بعد تسقيط المكنه طرمبه البنزين هتموتنى مش عارف ليها حل ساعدونى

[nesr6060]

يا رجاله انا لسه شارى طرمبه بنزين vr6 من رشاد على مكنه 1600

المشكله دلوقتى ان كل شويه الخرطوم بتاع الطرمبه بيسرب بنزين وغرقلى العربيه من جوا بنزين روحت لرضا علشان يظبطهولى لاقاه مقطوع قص منه حته وعملهولى بافيز مشيت بيها حلو وقبل ماوصل البيت بعد 40 كم مشى لاقيت الريحه طلعت تانى

قولت اخلع الخرطوم واشوف يمكن يكون متركب غلط خلعت الاتنين وجيت ادى كونتكت لاقيت الطرمبه بتطلع بنزين من الفتحتين الخارج والداخل اتصلت برشاد قالى ده عادى هو بيبقى واحد ضغط عالى خارج والتانى بيطلع ضغط واطى وبيبقى داخل بس انا مش شايف فرق ايه رايكم فى الكلام ده مظبوط ؟؟ظ
ولا المفروض البنزين بيطلع من جه واحده بس زى الطرمبه القديمه اللى عندى بجد انا تعبت من ريحه البنزين



ده غير ان الموتور اخره 135 كم ومبيزدش عن كدا ولون بيبقى سحبه حلو بس اول ما بيوصل 135 بيروح فاصل بنزين لوحده ادوس بنزين مفيش حاجه وبتبتدى السرعه تقل لغايه 80 ومبيرجعش يسحب بنزين تانى غير لما افصل الكونتكت وادى كونتكت وانا ماشى ياما امور واغير الغيار


ايه رايكم فى الحاجات دى وخاصه الطرمبه علشان بجد بطنى وجعتنى من ريحه البنزين

[dr.hazem]

اول مرة اسمع عن طرمبه بتضخ في الناحيتين...
متابع

Sent from my Xperia Arc S using Forum Runner

[mangawy2012]

لو الطرمبه الاصليه عندك فتحه واحده يبقى مينفعش تركبلها فتحتين لان الفتحين داخل وراجع انا كانت عندي المشكله دي في الستروين بس مش من فتحات الرجوع والدخزل ده كان من جوان طرمبة البنزين اتاكد بس ان البنزين بيجي من الفتحات لو مش منها يبقى جوان ومش بيبان الا لما تفول العربيه لو من الفتحات يبقى تجيب طرمبه زي القديمه

[hossamalsadik]

طبعا واحد زى رشاد والى بيسمعه عنه وعن شطرته بس بردو الى اعرفه ان اى طرمبه فيها داخل ( راجع ) وخارج لاكن الأتنين يخرجوا بنزين ده الجديد !!!
ديه صورة طرمبة vr6 و الأسهم موضحه كده


حكاية أن الموتور اخره 135 كم ويبطل فى أعتقادى الكتترول يونت أو البوابه او سنسور بس المرجح عندى الكنترول يونت

[ehab_mansour]

اخي الفاضل حسام رد عليك
اعتقد ان رشاد بيفتي لأن مافيش حاجه اسمها طلمبة تخرج بنزين بضغط من دخولها ....
و موضوع الطلمبة و خراطيمها انصحك انصحك تاني انك تسيبك من عك الافايز و القصص دي لو فيها مشكلة تشيل الخراطيم كاملة او لحد اقرب نقطه و تركب خراطيم تانية بكلبساتها الاصلية و توصلها او تغير الخراطيم خالص + تتأكد من تركيب الطلمبة و جوانها و انهم مظبوطين صح عشان متخرجش ريحة بنزين

موضوع السرعه ده كنترول يونت او حساس كما قال حسام و لكن ده هيبينه الكشف كمبيوتر

[nesr6060]

طبعا واحد زى رشاد والى بيسمعه عنه وعن شطرته بس بردو الى اعرفه ان اى طرمبه فيها داخل ( راجع ) وخارج لاكن الأتنين يخرجوا بنزين ده الجديد !!!
ديه صورة طرمبة vr6 و الأسهم موضحه كده


حكاية أن الموتور اخره 135 كم ويبطل فى أعتقادى الكتترول يونت أو البوابه او سنسور بس المرجح عندى الكنترول يونت

ايوه هى زى دى وشبه القديمه بس الفتحه الداخل هى برده بتطلع بنزين قولت يمكن متلخبطه لاقيت التانيه هى كمان بتطلع بنزين كدا الطرمبه بايظه ولا ايه دى واخدها ب 550 جنيه

