الكرتيره اتخرمت

[kyrillos]

الحمد لله على كل حال, كرتيره الزيت اتخرمت فى الحجر اللى خبطت فيه من كام يوم.
النهارده كنت عند الميكانيكى بالصدفة عشان يبصلى على الزيوت والتيل والسيور, بالصدفة واحنا رافعين العربية لقينا الكرتيرة غرقانة زين من تحت, بتنقط جامد, الحمد لله على كل حاجة

المهم, الراجل قالى هاتلى زيت موتور, وفيلتر, وسبلى العربية هافك الكرتيرة واوديها تتلحم بالالومونيا وبعدين اركبها والزقها بسيليكون (انا ولا فاهم حاجة اذا كان ده صح ولا جوافة ؟؟؟)

قلولى ايه الانواع المناسبة لابيزا 2006 فيما يلى
زيت ماتور
فيلتر زيت
فيلتر بنزين
فيلتر تكييف
بوجيهات
مياه تبريد حمرا (زجاجة)
طقم تيل فرامل امامى وخلفى

هو بيقلى بلاش اجيب من الشهابى عشان حراق وكده كده القطع دي استهلاكيه وهاتتغير حتى لو أصلية بعد مده معينة
اخر حوار بقى, بيقلى زيت الفتيس, العربية دى بتاخد 5 كيلو, والكيلو الاصلى منه بيعدى ال 200 - 300 جنيه
يعنى بنحكى فى حوالى 1500 حنيه زيت فتيس فقط, ليــــــــــــــــــــــــــــــــــــــــــــــــ ــــــــــــــــــــــــــه ؟؟؟

رحمتك يا رب, والله المستعان

[ashraf4280]

قدر الله وما شاء فعل

[ehab_mansour]

الحمد لله على كل حال, كرتيره الزيت اتخرمت فى الحجر اللى خبطت فيه من كام يوم.
النهارده كنت عند الميكانيكى بالصدفة عشان يبصلى على الزيوت والتيل والسيور, بالصدفة واحنا رافعين العربية لقينا الكرتيرة غرقانة زين من تحت, بتنقط جامد, الحمد لله على كل حاجة

المهم, الراجل قالى هاتلى زيت موتور, وفيلتر, وسبلى العربية هافك الكرتيرة واوديها تتلحم بالالومونيا وبعدين اركبها والزقها بسيليكون (انا ولا فاهم حاجة اذا كان ده صح ولا جوافة ؟؟؟)

الحمد لله و قدر الله و ما شاء فعل
موضوع لحام الانتيمون ده فعلا هو اللي بيتلحم بيه الكارتيرات لأنها سبيكه مش المونيوم ... المهم لو الخرم بسيط و مفيش تطبيق جامد في الكارتيره يبقي تتلحم عادي جدا مافيش مشكلة .... و اعادة تركيبها بيكون بسيليكون خاص حراري بيتشتريه من عند اي حد او من عند اشرف الشهابي برضه و بيتم اعادة تركيبها تاني و بسيطة متقلقش

قلولى ايه الانواع المناسبة لابيزا 2006 فيما يلى
زيت ماتور .... عندك انواع كتير و لكن اختار زيت تخليقي كويس اللي بيسموه زيت 10 الاف من كاسترول او شيل او فيسكو او اي حد مبدئيا
فيلتر زيت اشتري فلتر اصلي من عند اشرف الشهابي و ركبه
فيلتر بنزين زي ما قبله
فيلتر تكييف كبر دماغك منه دلوقتي ... خليه لما تدخل علي الصيف ابقي راجع علي التكييف كاملا و الفلتر و الفريون و كل حاجه
بوجيهات اعتقد ان محرك عربيتك هو ال 1400 16 فالف كود bxw بقوة 86 حصان عند 5000 لفه في الدقيقة و عزم 132 نيوتن متر عند 3800 لفه في الدقيقة و ده انا برده مش متأكد منه و اتمني تشفلنا الكود علي المحرك ايه و تقلنا عشان نفيدك في موضوع البوجيهات بالضبط

مياه تبريد حمرا (زجاجة) من عند اي حد بيبيع قطع غيار الماني ب 45 جنيه تقريبا
طقم تيل فرامل امامى وخلفى
اشتري الامامي حاليا و ارجوك تشتري من عند حد مضمون زي اشرف او اي حد بيفهم عشان متبوظش طنابيرك لو سليمه
هو بيقلى بلاش اجيب من الشهابى عشان حراق وكده كده القطع دي استهلاكيه وهاتتغير حتى لو أصلية بعد مده معينة
اخر حوار بقى, بيقلى زيت الفتيس, العربية دى بتاخد 5 كيلو, والكيلو الاصلى منه بيعدى ال 200 - 300 جنيه
يعنى بنحكى فى حوالى 1500 حنيه زيت فتيس فقط, ليــــــــــــــــــــــــــــــــــــــــــــــــ ــــــــــــــــــــــــــه ؟؟؟

رحمتك يا رب, والله المستعان

روح لأشرف الشهابي و اسأله علي كل حاجه بما فيها زيت الفتيس و متسمعش كلام الصنايعي هو ملهوش علاقة العربية عربيتك .... اشرف هيديك القطعه الاصلية اللي متبوظلكش الدنيا و هيقلك بتاخد زيت ايه و بكام و كل حاجه و نصيحة مني اشتري القطعه مضمونه و غالية شويتين افضل مليون مره من انك تسترخص عشان ده هيبوظلك العربية
زيت فتيسك الاوتو ده بيتغير علي 60 او 80 الف تقريبا متعرفش صاحبها اللي قبلك كان غيره ولا لأ ؟؟؟؟
و عموما كل الصيانات دورية و هو عشان كده اشتري اي قطع غيار و اركبها و خلاص !!!! اشتري الاوريجينال و اشتري دماغك معاه عشان تعرف تستمتع بالعربية

