ممكن يا رجاله المعلومات المتوفره عن مكنه ال 1600 كود aee

[nesr6060]

يا رجاله انا لسه جاى من الحرفين حالا وكنت نازل علشان ادور على المكنه ال AFT كامله لاقيتها وبسعر حلو جداا وكامله بس ظهرت مشكله الايرماس وانه بيبوظ ومحدش بياقيه بسهوله والصراحه خفت اصل الف حوالين قطع غيارها
علشان كدا اشتريت دماغى وراحتى وجبت المكنه ال 1600 كود aee ممكن تساعدونى وتجبولى كل العلومات عنها كامله وايه افضل انواع الزيوت ليها والبوجيهات وايه رايكم اغير طنابير العفشه لطانبير كبيره ولا لا اصل رضا قالى هى هى العفشه مفيش مشكله انا جبتها كامله بلتكويد وكلوا

وياريت لو تقولولى رشاد الكهربائى لما يشتغل فيها وضفيرتها وتظبيتها هياخد كام إن شاء الله ؟؟؟



وممكن حد يقولى رش العربيه بيكلف كام تقريبااا من غير شغل سمكره ؟؟

[ashraf4280]

الف مبروك يا كبير وربنا يوفقك ان شاء الله

وياتري عملت كام وموديل كام

[banzai]

علشان كدا اشتريت دماغى وراحتى وجبت المكنه ال 1600 كود aee ممكن تساعدونى وتجبولى كل العلومات عنها كامله

[nesr6060]

المكنه عملت كامله من غير الباور ومن غير التكيف ب 3000 بس نفسى فى المعلومات الكامله عنها لو سمحت

[ehab_mansour]

engine ID codes 496, 1F, AEE

engine displacement & engine configuration :-

1,598 cubic centimetres (97.5 cu in) inline-four engine (R4/I4); bore x stroke: 76.5 by 86.9 millimetres (3.01 × 3.42 in), stroke ratio: 0.88:1 - undersquare/long-stroke, 399.4 cc per cylinder

cylinder block & crankcase :-

grey cast iron; five main bearings, die-forged steel crankshaft

cylinder head & valvetrain :-

cast aluminium alloy; two valves per cylinder, 8 valves total, single overhead camshaft (SOHC)

fuel system & engine management :-

SPI: electronic single-point fuel injection (SPI), Bosch Mono-Jetronic engine control unit

MPI: multi-point electronic indirect fuel injection with four intake manifold-sited fuel injectors (MPI), Magneti Marelli engine control unit


DIN-rated motive power & torque outputs :-

SPI: 55 kilowatts (75 PS; 74 bhp) @ 5,200 rpm; 125 newton metres (92 lbf·ft) @ 2,800 rpm

MPI: 55 kilowatts (75 PS; 74 bhp) @ 4,500 rpm; 135 newton metres (100 lbf·ft) @ 3,500 rpm

applications :-

Volkswagen Polo Mk3, Volkswagen Golf Mk3, SEAT Ibiza Mk2, SEAT Toledo Mk1, Škoda Felicia

[ehab_mansour]

المشاركة السابقة فيها معلومات عن المحرك المطلوب و كوده AEE و ده كما هو واضح فوق نزل منه نوعين زي بعض بالضبط في كل تفاصيل المحرك و البلوكه و لكن مختلفين في الكنترول و الكهرباء و وش السلندر
1- الاول ده SPI اللي هو بكنترول و رشاش واحد فقط و كربيراتير حديث مع الرشاش الواحد و ده بيخرج 75 حصان كقوة و لكن بيخرجوا متأخر عند 5200 لفة في الدقيقة و عزمه قليل عن التاني يعني 125 نيوتن متر و بيخرج بدري عند 2800 لفه في الدقيقة
2- الثاني اللي هو بيكنترول و 4 رشاشات و ده حقن الكتروني كامل MPI و ده بيخرج برضه قوة 75 حصان و لكن بتخرج بدري عند 4500 لفه في الدقيقة و عزمه اعلي من الاول و هو 135 نيوتن متر عند ار بي ام اعلي شوية 3500 لفة في الدقيقة

طبعا و بدون نقاش التاني ال MPI افضل لأنه حقن الكتروني كامل و عزمه اعلي و قوته بتخرج عند ار بي ام اقل من الاول

