جنيه و طنابير بريمبو ايطالي اصلي ب700 جنيه و قلي اي حاجه علي ضمانتي الشخصية لو فيها اي شيء بتاعتي !!!! عايزين نجربه ده و نشوف لو حابب نتواصل

    و بالتوفيق لك و للجميع
    م / إيهاب منصور
    SEAT CORDOBA 2002 1.0 16V AVZ

    Comment


    • #3
      المشاركة الأصلية كتبت بواسطة ehab_mansour مشاهدة المشاركة
      و عليكم السلام و رحمة الله و بركاته
      منور يا افندم ... و ايه اخر اخبار جيشك !!!

      بخصوص موضوع قطع الغيار فأنا انصحك فعلا انك تجيب بوش من الوكيل و له صفحة علي الفيسبوك


      نسيت اقلك ... فتح باب مين و بتاع ايه !!!!!!!!! دي عالم ولاد تييييييييت كلهم ... ربنا يهديهم
      و كمان لقيت واحد عندنا في اكتوبر عنده قطع غيار اوريجينال فعلا و الماني بيجيبها من توكيل اسكودا لو حابب تروحله معنديش مانع اقلك مكانه و اديك تليفونه .... لقيت عنده تيل فرامل ate اصلي ب 200 جنيه و طنابير بريمبو ايطالي اصلي ب700 جنيه و قلي اي حاجه علي ضمانتي الشخصية لو فيها اي شيء بتاعتي !!!! عايزين نجربه ده و نشوف لو حابب نتواصل

      و بالتوفيق لك و للجميع


      الله ينور هوا ده الشغل

      واحب اضيف كمان الشهابى الى فى دمشق تقاطع ش بيروت
      ميدان الجامع , مصر الجديدة,أمام بنك عوده حاجته كويسه اوريجينال
      ماشاء الله كان وما لم يشأ لم يكن
      SEAT IBIZA 2000 MK3 (6k2)ALD Engine 1.0 8v MPI
      [SIGPIC][/SIGPIC]

      Comment


      • #4
        المشاركة الأصلية كتبت بواسطة hossamalsadik مشاهدة المشاركة


        الله ينور هوا ده الشغل

        واحب اضيف كمان الشهابى الى فى دمشق تقاطع ش بيروت
        ميدان الجامع , مصر الجديدة,أمام بنك عوده حاجته كويسه اوريجينال
        اشرف الشهابي .. محترم جدا و لكن تنك حبتين و مبتعرفش توصله بسهولة و مش بيرد علي تليفونات غير بالعافيه و نادرا و معندهوش حاجات كتير لعربيات كتير ... يعني بيشتغل في حاجات خاصة شوية و في الحديث و في العربيات الغالية و نادرا لما كنت الاقي عنده حاجه لسيات

        اجمل حاجه فيه انه مش بيبخل عليك بأي معلومات و بيدلك لو احتاجت منه النصيحة و بيوجهك صح
        م / إيهاب منصور
        SEAT CORDOBA 2002 1.0 16V AVZ

        Comment


        • #5
          المشاركة الأصلية كتبت بواسطة ehab_mansour مشاهدة المشاركة
          و عليكم السلام و رحمة الله و بركاته
          منور يا افندم ... و ايه اخر اخبار جيشك !!!

          بخصوص موضوع قطع الغيار فأنا انصحك فعلا انك تجيب بوش من الوكيل و له صفحة علي الفيسبوك و انا فعلا طلبت منه سير كاتينة لي و جاي في الطريق ان شاء الله هو غالي شوية لكن الماني و بوش فعلا بالبارت نمبر بتاعه و انا سير كاتينة عربيتي اساسا غالي و قليل و بيكون حالته سيئة اللي موجود منه في السوق
          ده لينك الصفحة
          Log into Facebook to start sharing and connecting with your friends, family, and people you know.