و بالتوفيق لك و للجميع

[eraser]

معلش فداك لازم تاخد عين كدا فى الاول
المهم ما تزعلش نفسك دى حاجة بسيطة
وانا متفق تماما مع م/ايهاب فاللى قاله لازم تجيب قطع اصلى
لو انت من م نصر نبقا جيران ولو محتاج اى مساعدة تحت امرك
صحيح انت بتعمل الصيانة عند مين ؟؟

[kyrillos]

1000 شكر يا بشمهندس ايهاب, أنا كنت متأكد ان ردك هايكون كده, أشترى حاجة نضيفة واشترى دماغى معاها, عشان هو ده الصح, والاكثر اطمئنان

كود الماتور مش عارفة ولا عارف الاقيه فين, انا جبت كود الكونترول يونيت 036906034kl ده تقريبا بتاع BKY 75 حصان
هاجيب ال 4 تيل مره واحدة عشان انساهم, الطنابير كويسه, مش أحسن حاجة بس كويسين يعنى

بشمهندس شريف, أنا ساكن فى مصر الجديدة, والصيانة دى بعملها عند واحد اسمه سيد فى مسطرد, بيشتفل فى توكيل فولكس فاجن, وده لسه أول تعامل معاه بس شكله ابن حلال ومش بتاع لف ودوران
أنا بنزل معاه تحت العربية وببص على كل حاجة فى اللى بفهمه يعنى

المشكله حاليا انى خايف اروح بالعربية للميكانيكى, الماتور يقفش منى فى الطرق عشان الزيت نقص جامد, ربنا يستر

[ehab_mansour]

1000 شكر يا بشمهندس ايهاب, أنا كنت متأكد ان ردك هايكون كده, أشترى حاجة نضيفة واشترى دماغى معاها, عشان هو ده الصح, والاكثر اطمئنان

كود الماتور مش عارفة ولا عارف الاقيه فين, انا جبت كود الكونترول يونيت 036906034kl ده تقريبا بتاع bky 75 حصان
هاجيب ال 4 تيل مره واحدة عشان انساهم, الطنابير كويسه, مش أحسن حاجة بس كويسين يعنى

بشمهندس شريف, أنا ساكن فى مصر الجديدة, والصيانة دى بعملها عند واحد اسمه سيد فى مسطرد, بيشتفل فى توكيل فولكس فاجن, وده لسه أول تعامل معاه بس شكله ابن حلال ومش بتاع لف ودوران
أنا بنزل معاه تحت العربية وببص على كل حاجة فى اللى بفهمه يعنى

المشكله حاليا انى خايف اروح بالعربية للميكانيكى, الماتور يقفش منى فى الطرق عشان الزيت نقص جامد, ربنا يستر

الموديل ده نزل فيه ثلاث انواع باكود مختلفه للمحركات 1400 و كلها 16 فالف
كود aua & bby bky و الثلاثة دول 75 حصان و عزم 126 نيوتن متر و دول نزلوا فيها من 2003 حتي 2006
كود bxw و ده 86 حصان و عزم 132 نيوتن متر و ده نزل من 2006 حتي 2008
كود aub , bbz و دول 101 حصان بعزم 126 نيوتن متر و نزل 2007 حتي 2008
شوف انت انهي واحد فيهم و هتلاقي كود الموتور عندك في جنب البلوكه بجوار رقم الموتور شوفه و قلنا

[hossamalsadik]

ما تزعلش نفسك وقدر الله والحمد لله على كل حال
المهندس إيهاب عمل معاك الواجب وكلام الميكانيكى فى لحام الكارتيره مظبوط لاكن قطع الغيار مش متفق معاه ( يمكن عاوز يوفرلك ) وأاكد ان قطع الغيار الاصليه بتريح البال وأمان سواء كانت أستهلاكيه أو لا ( بس احنا نلقيها )
وخلى بالك ونتابتنقل العربيه للميكانيكى وهيا مفيهاش زيت حتى لو أطريت تشترى زيت وتحطه وكل مسافه تركن وتزود معلش هيا خساره بس امان

[kyrillos]

الحمد لله نقلت العربية تمام, كان لسه فيها زيت, تحت المؤشر بمسافة بسيطة, اعتقد ان التسريب مش كتير والموضوع هايتلم بلحام قليل, والحمد لله على كل شىء, وبجد الف شكر على أرائكم وخبرتكم, الواحد كان هايتسوح من غير المنتدى ده :)
ان شاء الله هايلحم ونغير الزيت والفيلتر, وهسافر كام اسبوع بره مصر, ولما ارجع بقى هانكمل الشغل
والله المستعان

[ehab_mansour]

الحمد لله نقلت العربية تمام, كان لسه فيها زيت, تحت المؤشر بمسافة بسيطة, اعتقد ان التسريب مش كتير والموضوع هايتلم بلحام قليل, والحمد لله على كل شىء, وبجد الف شكر على أرائكم وخبرتكم, الواحد كان هايتسوح من غير المنتدى ده :)
ان شاء الله هايلحم ونغير الزيت والفيلتر, وهسافر كام اسبوع بره مصر, ولما ارجع بقى هانكمل الشغل
والله المستعان

بالتوفيق و لو احتجت اي شيء قول و انا عرفت اكتر من واحد بيبيع قطع غيار اوريجينال و برضه عنده المضروب عندي في اكتوبر لو احتجت حاجه قلي و انا اسالك عليها