شجرة المياة - ابيزا 2000

[Ahmed Mubarak]

السلام عليكم

من كام يوم لقيت فى تسريب مياة من عند الماسورة الواصلة بين شجرة المياة والطرمبة
المهم فكيتها وحاولت انى اركبها تانى بعد اضافة سيلكون علشان يمنع التسريب بس للاسف الجوان اتقطع المهم جيبت جوان تانى وركبته وكان لسه فى تسريب ومشيت يومين بيها وبزود مياة وامبارح جيبت جوان تانى بس مش نفس الشكل وركبته ومازال فى تسريب وبعد ما ركبت كل حاجة حاولت انى اضغط على المكان الواصل بين االشجرة والماسورة اتكسر جزء من الشجرة والحمد لله

انهاردا رايح اركب شجرة جديدة حد عنه خلفية سعر الشجرة جديدة و استيراد كام وانه افضل

جزاكم الله خيرا

[mohammad isdf]

انا مشكلتى قريبة منك بس لسه ملعبتش فى حاجة

http://www.nilemotors.net/Nile/390206-a.html

ولسه مش عارف الأسعار .. يا ريت حد يفيدنا

[Ahmed Mubarak]

ان شاء الله كلها ساعة زمن واقولك الاسعار

[hossamalsadik]

150ج إستيراد وهتها نضيفه وهتعيش معاك

[Ahmed Mubarak]

السلام عليكم

تم تغيير الشجرة والماسورة بحمد الله ولكن الشجرة اللى لقيتها استيراد كانت بتاعت ماكينة تانية بس متوافقة مع المكينة بتاعتى باختلاف ان فيها فتحتين زيادة وحط فيهم خرطوم واحد علشان يقفلهم (للاسف ملقيتش استيراد غير دى بس )
التكلفة للشجرة والماسورة 250 جنية و 70 جنية مصنعية والحمد لله لحد دلوقتى العربية ذى الفل

[hossamalsadik]

مبروك يا أحمد بيه

[grandfox]

يابنى بطل لعب بقى ... كل مرة كده

[egman]

مبروك يا باشا وربنا يباركلك فيها .
وشكلها كده هو موسم شجرة الميه فى القسم حاجة غريبة وملوحظة غريبة جدا لو حد رجع بالقسم كام صفحه لورا هتلاقوا ان فى اوقات طرمبات البنزين لاكتر من حد باظت واوقات تانية مساعدين واوقات تانية حوارات ت سريب الميه وشجرة الميه فعلا خدوا بالكوا هتلاقوا كلامى صح هههههههههههه .

[mohammad isdf]

الف مبروووووك ربنا يحفظها بقى وتبقى كويسه ان شاء الله