وحدة كنترول الموتور هااااااااااام

[Mahmoudelsayed]

السلام عليكم ,,,

احبائى فى الله

انا عربيتى فيها موتور 1400 هاف انجكشن وكان راكب فيها كنترول مفتوح (غير مشفر اللى لونه اسود وكبير )
وللاسف مكنش بتاع الموتور ده بتاع اسكودا فليشا او فورمان المشط الكبير

وكان الموتور مش مظبوط وكان الايدل مش شغال

فكلمت حبيايبى فى المنتدى و قالولى على بعد ارقام الكنترولات اللى تمشى من موتور عربيتى
بالاضافة للبحث على النت على كنترولات الموتور وكان اهم موقع قابلنى هوا الموقع ده :

Engine control unit VW 030-906-026-AJ Bosch 0-261-203-456/457, 245,00 €

المهم ان موتورى المفروض الكنترول بتاعه 030906026 AB بس للاسف مش لاقيه فلاقيت البديل او الاقرب ليه هوا 030906026 AJ وده اللى ماشى بيه دلوقتى

الكنترول ده مقفول فجبت له وحدة ايموبلايزر عشان يتدور الموتور

بس اللى العربية مشمظبوطة فغيرت حساس الحرارة عشان يظبط الايدل
بس العربية متظبططش بردو

الموتور بيقطع بس خفيف اوى يعنى مش ماشى على طول لا بيغيب لحظات فى لحظات كده

فانا شاكك فى الايدل
مع العمل ان البوجيهات اللى راكبة بوش كنت جبتها بـ 65 جنية فهل نوعها كويس ولالا

ولا البوجيهات الان جى كى احسن



الاسعار : الكنترول مقفول عامل 250 جنية
والايموبلايزر بــ : 300 جنية بالتركيب والتكويد

مستنى ارائكم

[ehab_mansour]

الموضوع ده مش غريب عليا !!! بيتهيئلي اني شفته او اتكلمت فيه قبل كده ؟؟؟

علي العموم الكنترول اللي راكب عندك هو اقرب كنترول لموتورك و يشغله طالما الكود الاخير متطابق 026
اهم شيء دلوقتي .. الايدل شغال ؟
حطيت العربية علي كمبيوتر اعطال ؟؟ هل فيه ايرورز ؟؟
هل شيكت علي دائرة الكهرباء من اسبراتير و سلوك و بوجيهاتك طبعا انت مغيرها ؟؟
هل كودت اليموبلايزر علي مفتاح جديد ولا سايبه مفتوح علطول ؟؟؟؟ عشان تستفيد من المصاريف دي يبقي تعمل حماية للعربية و تركبلها مفتاح مشفر يتكود عليها !!

منتظر اجابتك عشان تساعدنا في حل المشكلة الان و عايزين نعرف ايه التغييرات اللي حصلت علي العربية بعد تركيب الكنترول الجديد عن قبله

[Mahmoudelsayed]

[QUOTE=ehab_mansour;3875289774]الموضوع ده مش غريب عليا !!! بيتهيئلي اني شفته او اتكلمت فيه قبل كده ؟؟؟

علي العموم الكنترول اللي راكب عندك هو اقرب كنترول لموتورك و يشغله طالما الكود الاخير متطابق 026
اهم شيء دلوقتي .. الايدل شغال ؟

اه شغال

حطيت العربية علي كمبيوتر اعطال ؟؟ هل فيه ايرورز ؟؟

اه وكان فيه ايرور من حساس الحرارة وغيرته وبقى تمام


هل شيكت علي دائرة الكهرباء من اسبراتير و سلوك و بوجيهاتك طبعا انت مغيرها ؟؟

؟؟؟؟

هل كودت اليموبلايزر علي مفتاح جديد ولا سايبه مفتوح علطول ؟؟؟؟ عشان تستفيد من المصاريف دي يبقي تعمل حماية للعربية و تركبلها مفتاح مشفر يتكود عليها !!

اه وكودت الايموبلايزر على الكنترول وخليته فى المفتاح


ان الايدل اشتغل و العربية بقت افضل شوية بس بردو لسه مش مظبوطة

[ehab_mansour]

طيب ياريت تقرأ الموضوع ده و تعمل اللي فيه و بالصور

http://www.nilemotors.net/Nile/387819-rpm-3.html

ده بخصوص دائرة الكهرباء و الاسبراتير و راجع كمان علي سلوك البوجيهات و اطرافها شوفها نضيفة ولا مجنزرة ولا ايه نظامها و كده الكنترول مافيهوش مشكلة و لكن العربية محتاجه شوية تظبيط و صيانة و تغيير فلاتر كمان

[sala7]

ممكن اعرف كود الماكينة اللي راكبة عندك لو سمحت
عاوز اعرف الماكينة دي عليها حسسات ايه بالظبط
لو حساس واحد بس متسجل على الكنترول و مش موجود ع الماكينة مكان الحساس ده هتبرجل منك و ممكن تعمل اكتر من البرجلة

لان .......... المفروض اول ما تغير الكنترول ده بمنتهى البساطه بتعمل حاجه اسمها default setting .. انما بقا هنقعد نألف و نقول ايدل مش شغال اصل الايدل نعسان اصل ايدل تعباان كل ده هري كلام ع الفاضي
يا جدعان ابوس اديكو اللي يعرض مشكلة يدنا بيانات كاملة شاملة نقدر بس نفهم

لو افترضنا ان الكنترول ده فعلا شغال و قابل انه يشتغل على عربيتك ايه قصة الايموبلايز دي !!! ايه علاقتها يعني ؟؟؟ الموتور بيشتغل بس مش مظبوط يبقا ايه علاقة immobilizer هنا ؟؟؟
ده مانع حركه انا بقا اوظفه يشتغل او اوقف عمله دي حاجه تتعمل ماخرا كل ما هنالك انه طلاما موجود انا هشغله علشان اعرف استخدم العربية .

