سامع صوت ونة مع الماتور ؟؟؟؟؟

[amr zaid]

1- اليومين دول بدأت اسمع صوت ونة مع الماتور
هل ده صوت بلية الدبرياج مع العلم ان الدبرياج شغال معاى زى الفل ومفيهوش مشاكل ولو هى فعلا بلية الدبرياج ينفع اغيرها لوحدها ولا لازم الطقم كامل ولو حد يعرف سعرها ياريت يقول
2- تانى حاجة بسمع صوت طقة لما باخد اى مطب (( اول ماطلع على المطب اسمعها )) واول ما انزل من على المطب اسمع طقة لتانى مرة مش عارف ايه ده ؟؟
3- انا ناوى ان شاء الله اعمل شمبر للعربية ف ياريت لوحد يدينى فكرة عن الشمبر يعنى ايه ؟؟؟
(( فكرة مبسطة )) عشان البوجيهات بتعرق زيت واحيانا بيكون فيه دخنة سودة
ومين احسن ميكانيكى اروح عنده وهيتكلف كام وحوار الشمبر ده ؟؟؟
اللى عنده فكره ياريت يقولى عليها
معلش بقى طولت عليكم

[nesr6060]

ربنا معاك ومتعملش زى وتهمل الكلام ده والا فى الاخر هتلاقى نفسك دخلت فى موتور كامل
بالنسبه للزنه لو بتروح لما بتدوس دبرياج وبتيجى لما تشيل رجلك من على الدبرياج فهى فلا بليه الدبرياج وبتتغير عادى لوحدها حوالى ب 90 جنيه
وتاثيرها هيبانن معاك فى المستقبل فى قله السحب

اما بالنسبه للصوت بتاع الطقطقه بتاع المطبات فاعتقد انه كبالن راس الكوبلن مش مظبوطه
اما طقم الشنبر انا اللى اعرفه انه مش مستحب انه حد يفتح المواتير الالمانى لانى انا فاتح الموتور من 4 شهور ورجع تانى خرب ولا كانه اتصلح واعتقد ان طقم الشنبر بيكلف حوالى 2000 جنيه او 1500 فالاحسن هاتلك شورت بلوك وخلاص وخد راى الرجاله فى المنتدى برده

[egman]

1- اليومين دول بدأت اسمع صوت ونة مع الماتور
هل ده صوت بلية الدبرياج مع العلم ان الدبرياج شغال معاى زى الفل ومفيهوش مشاكل ولو هى فعلا بلية الدبرياج ينفع اغيرها لوحدها ولا لازم الطقم كامل ولو حد يعرف سعرها ياريت يقول
2- تانى حاجة بسمع صوت طقة لما باخد اى مطب (( اول ماطلع على المطب اسمعها )) واول ما انزل من على المطب اسمع طقة لتانى مرة مش عارف ايه ده ؟؟
3- انا ناوى ان شاء الله اعمل شمبر للعربية ف ياريت لوحد يدينى فكرة عن الشمبر يعنى ايه ؟؟؟
(( فكرة مبسطة )) عشان البوجيهات بتعرق زيت واحيانا بيكون فيه دخنة سودة
ومين احسن ميكانيكى اروح عنده وهيتكلف كام وحوار الشمبر ده ؟؟؟
اللى عنده فكره ياريت يقولى عليها
معلش بقى طولت عليكم

صباح الفل يا باشا

بص حضرتك :

1- الونه : ده بتكون وانت بتجري بالعربية ولا هى على ا لسلانسيه ويا ريت وانت بتجري وسامعها ابقى مور العربية وشوف لو راحت الونه ده من الفتيس نفسه ، وانا ارجح كده فعلا كانت بتبقى عندى الونه وانا على الخامس وفاتح بالعربية ولو جربت والونه راحت بعد ما تمور وانت على سرعه قولنا وانا اقولك على الحل قتها بس جرب الاول .

2- طقطقه على المطب ده : اكشف على المقصات .

3- طيب الاول مين قال لحضرتك واجزم انها طقم شنبر بما انك ما تعرفش ميكانيكي متخصص ، وعموما لو الموضوع اخره طقم شنبر لا تقلق سهله ان شاء الله جدا ومافيهاش مشكله ، بس لازم توديها الاول لواحد متخصص فى عربيتنا وتتاكد اكتر .

4- احسن ميكانيكي انا بتعامل مع واحد فى صقر قريش فى المعادى ممتاز جدا جدا اما التكلفه يا صديقي ما عنديش فكرة عنها هما كل يوم اسعار قطع الغيار بسعر ، لو حبيت ابعتلك عنوانه وتليفوناته على الخاص او حضرتك تدخل الموضوع المثبت عن المياكنيكيه بتوع الايبيزا الى فى اول صفحه قسم السيات هتلاقى بياناته انا حاططها .

