تقرير تغير زجاج ابيزا 94 امام كلاكيت تانى مرة

[mohammad isdf]

السلام عليكم ورحمة الله وبركاته

ازيكم يا سيتاوية

كلاكيت تانى مرة تغيير البرفيز الأمامى للابيزا 94 بعد ان كسرهولى متظاهرى جامعة الازهر

الأمن بيركن عندنا فى البارك، وعربياتنا وراه

حدفوا عليه طوب وشماريخ ومولوتوف، ازاى عربيتى خد تلات طوبات وشامروخين ( باينين فى الإزاز )، واخدت طوبتين تلاته فى الكابوت شالوا البوية بالمعجون بتاعها. لسه الأعضاء بيتحايلوا عليا اروح لعصام عشان اطمن من موضوع تسريب المايه اللى عندى وقلت لما ربنا يبعت واهو روحت غصب عنى لبتاع الإزاز، قدر الله وما شاء فعل

روحت غيرته من عند محمود عمر فى شارع السودان بعد بنزينة موبيل وانت رايح على ميدان لبنان من المطار

تكلفته 380 جنيه لتانى مرة

ده صورة الإزاز القديم اللى كان بردوا جديد من قبل العيد






بعد كده هركن العربية بضهرها ، الأزاز الخلفى ارخص شوية

[Silent~Dream]

فداك الازاز و حاول تركن بعيد شويه عن عربيه الامن بدل ما لقدر الله يتكسر تانى

[zika99_eg]

قدر الله وما شاء فعل
الحمد لله علي كل شىء
انا غيرت الازاز بتاعي عند محمود برضو وكمان جاب لي الكواتش اللي فوق الازاز ودفعت 390 من حوالي 3 شهور

[saddam]

صديقي المواطن
قلبا وقالبا الحزن يملئنا من أجل مصابك وندعو الله أن يعوضك ويرزقك من أوسع أبواب الرزق ومتزعلش
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[hossamalsadik]

الحمدلله ولاحول ولاقوة الا بالله

متزعلش نفسك قضاء أخف من قضاء
بس ياريت تركنها بعيد فى الأمان وربنا يستر طريقك وطرقنا

[Mahmoudelsayed]

قدر الله وما شاء فعل

ربنا يعوضك باذن الله

[Anxs111]

ألف سلامة ...

[mohammad isdf]

انا متشكر جدا يا جماعه لذوقكم ربنا يباركلكم ويجازيكم كل خير على الإهتمام

[S O P H O S]

معلش يا باشا
الحمد الله علي كل شئ