          ابعتله رساله و هتلاقي رقمه علي الصفحة لو حابب تكلمه

          و خد دي كمان من عندي ... ده موقع بوش لقطع غيار السيارات و عليه public catalog لقطع الغيار اللي من بوش لكل انواع السيارات اللي بينتجو ليها قطع غيار و بمواصفاتها و كل حاجه .... ابحث فيه عن اللي انت عايزه منهم و بنوع عربيتك
          bosch automotive aftermarket - products

          نسيت اقلك ... فتح باب مين و بتاع ايه !!!!!!!!! دي عالم ولاد تييييييييت كلهم ... ربنا يهديهم
          و كمان لقيت واحد عندنا في اكتوبر عنده قطع غيار اوريجينال فعلا و الماني بيجيبها من توكيل اسكودا لو حابب تروحله معنديش مانع اقلك مكانه و اديك تليفونه .... لقيت عنده تيل فرامل ate اصلي ب 200 جنيه و طنابير بريمبو ايطالي اصلي ب700 جنيه و قلي اي حاجه علي ضمانتي الشخصية لو فيها اي شيء بتاعتي !!!! عايزين نجربه ده و نشوف لو حابب نتواصل

          و بالتوفيق لك و للجميع
          تسلم يا بشمهندس ايهاب على الرد الوافى اللى بهرنى الصراحه
          انا خلصت جيش من سنه تقريبا من 12 2012
          انا ان شاء الله هبعتلهم واعرف ايه الموجود عندهم علشان انا محتاج كذا حاجه وللاسف انى بقالى فتره فى حاجات كتير عايزه تتغير عندى بس مش ضامن السوق لان كل اللى فيه بقى مضروب وغالى على الفاضى
          انا عندى استفسارين كمان صغيرين عايز اجيب مساعدين خلفى لانهم عندى ناشفين فى الارض المكسره بحس بخبط شويه وبتبقى العربيه مزعجه رغم انهم فى الجرى بيبقوا كويسين علشان بتبقى العربيه ماسكه نفسها
          وكوتش ال 4 باب والشنطه انا غيرته من سنتين بس للاسف بقلة خبرتى مركب كوتش الفيات فالباب والعتب مش مطبعين كويس عايز اجيب الكوتش ده منين برضه
          وتسلملى على ردك وشرحك الوافى ومعلوماتك القيمه
          تمنياتى لك بالتوفيق الدائم باذن الله

          Comment


          • #6
            المشاركة الأصلية كتبت بواسطة hossamalsadik مشاهدة المشاركة


            الله ينور هوا ده الشغل

            واحب اضيف كمان الشهابى الى فى دمشق تقاطع ش بيروت
            ميدان الجامع , مصر الجديدة,أمام بنك عوده حاجته كويسه اوريجينال
            تسلك يا استاذ حسام
            انا بسمع عنه كتير بس لسه مجربتوش الصراحه
            ان شاء الله هشوف الاول شركه بوش واشوف ايه اللى عندها وهبقى ابلغكم ايه اللى تم ان شاء الله
            لك منى كل تقدير واحترام وتمنياتى لك بالتوفيق