[hossamalsadik]

أى كهربائى فى الحرافيين ونتا رايح تظبط موضوع الكنترول اساله عن موضوع الطرمبه vr6 و أتأكد وعلى الأساس ده هتعرف هتعمل أيه

[nesr6060]

أى كهربائى فى الحرافيين ونتا رايح تظبط موضوع الكنترول اساله عن موضوع الطرمبه vr6 و أتأكد وعلى الأساس ده هتعرف هتعمل أيه

الناس كلها اجمعت ان البنزين المفروض بيخرج من جه واحد بس
طيب كدا الطرمبه لو فيها حاجه ما تتصلحش
وهل ممكن يكون الكوترول هو السبب فى المشكله بتاعه الطرمبه دى

[Ahmed Mubarak]

شوف يا صديقى مشكلة ان الموتور يفصل عند 135 والسرعة تقل لحد 80 كم ومفيش اى استجابة
دا حساس كرنك والله اعلم كانت عندى مشكلة قريبة من دى واتحلت بتغيير حساس الكرانك

http://www.nilemotors.net/Nile/311870-rpm-3-2000-a.html

[hossamalsadik]

وتتصلح ليه ده أنتا لسى جيبها هوا يغيرهالك بس لو كان لابد التصليح فممكن تلاقى الخراطيم وصله خطأ فى قلبها يعدلها لمكانها الصحيح بس كده
الكنترول مابيتحكمش فى ضخ الطرمبه وزى ماقلتلك ولسى عند راى المرجح الكنترول لموضوع 135كم و تغيره

[SYD]

يا رجاله انا لسه شارى طرمبه بنزين vr6 من رشاد على مكنه 1600

المشكله دلوقتى ان كل شويه الخرطوم بتاع الطرمبه بيسرب بنزين وغرقلى العربيه من جوا بنزين روحت لرضا علشان يظبطهولى لاقاه مقطوع قص منه حته وعملهولى بافيز مشيت بيها حلو وقبل ماوصل البيت بعد 40 كم مشى لاقيت الريحه طلعت تانى

للأسف خراطيم البنزين ماينفعش تتعمل بأفايز عادية
طالما بتروح الحرفيين - روح للطيار وهات منه افايز محترمة - هتلاقيها غالية شوية بس ان شاء الله تمنع التسريب
قوله بس انك هتربط بيها خراطيم البنزين في الطرمبة

ثانياً تأكد من الجوان انه راكب كويس والمسامير مربوطة بأحكام

قولت اخلع الخرطوم واشوف يمكن يكون متركب غلط خلعت الاتنين وجيت ادى كونتكت لاقيت الطرمبه بتطلع بنزين من الفتحتين الخارج والداخل اتصلت برشاد قالى ده عادى هو بيبقى واحد ضغط عالى خارج والتانى بيطلع ضغط واطى وبيبقى داخل بس انا مش شايف فرق ايه رايكم فى الكلام ده مظبوط ؟؟ظ
ولا المفروض البنزين بيطلع من جه واحده بس زى الطرمبه القديمه اللى عندى بجد انا تعبت من ريحه البنزين

طبعا الكلام دة لا اساس له من الصحة
المفروض الفتحتين دوول واحد خارج والتاني راجع
واساسا لو خلعت العوامة وبصيت علي الخرطوم الراجع هتلاقيه نازل علي التانك ومش واصل بالطرمبة اصلاً

ولاحظ معايا النقطة 2 من الأقتباس دة

بسم الله نبدأ الفك

1- هتفك الأربع مسامير الألانكيه
2- هتفك الأفزان الغاية في الصلابة بتاعة الخرطوم الداخل في الطرمبة (مش هتفك الأفيز بتاع الخرطوم التاني)
3- هتفك الخرطوم

دة اقتباس من موضوعي بتاع فك وتنظيف طرمبة البنزين

تنظيف قلب طرمبة البنزين الغاطسة لسيات ابيزا 1.4 mpi (تنظيف قلب طرمبة البنزين - بالصور)

ثانياً
شوف معايا الصور دي






دي صور الطلمبة (المضخة) خارج منها كام فتحة للضخ ؟؟؟
فتحة واحدة بس
جاب هو منين الفتحة التانية للضغط العالي والضغط الواطي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو اي كلام فأي حتة ؟

ودي صورة العوامة بتاعتك (المفروض دي بتاعة المكنة اللي انت قايل عليها)




