مشكلة فى السيرفو

[المجرى]

السلام عليكم
اخوانى انا امبارح بدوس على الفرامل لقيت فسسسسسسسسسسس
والار بي ام بيعلى لما ادوس على الفرامل
دا غير ان الفرامل حجرت وتقلت قوى
انا عارف ان دا سيرفو
بس ياترى ممكن يتصلح ولا اروح اجيب واحد تانى ؟؟

[saddam]

صديقي المواطن
يتصلح طبعا مش مستاهلة تجيب واحد ولكن الأول تتأكد ليكون الخرطوم إتشرخ أو من مكان تقريطة الكوليه بيهرب هوا أو ممكن يكون البلف جاب آخره وبيستغيث بعد كده تفكر في جوان داير السيرفو حيتغير وتعيش حياتك طبيعي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[agaty1st]

صديقي المواطن
يتصلح طبعا مش مستاهلة تجيب واحد ولكن الأول تتأكد ليكون الخرطوم إتشرخ أو من مكان تقريطة الكوليه بيهرب هوا أو ممكن يكون البلف جاب آخره وبيستغيث بعد كده تفكر في جوان داير السيرفو حيتغير وتعيش حياتك طبيعي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

كلام سليم خرطوم أو بلف يتغير
لكن فتح السيرفو عمره ما هايرجع يشتغل تاني
هايشتري طقم أصلاح صنع تحت السلم (مش بينزل للأبيزا طقم أصلاح) يعني طاقيه و سيلات مضروبه
ده غير فك و تقفيل الميكانيكي اللي هايبوظ جسم السيرفو أكيد
و تمن قطع الغيار و المصنعيه تقريبا زي السيرفو الاستيراد

[المجرى]

تمام يارجالة
بس الوقتى مش السيرفو دا ميكانيكى ولا عفشجى ؟؟؟

[Karim Ibiza]

تمام يارجالة
بس الوقتى مش السيرفو دا ميكانيكى ولا عفشجى ؟؟؟

ميكانيكى يا ريس

[mohammad isdf]

ربنا يوفقك

[المجرى]

للاسف رحت للميكانيكى قالى لازم يتغير من غير مايبص
قلتلة يتصلح قال لا يتغير

[nos502000]

عندى نفس المشكلة بس بفرق بسيط انا عندى مفيش فرامل ومحجرة تقيلة جدا
قالولى السيرفو
رحت سألت عليه لقيته من180-200

انشاء الله هغيره
بس فى ناس قالتلى فى نوع كبير ونوع صغير فمش عارف الكلام ده صح ولا اشتغالات

ومنصحكش انك تفكو ولا حتى تحاول تصلحه هتصرف فلوس كتير ومش هتوصل لحاجة وسعره كده يعتبر رخيص مش غالى مقارنة بعربيات تانية

[المجرى]

انا جبت واحد استيراد كبير 150 جنية
تركيبة 50 جنية
بس بصراحة الفرامل بقت مية خااااااااااااااااال
لدرجة انا قلت اجرب الفرامل كنت هطلع من الازاز
متعود ان الفرامل تقيلة انما الوقتى الفرامل شعرة

[nos502000]

انا جبت واحد استيراد كبير 150 جنية
تركيبة 50 جنية
بس بصراحة الفرامل بقت مية خااااااااااااااااال
لدرجة انا قلت اجرب الفرامل كنت هطلع من الازاز
متعود ان الفرامل تقيلة انما الوقتى الفرامل شعرة

بتقول جبت واحد كبير؟
يعنى فعلا فى كبير وصغير
طيب الواحد يعرف ازاى ان ده الكبير ولا الصغير وهل هما الاتنين ممكن يركبو على العربية ولا كل عربية ليها بتاعها

وجيبتو منين ياباشا بالسعر ده

[المجرى]

شوف ياغالى انا من المنصورة
الحجم كبير او صغير مش مهم
المهم ان مقاس مسامير الربط اللى يربطة فى الشاسية تقريبا احد
يعنى لو السيرفو كبير او صغير مقاس المسامير واحدة تقريبا

[mohammad isdf]

اللهم بارك، ربنا يكفيك شرها ويرزقك خيرها