بالتوفيق يا باشا ،،

[Ahmed_Ramadan]

متابع علشان عندى الونة على الخامس و أنا بجرى بالعربية و بتروح أما بدوس دبرياج

[Mahmoudelsayed]

متاااااااااااابع

[ehab_mansour]

1- اليومين دول بدأت اسمع صوت ونة مع الماتور
هل ده صوت بلية الدبرياج مع العلم ان الدبرياج شغال معاى زى الفل ومفيهوش مشاكل ولو هى فعلا بلية الدبرياج ينفع اغيرها لوحدها ولا لازم الطقم كامل ولو حد يعرف سعرها ياريت يقول

مين قال انها بلية دبرياج ؟؟؟ بلية الدبرياج مش بتعمل ونه .. بتعمل صوت خشونة صباحا و بيظهر لما تكون سايب الدواسة و لما تضغط عليها بيروح ... هل ده اللي بيحصل معاك ولا لأ ؟؟؟ لأن صوت الونة ممكن يكون من الفتيس نفسه او بلي اخر في المحر
بلية الدبرياج ب 100 جنيه و ممكن تغيرها لوحدها و لكن هدفع مصنعية تغيير الطقم لأن هي هي نفس اللي هيتفك هنا هو هنا

2- تانى حاجة بسمع صوت طقة لما باخد اى مطب (( اول ماطلع على المطب اسمعها )) واول ما انزل من على المطب اسمع طقة لتانى مرة مش عارف ايه ده ؟؟
ممكن تكون من المساعدين او جلب المقص ... و غالبا هي مساعدين عشان لما بيتضغطوا و يتفردوا بتسمع الصوت و محتمل تكون من الكاوتش اللي بيحمي المساعدين ... غالبا محتاج تكشف عليها عند بتاع عفشة بيفهم

3- انا ناوى ان شاء الله اعمل شمبر للعربية ف ياريت لوحد يدينى فكرة عن الشمبر يعنى ايه ؟؟؟
(( فكرة مبسطة )) عشان البوجيهات بتعرق زيت واحيانا بيكون فيه دخنة سودة
ومين احسن ميكانيكى اروح عنده وهيتكلف كام وحوار الشمبر ده ؟؟؟
اللى عنده فكره ياريت يقولى عليها
معلش بقى طولت عليكم

حوار الشمبر ده مش مضمون خاصة ان مافيش حد فك و عمل اي حاجه في بلوكة المواتير الألف دي و فلحت
لذلك انصحك تمشي بيها كما هي و بعدين تبقي تغير شورت بلوك علي بعضه افضل و انضف و اريح

[ehab_mansour]

متابع علشان عندى الونة على الخامس و أنا بجرى بالعربية و بتروح أما بدوس دبرياج

نقص زيت + فتيس

الاول تزود الزيت لأن دي مش بتظهر قوي غير مع نقص الزيت ولو مرحتش تبقي الفتيس هو كده و متشغلش دماغك او ممكن تجرب اضافات زيت الفتيس

[amr zaid]

انا متشكر ياجماعة على الاهتمام ده
بالنسبة للونة ..... هو مالوش علاقة بالدبرياج ((عشان مفيش تأثير لما ادوس على الدبرياج او اشيل رجلى ))
وبرده مورت الفتيس الصوت متغيرش وفضل موجود
كان فيه واحد صاحبى راكب معاى قالى دى مش صوت ونة دا زى مايكون فيه حته بتدخل هوا وعاملة صوت
بس انا مش مقتنع بالكلام ده وحاسس ان الموضوع له علاقة بالماتور او الفتيس

[elbaz45]

طقم الشنبر مشكلته انه تكلفته عالية جدا ونتيجته مش مضمونة على الاطلاق
وتكلفة طقم الشنبر فعلا بتوصل ل2000ج ,,, ازاااااااااااى ؟؟؟ اقولك ازاى ...
اولا طقم الشنبر الاصلى كنت سائل عليه من كام شهر وكان ب 280ج بس القصة مش فك وركب ; لأ القصة هنا ان الشنبر لما بيبوظ بيعلم على السلندر ويجرح فيها واكيد الميكانيكى الشاطر مش هيرضى الا والسلندر مرايا من جوة علشان العمرة تظبط والا يبقى معملناش حاجة الشنبر اينعم جديد بس السلندر الخلوص فيه مش مساوى وبالتالى هيبقى فى شغل كتير مع الخراط ده غير تكلفة العمرة وبالاضافة لقطع الغيار هتلاقى نفسك صارف اكتر من 2000ج , ده انا النهاردة كنت بغير جوان وش السلندر بس .. دخلت فى اكتر من 500ج
والله المستعان

[ehab_mansour]

انا متشكر ياجماعة على الاهتمام ده
بالنسبة للونة ..... هو مالوش علاقة بالدبرياج ((عشان مفيش تأثير لما ادوس على الدبرياج او اشيل رجلى ))
وبرده مورت الفتيس الصوت متغيرش وفضل موجود
كان فيه واحد صاحبى راكب معاى قالى دى مش صوت ونة دا زى مايكون فيه حته بتدخل هوا وعاملة صوت
بس انا مش مقتنع بالكلام ده وحاسس ان الموضوع له علاقة بالماتور او الفتيس

الصوت طالما موجود حتي مع المور يبقي جاي من الفتيس نفسه او من العجل

الحاجتين اللي بيلفوا دائما مع العربية طول ماهي بتتحرك حتي لو بطلت الموتور خالص هو الفتيس و ما بداخله من بلي و تروس و العجل بالكبالن .. هنشي الكبالن من الموضوع و يتبقي بلي العجل و الفتيس
بلي العجل هيبان لو رفعت كل عجله لوحدها و لفيتها بايدك و قربت ودنك من اكس العجلة هتسمع الخشونه من البلي ولا لأ
لو فتيس يبقي تكبر دماغك و اخرك تشيك علي الزيت بتاعه و لو حابب تصرف تغيره بزيت اصلي من اللتر ب 80 جنيه او تجرب الاول تضيف له بعض الاضافات المنتشرة لتنعيم صوت الفتيس و النقلات