الحمد لله ..... موتورى قفش .......

[Mahmoudelsayed]

اولا : الحمد لله على كل شئ


انا كنت ماشى بعربيتى عادى وكله تمام ومرة واحدة لقيت عداد الار بى ام عمال يعلى ويوطى
كانى بدوس على البنزين فقلت يمكن سلك الاكسراتير معلق ولا حاجة

فوقفت على جنب ونزلت لقيته تمام مفيهوش حاجة فجيت ادور تانى العربية مش راضية
ازقها ولما اجى ارمى العربية تتقل اوى ومترميش

فاخدتها لميكانيكى قالى ده الموتور قفش فى حاجة جوااااااااه

بس تنصحونى بايه بقى انا لسه مفتحتش الموتور هوا ده ممكن يكون من ايه ؟؟؟؟؟؟؟؟

[Ahmed_Ramadan]

يمكن مفيهوش زيت أو سير الكاتينة قطع !! ... وعموما الحمد لله على كل حال

[abohend]

أظن مش سير

يمكن مفيهوش زيت أو سير الكاتينة قطع !! ... وعموما الحمد لله على كل حال

يتهيألي مش سير و إلا كان سمع صوت خبط الصبابات في البساتم و ده بيبقى صوت ملحوظ أوي
لكن زيت و لا ﻷ؟؟؟؟؟ الله أعلم

[Mahmoudelsayed]

لا الزيت وسير الكتينة تمام ومسمعتش اى اصوات خالص

[Ahmed_Ramadan]

مش عارف الصراحة بس عموما متابع علشان أعرف السبب للإستفادة

[Mahmoudelsayed]

فى انتظار ارائكم

[ehab_mansour]

يعني ايه قفش ؟؟؟؟ من غير ما يكون فضي من الزيت او سخن ؟؟؟
احتمال يكون عمود بييل اتكسر او عمود الكرنك بوش او جلبه باظت !!! كل الحاجات دي محتاجه ميكانيكي بيفهم عشان يحدد المشكلة قبل ما يفك .... احتمال يكون الموضوع بسيط او مشكلة بسيطة و هو اللي مش فاهم او مش عارف يحدد او يمكن يكون فعلا قفش و لكن ليييييييييه عايزين نعرف السبب و لازم ميكانيكي بيفهم يعاين الواقع و يشيك علي كل حاجه

[Mahmoudelsayed]

انا ان شاء الله هوديها للاسطى عصام وهقولكم عالاخباااااااااااااااااااار

[mohammad isdf]

كنت هقولك روح لعصام .. واستعين بالله كده وربنا يجيب العواقب سليمة

[المنسي]

متابع معاك وان شاء الله تكون حاجة بسيطة

[nesr6060]

نفس مشكله موتورى علشان ماتتعبش نفسك ده طقم شنبر وكلها شهرين وهتبتدى تشوف الدخانه البيضشه بتاعه حرق الزيت

[hossamalsadik]

متقلقش
متابع وكله خير ان شاء الله

[Mahmoudelsayed]

فكينا الموتور ولقينا :
1- طلمبة الزيت قاطعة
2- البى ايلات متنيين
3- الكرنك محجر

[amrelsaqqa]

لا حول ولا قوة الا بالله ، ربنا يعوضك خير
بس لما الطرمبة كانت قاطعة ،وطبعا هى سبب كل اللى حصل بعد كدة ، هل لمبة الزيت ما نورتش ، ولا حضرتك مخدتش بالك منها ؟

قدر الله ما شاء فعل وخير ان شاء الله

[Mahmoudelsayed]

للاسف منورتش

العربية اصلا متدنيش اى سابق انظااااااااااااار

حتى الميكانيكى بيقولى اللى حصلك ده بيبقى من النوادر يعنى نادرا ان الطلمبة تقطع والثرموستات مينورش

اللى عوج البى ايلات كده بسبب ان الموتور قفش وانا لما كنت باجى ادور الموتور يعمل صوت تك تك كان البطارية فاضية

فانا نزلت وقعدت ازق وازق وارمى والعربية تكلبش فى الارض فالبى ايلات شالت الحمل كله

الحمد لله رب العالمين