            Comment


            • #7
              المشاركة الأصلية كتبت بواسطة meeg مشاهدة المشاركة
              تسلم يا بشمهندس ايهاب على الرد الوافى اللى بهرنى الصراحه
              انا خلصت جيش من سنه تقريبا من 12 2012
              انا ان شاء الله هبعتلهم واعرف ايه الموجود عندهم علشان انا محتاج كذا حاجه وللاسف انى بقالى فتره فى حاجات كتير عايزه تتغير عندى بس مش ضامن السوق لان كل اللى فيه بقى مضروب وغالى على الفاضى
              انا عندى استفسارين كمان صغيرين عايز اجيب مساعدين خلفى لانهم عندى ناشفين فى الارض المكسره بحس بخبط شويه وبتبقى العربيه مزعجه رغم انهم فى الجرى بيبقوا كويسين علشان بتبقى العربيه ماسكه نفسها
              وكوتش ال 4 باب والشنطه انا غيرته من سنتين بس للاسف بقلة خبرتى مركب كوتش الفيات فالباب والعتب مش مطبعين كويس عايز اجيب الكوتش ده منين برضه
              وتسلملى على ردك وشرحك الوافى ومعلوماتك القيمه
              تمنياتى لك بالتوفيق الدائم باذن الله
              شوف يا اخي الفاضل بخصوص المساعدين فأنا شايف ان موضوع نشوفية العربية ده نسبي شويتين و بيأثر فيه حاجات كتير ...يعني توقعي الاكبر ان مساعدين عربيتك كويسه و بحالتها و لكن ممكن يكون الكاوتش مش كويس ... ضغط هواه كتير شوية و مش مضبوط و ده عامل مهم لدرجة اني مش بطمن علي ضغط هواء الاطارات في كل انحاء مصر سوي علي الاجهزة الديجيتال اللي في بعض البنزينات النضيفة زي شيل و موبيل المعادي مثلا .... فيه جلود و بيض كاوتش خلفي للدونجل و لتثبيت المساعدين ممكن يكون السبب ... فيه بطاحات خلفية ممكن تكون السبب .... و هكذا يعني متركزش مع المساعدين فقط خاصة ان عربيتي الابيزا 98 اللي كانت معايا بهدلتها سفر و تحميل لا تتخيله انا و من كان قبلي لحد ما بعتها بعد 300 الف كيلومتر بمساعدينها الوريجينال سليمة .... اكيد وصلك قصدي

              مساعدين العربيات دي الماني و نضيفة جدا كماركة و بيبقي قليل لما يجرالها حاجه و مبتتعوضش لو اتغيرت غلط و هي سليمة

              موضوع كاوتش الباب فاعتقد ممكن تلاقيه عند محل يسمي الطيار تقريبا في الحرفيين بيبيع كلبسات و مسامير لكل انواع السيارات و اعتقد ممكن تلاقي عنده كاوتش باب نضيف او لو ملقيتش يبقي اشتريه استيراد ... بصراحة معنديش خبرة عنه و مقبلتش حد اشتكي من الموضوع ده لذلك معرفتنا بيه ضعيفة

              و ربنا يعينك و يوفقك لما يحبه و يرضاه
              م / إيهاب منصور
              SEAT CORDOBA 2002 1.0 16V AVZ

              Comment


              • #8
                المشاركة الأصلية كتبت بواسطة ehab_mansour مشاهدة المشاركة
                شوف يا اخي الفاضل بخصوص المساعدين فأنا شايف ان موضوع نشوفية العربية ده نسبي شويتين و بيأثر فيه حاجات كتير ...يعني توقعي الاكبر ان مساعدين عربيتك كويسه و بحالتها و لكن ممكن يكون الكاوتش مش كويس ... ضغط هواه كتير شوية و مش مضبوط و ده عامل مهم لدرجة اني مش بطمن علي ضغط هواء الاطارات في كل انحاء مصر سوي علي الاجهزة الديجيتال اللي في بعض البنزينات النضيفة زي شيل و موبيل المعادي مثلا .... فيه جلود و بيض كاوتش خلفي للدونجل و لتثبيت المساعدين ممكن يكون السبب ... فيه بطاحات خلفية ممكن تكون السبب .... و هكذا يعني متركزش مع المساعدين فقط خاصة ان عربيتي الابيزا 98 اللي كانت معايا بهدلتها سفر و تحميل لا تتخيله انا و من كان قبلي لحد ما بعتها بعد 300 الف كيلومتر بمساعدينها الوريجينال سليمة .... اكيد وصلك قصدي

                مساعدين العربيات دي الماني و نضيفة جدا كماركة و بيبقي قليل لما يجرالها حاجه و مبتتعوضش لو اتغيرت غلط و هي سليمة

