تابع ... موتورى قفش ...

[Mahmoudelsayed]

انا كنت عامل موضوع ان موتورى قفش وطلع السبب طلمبة الزيت ضعيفة جدا
وكنت محتار بين انى اجيب شورت بلوك ولا اجيب بى ايلات وطقم شنبر و سبيكة جديدة

واستشارت ناس وميكانيكين وعلى راسهم الاسطى عصام

واستخارت ربنا اعمل ايه ( عمرة موتور ولا اجيب شورت بلوك !!)

الشورت بلوك بـــ 2500 وممكن يكون محتاج شغل يعنى طقم شنبر ممك يكون بايظ فافك واركب وارجع وانقل وارجع اركب

فوصلت اخيرا انى اعمل الحاجة اللى بايظة فى موتورى لانى شايفه قدامى بدل ما اجيب شورت بلوك لموتورى وهوا موديل قديم 95 الهاف 1400 فاكيد محتاج شغل

المهم الحمد لله عملت عمرة للموتور وجيبت طلمبة زيت استيراد وتمت تجربتها ودورة العربية وهى الان مازلت فى التليين تكلفة العمرة 2000 جنية

واللى هيقولى كنت تجيب شورت احسن هقوله انا هنقل واجيب واجرب وهيطلع فيه حاجة وارجعه تانى واجيب واركب ومصنعية فانى اعمل الحاجة اللى فى موتورى افضل بكتير من التعب ده

ولكنى لازلت ابحث عن الكنترول بتاع الموتور الاصلى اللى هوا 030906026ab

[elbaz45]

على فكرة مفيش صواب مطلق ولا خطأ مطلق وهتلاقى ناس كتير تغلطك وتقولك التكلفة عالية والنتيجة مش مضمونة وان الموتور ال1000 مبيتعمرش وكلام زى كده
انا بقى بقولك ان كل واحد وليه ظروف مختلفة عن الاخرين وكل موتور وليه حالته وانسب واحد فى تقدير الموقف هو صاحب الحاجة نفسه لانه عارف وملم بكافة التفاصيل
وباذن يطلع قرارك سليم والعمرة تظبط معاك

[amr elsisi]

ماكنت جبت شورت بلوك
احسنلك واوفر
طبعا بهزر
ربنا يباركلك فيها ويكفيك شرها
اهم حاجة تكون اشتغلت كل حاجة بالمقاس مش شيل وركب

[hossamalsadik]

هوا ليه بيتقال جملة هات شرت بلوك أحسن ده بسبب أننا مش ضمنين كفاءة الى بيشتغل فى العربيه من ميكانيكا لخراط واعتقد فى ناس عملت شغل فى متورها زى المهندس إيهاب والشغل ظبط معاه
فالفكره الأساسيه ان الشغل يتعمل بالمقاسات مظبوطه وقطع الغيار الأصليه او الجيدة
ان شاء الله الماتور اداءه يرضيك يا استاذ / محمد وربنا يباركلك فى عربيتك ويحفظهالك

[nesr6060]

لو مكنه 1400 هاف انجيكشن انا موتورى القديم لسه مغيره كان 1400 هاف انجيكشن

ادينى ومين كدا وهجبلك الكود بتاعه لو عاوزه

[mahmoud ghanem]

الف مبروك وان شاء الله المكنه تبقى زى الفل وربنا يبارك

[ehab_mansour]

يا افندم ربنا يباركلك
مافيش حد يقدر يخليك تعمل حاجه انت مش مقتنع بيها و لكن اي قول او مساعده من احد هو فقط يعطي نصيحة او ربما خبرة هو اكتسبها من تجارب مع الكثير و لكن في النهاية القرار لك و جميعها لوجه الله عز و جل

و كما قال اخ سابقا ... لا يوجد خطأ مطلق او صواب مطلق في الاشياء الدنيوية و لكنها اجتهادات مبنية علي اسباب و مقدمات كثيرة

نتمني من الله لك التوفيق و للجميع

[SYD]

اولا الف مبروك العمرة وربنا يارب يباركلك في موتورك
ثانيا بالنسبة للمقولة الشهيرة بتاعة بلاش عمرة فدي مش تأليف مننا
فولكس بنفسها بتوصي بعدم فتح وخرط محركات ١.٠ او ١.٤ اللي البلوكة بتاعته ألومنيوم - لكن فيما عدا ذلك يجوز الشغل فيه والتعمير
لكن بوجه عام عدم اللجوء للعمرة بيكون لسوء قطع الغيار الجديدة وعدم كفاءة الخراطة
فبالتالي القاعدة اتعممت وبننصح بالتغير بدل التعمير

تحياتي

[elbaz45]

اولا الف مبروك العمرة وربنا يارب يباركلك في موتورك
ثانيا بالنسبة للمقولة الشهيرة بتاعة بلاش عمرة فدي مش تأليف مننا
فولكس بنفسها بتوصي بعدم فتح وخرط محركات ١.٠ او ١.٤ اللي البلوكة بتاعته ألومنيوم - لكن فيما عدا ذلك يجوز الشغل فيه والتعمير
لكن بوجه عام عدم اللجوء للعمرة بيكون لسوء قطع الغيار الجديدة وعدم كفاءة الخراطة
فبالتالي القاعدة اتعممت وبننصح بالتغير بدل التعمير

تحياتي

بس مع احترامى يا بشمهندس سيد الموضوع ده مخلينا فريسة للميكانيكية الا من رحم ربى وبقى اى ميكانيكى تروحله لاى سبب يفضل مشغل اسطوانة الموتور حالته وحشة جدا وخللى بالك ده ممكن يقفش منك واوعى تقرص لحسن المكنة تفوت ويخليك ماشى بتحسس ومرعوب وممكن يكون الموتور ماشى زى الفل مفيهوش حاجة وقدامه لسه سنين قدام وتكون اصلا رايح للميكانيكى علشان سبب تافه وبسيط وملوش علاقة بكبس الموتور وسحبه
والله المستعان

[hugan]

اولا الف مبروك العمرة وربنا يارب يباركلك في موتورك
ثانيا بالنسبة للمقولة الشهيرة بتاعة بلاش عمرة فدي مش تأليف مننا
فولكس بنفسها بتوصي بعدم فتح وخرط محركات ١.٠ او ١.٤ اللي البلوكة بتاعته ألومنيوم - لكن فيما عدا ذلك يجوز الشغل فيه والتعمير
لكن بوجه عام عدم اللجوء للعمرة بيكون لسوء قطع الغيار الجديدة وعدم كفاءة الخراطة
فبالتالي القاعدة اتعممت وبننصح بالتغير بدل التعمير

تحياتي

+11111111
المواتير ذات البلوك الالومنيوم لاتصلح للعمره