و ده شكل الموتور التاني في الفيديو ده

VW POLO 1.6 8v AEE ENGINE - YouTube

هو شكله بالضبط زي الموتور ال 1000 سيسي و ال 1400 سيسي اللي نزلوا في موديل 98 و لكن الفرق طبعا في التصميم الداخلي و شكل الغطاء اللي مكتوب عليه 1.6

و بالتوفيق لك و للجميع و مبروك عليك و الموتور ده قطع غياره متوفره و مشترك مع المحرك ال 1000 سيسي و 1400 في حاجات كتير

[zika99_eg]

ده نفس الموتور بتاعي
اقص سرعه 150
بستخدم زيت نصف تخليقي
استهلاك البنزين حوالي 180 الي 200
علي السفر 250
اهم حاجه الكهربائي اللي يشتغل يكون تمام عشان لو ربع كم هيقرفك
وكمان انت جايبه بالفتيس والطنابير ولا لالا
وبالتوفيق ان شاء الله

[ra3d]

منيين اجيب االمعلومات عن المتور بالكود ؟؟؟
انا بولو 1000 سي سي كود hhk

[ehab_mansour]

منيين اجيب االمعلومات عن المتور بالكود ؟؟؟
انا بولو 1000 سي سي كود hhk

الكود ده غلط لأن المحرك اللي نزل للبولو 1000 سيسي في 98 انجيكشن كامل شبه الموتور اللي فوق كوده aer ادخل علي الانترنت علي جوجل و ابحث بالكود ده هيطلعلك كل حاجه انت عايزها

[ra3d]

هو فعلن شبه اللي في الفيديو باظبط بس 1.0 و هي 1998 وهو مش انججكشن كامل عشان فيه بوابة
طب منين اجيب الكود ؟؟؟؟

[ehab_mansour]

هو فعلن شبه اللي في الفيديو باظبط بس 1.0 و هي 1998 وهو مش انججكشن كامل عشان فيه بوابة
طب منين اجيب الكود ؟؟؟؟

يا افندم عربيتك حقن الكتروني كامل او كما تقول انجيكشن كامل

الفرق ما بين الحقن الكامل و الاحادي هو ان عربيتك اربع رشاشات كل واحد بيرش كمية بنزين محدةة داخل كل بستم في وقت محدد
ال spi او المحرك الاحادي الرشاش دي فيها رشاش واحد بيرش داخل البوابة مباشرة

لكن فيه بوابة او مافيش فدي قصة تانيه تماما و عموما كل العربيات فيها بوابات هواء سواء كربيراتير او انجيكشن نصف او كامل

المقصود ان المقصود بالحقن هنا هو حقن البنزينو كيفية خلطه مع الهواء و فين و ازاي و ملهوش علاقة ببوابة الهواء

عموما كود الموتور هتلاقيه عندك في جنب المحرك علي البلوكه نفسها اسفل شجرة المياة .... هتلاقي ثلاث حروف ثم مجموعة ارقام .... الثلاث حروف هم كود الموتور و الارقام هي رقم المحرك اللي مكتوب في الرخصة معاك

[ra3d]

تمام يا هندسة فهمت و حشوف الكود و اقوللك

[hossamalsadik]

الف مبروك عليك الماتور
ماتور كويس وحاجته متوفره فى الطبيعى
ماتغيرش الطنابير راى ده مبنى على قوة عزم ماتورك الجديد 75hp
لاكن لو كان أعلى زى فوق 100hp كنت قلتلك لازم غير العفشه للعفشه الكبيره
السعر كويس للماتور الحمد لله
ربنا يوفقك أن شاء الله

[nesr6060]

انا فعلا مغيرتش طنابير بس المشكله ان اكتشفت ان طابيرى اصلا بايظه ولازم تتغير ايه رايكم اجيب الطناابير الكبيره احسن ولا ايه
بالنسبه للموتور ازاى اخره 150 ده ال 1400 بيجيب 170 و ال 1300 اللى كان معايا عاوز طقم شنبر وضايع كان بيجيب 140 امال انا مغيره ليه معلشان عاوز اكسر حاجز ال 170 كم

[ashraf4280]

مادام هتغير فابالمرة هات الكبيرة هيتبقي افضل