                موضوع كاوتش الباب فاعتقد ممكن تلاقيه عند محل يسمي الطيار تقريبا في الحرفيين بيبيع كلبسات و مسامير لكل انواع السيارات و اعتقد ممكن تلاقي عنده كاوتش باب نضيف او لو ملقيتش يبقي اشتريه استيراد ... بصراحة معنديش خبرة عنه و مقبلتش حد اشتكي من الموضوع ده لذلك معرفتنا بيه ضعيفة

                و ربنا يعينك و يوفقك لما يحبه و يرضاه
                جزاك الله كل خير على معلومات وانا ان شاء الله هوديها لعفشجى واخليه يكشفلى على العفشه الخلفيه وابقى اقولكم ايه اللى حصل وكمان بالنسبه لموضوع قطع الغيار ان شاء الله
                شكرا جزيلا لحضرتك جدا

                Comment


                • #9
                  المشاركة الأصلية كتبت بواسطة ehab_mansour مشاهدة المشاركة
                  اشرف الشهابي .. محترم جدا و لكن تنك حبتين و مبتعرفش توصله بسهولة و مش بيرد علي تليفونات غير بالعافيه و نادرا و معندهوش حاجات كتير لعربيات كتير ... يعني بيشتغل في حاجات خاصة شوية و في الحديث و في العربيات الغالية و نادرا لما كنت الاقي عنده حاجه لسيات

                  اجمل حاجه فيه انه مش بيبخل عليك بأي معلومات و بيدلك لو احتاجت منه النصيحة و بيوجهك صح
                  نعمل ايه ياهندسه لازم نستحمله شويه عشان حاجته كويسه و اوريجينال
                  بس لو الراجل الى عندك فى 6 اكتوبر ده كويس يبقى تمام اوى ونفسى بصراحه نعتمد واحد كويس يجبلنا حاجةSeat vw كلها للقسم هنا هوا هيستفيد وأحنا كمان وكمان بالنسبه للحجات الإستيراد نفسى فى واحد القسم يتعامل معاه ويبقى فيه خصم او حتى يجبلنا الحاجه نمره واحد مخصوص لأعضاء القسم


                  المشاركة الأصلية كتبت بواسطة meeg مشاهدة المشاركة
                  تسلك يا استاذ حسام
                  انا بسمع عنه كتير بس لسه مجربتوش الصراحه
                  ان شاء الله هشوف الاول شركه بوش واشوف ايه اللى عندها وهبقى ابلغكم ايه اللى تم ان شاء الله
                  لك منى كل تقدير واحترام وتمنياتى لك بالتوفيق
                  الله يسلمك ويبركلك
                  متابع معاك

                  بالتوفيق أن شاء الله
                  ماشاء الله كان وما لم يشأ لم يكن
                  SEAT IBIZA 2000 MK3 (6k2)ALD Engine 1.0 8v MPI
                  [SIGPIC][/SIGPIC]

                  Comment


                  • #10
                    المشاركة الأصلية كتبت بواسطة hossamalsadik مشاهدة المشاركة
                    نفسى بصراحه نعتمد واحد كويس يجبلنا حاجةseat vw كلها للقسم هنا هوا هيستفيد وأحنا كمان وكمان بالنسبه للحجات الإستيراد نفسى فى واحد القسم يتعامل معاه ويبقى فيه خصم او حتى يجبلنا الحاجه نمره واحد مخصوص لأعضاء القسم




                    بالتوفيق أن شاء الله
                    يا ريييييييييييييييييييييييت :018a1d~146:
                    وكمان مركز صيانة تحت اشراف خبراء المنتدى
                    [CENTER]Eng. Sherif Ashraf
                    SEAT TOLEDO MK4 2014 M/T 1.6L 105HP CFN
                    VW Pointer 2005 1.6L 92HP UNF[/CENTER]

                    Comment


                    • #11
                      يا جماعة في جديد في الموضوع دة ؟؟؟؟
                      [SIZE=4][SIZE=3]Gerges Atef - HR at National Bank of Egypt[/SIZE]
                      Seat Ibiza MK3[/SIZE] (6k2) 2002 - Engine 1.0 8v MPI

                      Comment

                      Working...
                      X