علبة الشكمان وقعت وانا ماشي ابيزا 94

[sam_eh420]

السلام عليكم ورحمة الله وبركاتة
النهاردة وانا ماشي بالعربية الصبح حسيت بحاجة حديد وقعت في الاض وسمعت صوت الماتور علي وبقي عامل زي كاني مركب شكمان ديفيل والكلام دة كان علي كوبري عقبال ما عديت الكبري وركنت العربية وشفت في اية لقيت علبة الشكمان وقعت رجعت ادور عليها ملقتهاش .
المهم عايز اعرف هي بتتباع جديدة ولا استيراد وفين . واسعرها اية .ولو ليها توصيف معين علشان ما تهش
وشكرا لرجالة المنتدي

[وائل شويخ2]

ريح دماغك وركبه كله جديد
أكيد لما وقعت العلبه بيدل أنه مهرى وجاب أخره
هيكلفك بتاع 300 جنيه

[hossamalsadik]

نوع ماتورك ايه

[sam_eh420]

ماتوري 1300 كاربرتير.

[ehab_mansour]

محتاج حد بيفهم و امين يكشفلك علي الشكمان كامل و هو هيحدد ساعتها محتاج ايه و بكام
انا شخصيا مش بثق غير في مركز ابواليزيد في اكتوبر و ممكن يكون غالي قليلا و لكن شغلهم هو الافضل حالا من غيرهم

لكن اي كلام بدون كشف مش هيوصلك لشيء

[hossamalsadik]

الشركة الهندسية لصناعة الشكمانات - ابو اليزيد
العنوان: القطعة 117و 118 - - المنطقة الصناعية الثانية السادس من اكتوبر

عناوين مراكز خدمة ابو اليزيد جروب
1- المركز الرئيسى السادس من اكتوبر المنطة الصناعية الثانية قطعة117/118
2- مركز خدمة الملك الصالح 14ش قيس ابو السعود بجوار كشرى ابو حنفى ناصية الجيارة
3- مركز الخليج المصرى خلف مسجد مكاوى شارع الخليج المصرى الموازى لشارع بورسعيد
4- مركز الحرفيين بلوك h رقم 14 مدينة الحرفيين بجوار سمير على السمكرى
5- معرض احمد سعيد 71ش احمد سعيد
وعندهم اصلاح
أنصح بالتعامل معاهم

شكمانك بالمقاسات

[sam_eh420]

شكرا لاهتمام يا رجالة المنتدي
انا رحت امبارح ورشة صحبي وصفهالي في مدينة نصر ولقيت عندة علب شكمنات تصنيع محلي ولقيت علبة استيراد بحالة جيدة محفور عليها علامة الفولكس اخترتها وركبها والحمد لله الصوت ظبط والسحب كمان ظبط.
وشكرا

[hossamalsadik]

مبروك الشكمان الجديد