ما علينا ....... احنا عندنا كنترول راكب و العربية مبرجله .. يبقا الواجب علينا نتأكد فعلاً ان الكنترول ده ملائم للعربية دي و بعد كدا نعمل ضبط افتراضي للكنترول و بعد كدا نركبة و نجرب لسه مبرجله وصل و اعمل اسكان مافيش اعطال ... نرجع تاني للنقطه (أ) الكنترول ده ينفع للعربية دي ولا لا

شركة فولكس فاجن صنعت محركات كتيييييييييييييييييييييييييييييييييييييييييييييييي يييييييير سعة 1400 سي سي و كل محرك له كود و كل محرك له كنترول مخصوص يركب عليه

انا بس طلبي الوحيد بيانات من حضرتك علشان افهم ايه العربية اللي معاك

[Mahmoudelsayed]

ممكن اعرف كود الماكينة اللي راكبة عندك لو سمحت
عاوز اعرف الماكينة دي عليها حسسات ايه بالظبط
لو حساس واحد بس متسجل على الكنترول و مش موجود ع الماكينة مكان الحساس ده هتبرجل منك و ممكن تعمل اكتر من البرجلة

لان .......... المفروض اول ما تغير الكنترول ده بمنتهى البساطه بتعمل حاجه اسمها default setting .. انما بقا هنقعد نألف و نقول ايدل مش شغال اصل الايدل نعسان اصل ايدل تعباان كل ده هري كلام ع الفاضي
يا جدعان ابوس اديكو اللي يعرض مشكلة يدنا بيانات كاملة شاملة نقدر بس نفهم

لو افترضنا ان الكنترول ده فعلا شغال و قابل انه يشتغل على عربيتك ايه قصة الايموبلايز دي !!! ايه علاقتها يعني ؟؟؟ الموتور بيشتغل بس مش مظبوط يبقا ايه علاقة immobilizer هنا ؟؟؟
ده مانع حركه انا بقا اوظفه يشتغل او اوقف عمله دي حاجه تتعمل ماخرا كل ما هنالك انه طلاما موجود انا هشغله علشان اعرف استخدم العربية .

ما علينا ....... احنا عندنا كنترول راكب و العربية مبرجله .. يبقا الواجب علينا نتأكد فعلاً ان الكنترول ده ملائم للعربية دي و بعد كدا نعمل ضبط افتراضي للكنترول و بعد كدا نركبة و نجرب لسه مبرجله وصل و اعمل اسكان مافيش اعطال ... نرجع تاني للنقطه (أ) الكنترول ده ينفع للعربية دي ولا لا

شركة فولكس فاجن صنعت محركات كتيييييييييييييييييييييييييييييييييييييييييييييييي يييييييير سعة 1400 سي سي و كل محرك له كود و كل محرك له كنترول مخصوص يركب عليه

انا بس طلبي الوحيد بيانات من حضرتك علشان افهم ايه العربية اللي معاك

احنا اسفين يا صلاح



براحة علينا يا عم

بيانات الموتور

Golf 3 1.4 ABD
mono injection

الكنترول اللى ركبتة

030906026AJ

العربية شغالة بحساسين

الاول بتاع الحرارة
والثانى اللى فى الشكمان


النهاردة قعدت افصل بوجية بوجية تروح العربية مقطعة
بس المشكلة انها لما بتبقى بارده لازم اسند لها بنزين لحد لما تسخن

ولما بدوس بنزين شوية الاقى العربية بتقطع تقطيع كل 2 ثاينة مثلا بس بتفضل دايرة بردو مش بتبطل
بالاضافة الى عادم اسود من الشكمان

وشكراااااااااااااااا

[sala7]

المهم ان موتورى المفروض الكنترول بتاعه 030906026 ab بس للاسف مش لاقيه فلاقيت البديل او الاقرب ليه هوا 030906026 aj وده اللى ماشى بيه دلوقتى

شوف بقا يا صحبي

اولا انت كنترولك الاولاني (غلط)

ثانيا كنترولك التاني اللي هو البديل او الاقرب بردوا (غلط)

الصح ايه ؟؟؟؟؟

الاتنين (مونو موتورونيك) بس الاخير ده بيشتغل مع موديلات من نفس المواتير دي عليها كنترول موتورونيك بالكامل (ايه بي اس - كرانك سينسور - ماف سيسنور ... الخ
ياريت تجيب واحد من اللي ارقامهم في الصورة نفس الارقام دي بالظبط

تحياتي

[Mahmoudelsayed]

انا حصلت معايا نفس المشكلة وحلتها عند كهربائي شاطر في مدينة نصر


كلية التربية الرياضية - جامعة بنها

ممكن تفاصيل

[eraser]

متابع