Tweet
السلام عليكم, انا كنت جبت ابيزا 2006 من 3 اسابيع ووعدتكم اعمل تقرير عنها ومقارنتها مع ابيزا 94
مبدئبا الابيزا 94 معايا بقالها سنتين وشفت معاها ايام كتير حلوه وايام سوده
ال 2006 معايا من 3 أسابيع
فى نص الكلام هاقارن برضه مع مازدا 3 2013 (سقتها لمده شهر وعملت بيها 2000 كيلو )وتيوتا ياريس 2009 (سقتها فتره برضه)
لأن المقارنه ظالمه جدا جدا لعربية موديل 94 بدون تكييف ولا باور
ال 94 مانيوال 1.3 SPI وبيسموها هاف انجيكشن - ماشيه حوالى 140 الف
ال 06 اوتو 1.4 mpi - ماشيه 79 الف
المازدا 1.6 اوتو (عربية جمييييييله جدا) كانت ماشيه 3 الاف كيلو فقط
الياريس 1.3 اوتو (ظريفة) ماشية 260 الف
1- العزل
أكتر حاجة ملحوظة اول ماتدخل ال 06, العزل, العزل ثم العزل ثم العزل, عزل الصوت مبهر, لو قافل الزجاج بتاعك, ومشغل كاسيت او راديو, ممكن تنسى الشارع حواليك, بس طبعا سواقين الميكروباصات والتاكسى بيعزفوا مقاطع بالكلاكس, دى مستحيل تتجاهلها
العزل فى ال 94 مأساه, حتى وانت قافل كل حاجة, يمكن عشان فرق الزمن, يعنى يمكن ال 94 دى لما طلعت زمان كانت احسن من كده, الله أعلم
2- صوت الماتور
فى ال 06 هادى جدا, لو الموتور شغال والعربية واقفة والزجاج مقفول, ممكن ماتسمعوش خالص, بس طبعا لما العربية بتمشى او بتقرص عليها بيكون واضح, مش صوت عالى وغبى, صوت ظريف وشيك, ودى ميزه مش عيب, أنا شخصيا احب اسمع صوت الماتور
ال 94 صوت الماتور فيها بيكون كويس فقط لو قواعد الماتور سليمة 100% ومغير زيت بكثافة مناسبة لحالة الماتور, وحالة الدبرياش والبليه كويسه وزيت الفتيس حالته ولزوجته كويسه, اى حاجة من دول تبوظ, هاتسمع صوت أو اصوات
3- النعومة
ال 94 ماكنش فيها باور, فالمقارنة هاتكون ظالمة جدا ليها
ال 06 تقريبا نفس نعومة المازدا والياريس, الباور سلس جدا, بسهولة جدا جدا تاخد غرز بيه, الركن بيه رفاهية (بأمانة الله الواحد طلعله عضلات من الركن بال 94 من غير باور), وبيمسك نفسه على السرعات, جميل جدا
الغيارات بتنقل من غير ماتحس بيها, مافيش رجه او نتشه, بس المازدا كانت أنعم شىء بسيط, بس ده فرق ال 2013 من 2006, واعتقد نفس نعومه فتيس الياريس
ملحوظة : أخدت وقت عشان اتعود على دوسة بنزين معينة عشان ماعملش كيك داون أو اخلى العربية تحرق على الغيار
فى حركه غبية بعملها لما يكون الشارع واقف, انى باسيب فرامل وادوس بنزين امشى 10 متر ,الدنيا تقف, ارجع ادوس فرامل تانى تكون العربية بتنقل للتانى, تقوم ناتشه كده عشان تقف, الفكره يعنى انى متعود ادوس بنزين عشان كنت باسوق مانيوال, مع ان فى الزحمة انت فى الغالب مش محتاج تدوس بنزين خالص, او سنه بسيطه جدا يعنى بحيث العربية ماتلحقش تنقل للتانى
4- العفشة
ال 06 طبعا ماسكه نفسها لسه, مش بتسمع رجرجه ولا تخبيط ولا الحاجات دى لسه, بس محتاجه اهتمام شويه والواحد يمشى محترم