ظهر الفتحات اللي قدامك دي راكب فيها الخراطيم البيضا اللي في الصورة دي
واحد منهم في الفوهة العلوية من الطرمبة (للضخ) والأخر واصل في اسفل العوامة للراجع

ودة واضح من اقتباسي انك بتفك واحد فقط لما تحب تخرج الطلمبة ومفيش داعي تفك التاني لأنه مالوش اي علاقة بالطلمبة

حقيقاً انا مش عارف هو عامل ايه عشان يخلي الأتنين يدوا بنزين ؟؟؟
بس عموماً دي غلط ولازم تروح لحد تاني يظبطلك خط البنزين الرايح والراجع
واساسا شغلة الطلمبة والبنزين دي شغلة ميكانيكي وليس كهربائي
وكمان غالية جداً وانت مش محتاجها
انت مكنة 1.6 يعني تشتغل بنفس الطلمبة العادية بتاعة المكنة ال1.0 وال1.4 اللي بتدي 2.1 بار
المكنة الvr6 دي 2.8 سي سي و 6 سلندر

ده غير ان الموتور اخره 135 كم ومبيزدش عن كدا ولون بيبقى سحبه حلو بس اول ما بيوصل 135 بيروح فاصل بنزين لوحده ادوس بنزين مفيش حاجه وبتبتدى السرعه تقل لغايه 80 ومبيرجعش يسحب بنزين تانى غير لما افصل الكونتكت وادى كونتكت وانا ماشى ياما امور واغير الغيار

لازم تكشف كمبيوتر وتعرف العيب منين
ممكن يكون حساس كرنك زي ما قال الأخ احمد مبارك
لكن في اعتقادي انها مشكلة بنزين وطلمبة ومسطرة ورشاشات
عموما هي لو طلمبة فالكمبيوتر مش هيسجل اي اعطال
اما لو رشاشات فالكمبيوتر هيديلك عطل انجيكتور
اما لو عطل حساس كرنك فهيقولك cam shift



ايه رايكم فى الحاجات دى وخاصه الطرمبه علشان بجد بطنى وجعتنى من ريحه البنزين

اعمل زي ما بقولك
ماترجعش تاني للكهربائي اللي عك بالشكل دة
انفد بجلدك منه لأنك لو رجعلته مش هيعترف بغلطه وهيزود الطين بلة

تحياتي

[sala7]

العيب ده لو عيب كنترول مع السرعة ... البامب مش هتشتغل اصلا
ليه ؟؟ .. فيه 2 (relay) بعد الكنترول مباشرة على الدفيرة واحد وظيفته حماية الكنترول و التاني لتصحيح اشارة الكنترول للبامب لو فيه مشكله في (relay) البامب هيفصلها عن العمل تماما
فا لازم كهربائي محترم يشوف المشكله اللي تخص السرعة (لو هي فعلاً مشكله في الكهربا او الكنترول)
موضوعه البامب دي انا شاكك اساسا في الجديدة اللي انت اشتريتها بردوا .. احتمال تكون فيها مشكله

استنتاج مني مش اكتر و ده سببه ان العربية مش قصادي علشان اقدر احدد سبب المشكلة

[nesr6060]

الحمد الله روحت لرشاد وظبلى الدنيا والطرمبه تمام طلع المشكله فى خرطوم البنزين طلع بتاع انبوبه مش عربيه الحمار الى شارى منه الغربيه كان مركبه مش عارف كان شايفها ايه

وبالنسبه لموضوع التوب سبيد فقالى المشكله فى الكونترل بيقطع غلى ار بى 45 وهغيره انشاء الله

[hossamalsadik]

يعنى ظبطلك الطرمبه وخراطيمها وبقت داخل وخارج
يعنى هوا أتأكد فعلا انه الكنترول كنت جبت كنترول ونتا ريحله زى ماقلتلك عشان تنجز

[nesr6060]

يعنى ظبطلك الطرمبه وخراطيمها وبقت داخل وخارج
يعنى هوا أتأكد فعلا انه الكنترول كنت جبت كنترول ونتا ريحله زى ماقلتلك عشان تنجز

هو الطرمبه لسه زى ماهى تقريباا بتطلعع من ناحيتين بس قالى ان كل الطرمبات كدا ولو مش بتطلع بيبقى السبب انها واخده هوا اما بالنسبه للكونتروول فانا منتش عارف هو هيجى امتى علشان كدا مجهزتش نفسى