ال 94 جرى عليها الزمن وعوامل التعرية, كنت بسمع بيها تخبيط احيانا وحاجات كده, بس للأمانة, لو كنت غيرت علبة الدركسيون لما غيرت باقى العفشه, كانت هاتظبط جدا
وللأمانه يعنى, الابيزا عربية صغيره وشكلها شبابى, لكن عربية قويه جدا وبتستحمل المطبات والنقر والبلاوى السوده اللى اسمها "شوارع" فى المحروسة
ملحوظة: للأسف, ال 06 واطيه شويه, ممكن تحك فى المطبات, خصوصا لو محمل (3 - 4 أشخاص), ال 94 كانت اعلى منها
امبارح كنت ماشى فى اجمل واعظم مكان فى الدنيا, مدينة نصر, مكان محتاج انه يتنسف على أقل تقدير
الشوارع كلها ظلام, مطبات عشوائية, ونقر وحفر فى كل الاتجاهات والاحجام, والمطر بينزل والعربيات تعوم والاسفلت بيتاكل, حتى الشوارع الرئيسية زى مصطفى النحاس, الشارع كله قطع وتلحيمات وفواصل, كل 3 متر فى مستوى غير اللى بعدهم, مأساه بكل المقاييس
المهم واحد حاطط حجر فى نص الشارع, نص الشارع, لمحته كده فى الضلمه افتكرته صغير, هوب لقيته خبط فى العربية من تحت وبيتجر معايا
, وقفت ورجعت حوالى 3 متر عشان اعرف اطلعه من تحت العربية, والعربية اتبهدلت جامد 
, ربنا يرحمنا 
5- الخامات من الداخل
تقفيل التابلوه ممتاز - الابواب والكراسى جيد, مقارنه بالمازدا والياريس, حسيت انها اقل شويه من المازدا, واعلى شويه من الياريس
سحب الماتور, قطع الغيار, الاعتماديه, الصنايعيه, فى الجزء القادم ان شاء الله
هاكون غيرت الزيوت والفلاتر وكذا حاجة تانيه وطلعت بيها على طريق سريع باذن الله
مبدئبا الابيزا 94 معايا بقالها سنتين وشفت معاها ايام كتير حلوه وايام سوده
ال 2006 معايا من 3 أسابيع
فى نص الكلام هاقارن برضه مع مازدا 3 2013 (سقتها لمده شهر وعملت بيها 2000 كيلو )وتيوتا ياريس 2009 (سقتها فتره برضه)
لأن المقارنه ظالمه جدا جدا لعربية موديل 94 بدون تكييف ولا باور
ال 94 مانيوال 1.3 SPI وبيسموها هاف انجيكشن - ماشيه حوالى 140 الف
ال 06 اوتو 1.4 mpi - ماشيه 79 الف
المازدا 1.6 اوتو (عربية جمييييييله جدا) كانت ماشيه 3 الاف كيلو فقط
الياريس 1.3 اوتو (ظريفة) ماشية 260 الف
1- العزل
أكتر حاجة ملحوظة اول ماتدخل ال 06, العزل, العزل ثم العزل ثم العزل, عزل الصوت مبهر, لو قافل الزجاج بتاعك, ومشغل كاسيت او راديو, ممكن تنسى الشارع حواليك, بس طبعا سواقين الميكروباصات والتاكسى بيعزفوا مقاطع بالكلاكس, دى مستحيل تتجاهلها
العزل فى ال 94 مأساه, حتى وانت قافل كل حاجة, يمكن عشان فرق الزمن, يعنى يمكن ال 94 دى لما طلعت زمان كانت احسن من كده, الله أعلم
2- صوت الماتور
فى ال 06 هادى جدا, لو الموتور شغال والعربية واقفة والزجاج مقفول, ممكن ماتسمعوش خالص, بس طبعا لما العربية بتمشى او بتقرص عليها بيكون واضح, مش صوت عالى وغبى, صوت ظريف وشيك, ودى ميزه مش عيب, أنا شخصيا احب اسمع صوت الماتور
ال 94 صوت الماتور فيها بيكون كويس فقط لو قواعد الماتور سليمة 100% ومغير زيت بكثافة مناسبة لحالة الماتور, وحالة الدبرياش والبليه كويسه وزيت الفتيس حالته ولزوجته كويسه, اى حاجة من دول تبوظ, هاتسمع صوت أو اصوات
3- النعومة
ال 94 ماكنش فيها باور, فالمقارنة هاتكون ظالمة جدا ليها
ال 06 تقريبا نفس نعومة المازدا والياريس, الباور سلس جدا, بسهولة جدا جدا تاخد غرز بيه, الركن بيه رفاهية (بأمانة الله الواحد طلعله عضلات من الركن بال 94 من غير باور), وبيمسك نفسه على السرعات, جميل جدا
الغيارات بتنقل من غير ماتحس بيها, مافيش رجه او نتشه, بس المازدا كانت أنعم شىء بسيط, بس ده فرق ال 2013 من 2006, واعتقد نفس نعومه فتيس الياريس
ملحوظة : أخدت وقت عشان اتعود على دوسة بنزين معينة عشان ماعملش كيك داون أو اخلى العربية تحرق على الغيار
فى حركه غبية بعملها لما يكون الشارع واقف, انى باسيب فرامل وادوس بنزين امشى 10 متر ,الدنيا تقف, ارجع ادوس فرامل تانى تكون العربية بتنقل للتانى, تقوم ناتشه كده عشان تقف, الفكره يعنى انى متعود ادوس بنزين عشان كنت باسوق مانيوال, مع ان فى الزحمة انت فى الغالب مش محتاج تدوس بنزين خالص, او سنه بسيطه جدا يعنى بحيث العربية ماتلحقش تنقل للتانى
4- العفشة
ال 06 طبعا ماسكه نفسها لسه, مش بتسمع رجرجه ولا تخبيط ولا الحاجات دى لسه, بس محتاجه اهتمام شويه والواحد يمشى محترم
ال 94 جرى عليها الزمن وعوامل التعرية, كنت بسمع بيها تخبيط احيانا وحاجات كده, بس للأمانة, لو كنت غيرت علبة الدركسيون لما غيرت باقى العفشه, كانت هاتظبط جدا
وللأمانه يعنى, الابيزا عربية صغيره وشكلها شبابى, لكن عربية قويه جدا وبتستحمل المطبات والنقر والبلاوى السوده اللى اسمها "شوارع" فى المحروسة
ملحوظة: للأسف, ال 06 واطيه شويه, ممكن تحك فى المطبات, خصوصا لو محمل (3 - 4 أشخاص), ال 94 كانت اعلى منها
امبارح كنت ماشى فى اجمل واعظم مكان فى الدنيا, مدينة نصر, مكان محتاج انه يتنسف على أقل تقدير
الشوارع كلها ظلام, مطبات عشوائية, ونقر وحفر فى كل الاتجاهات والاحجام, والمطر بينزل والعربيات تعوم والاسفلت بيتاكل, حتى الشوارع الرئيسية زى مصطفى النحاس, الشارع كله قطع وتلحيمات وفواصل, كل 3 متر فى مستوى غير اللى بعدهم, مأساه بكل المقاييس
المهم واحد حاطط حجر فى نص الشارع, نص الشارع, لمحته كده فى الضلمه افتكرته صغير, هوب لقيته خبط فى العربية من تحت وبيتجر معايا
, وقفت ورجعت حوالى 3 متر عشان اعرف اطلعه من تحت العربية, والعربية اتبهدلت جامد , ربنا يرحمنا 5- الخامات من الداخل
تقفيل التابلوه ممتاز - الابواب والكراسى جيد, مقارنه بالمازدا والياريس, حسيت انها اقل شويه من المازدا, واعلى شويه من الياريس
سحب الماتور, قطع الغيار, الاعتماديه, الصنايعيه, فى الجزء القادم ان شاء الله
هاكون غيرت الزيوت والفلاتر وكذا حاجة تانيه وطلعت بيها على طريق سريع باذن الله
Comment