عدادات التابلوه كلها فصلت وزجاج الكهرباء كمان؟

[midoazzam]

المفروض وانا بفتح الكونتاكت يظهرلى لمبه الفرامل والزيت ومؤشر الحراررة والبنزين يشتغلو كل ده مشتغلش ولما دورت العربيه عدادات السرعه والار بى ام مشتغلوش برضو وزجاج الكهرباء برضو مشتغلش.... لاكن الاشارات ونور الطابلوه والعالى والواتى بيشتغلو ..... ياترى ده من ايه انا هاتجنن؟

[akmm]

شيك على الفيوزات .........

[ehab_mansour]

راجع فيوزات العربية الاول قبل ما تفكر في حاجه
لأن احتمال فيوز ضارب او كابل معلق

[دكتور خالد]

شوف علبة الفيوزات الداخلية

[midoazzam]

راجع فيوزات العربية الاول قبل ما تفكر في حاجه
لأن احتمال فيوز ضارب او كابل معلق

انا تايه بين الفيوزات ياترى هل فى فيوز محدد او كابل محدد اراجع عليه

[akmm]

دايما على غطاء الفيوزات من الداخل بيكون فيه خريطه ورقيه بتوضح الفيوزات وكل فيوز لايه مع رسم سبه توضيحى لتشغبل الفيوز لايه من العربيه وكذلك قدره الفيوز كام شوف الاشكال الخاصه بالعطل عندك وغير التالف منها ... ولو مفيش الخريطه التوضيحيه دى ممكن تلاحظ الفيوز التالف بالنظر او شيك عليهم كلهم واحد واحد ... ولو معرفتش تعمل كده عليك وعلى اى كهربائى وقوله عندى فيوزات بايظه عاوز اغيرها وهو هيكشف عليها بمفك تست كده له لمبه وهيغير للك الفيوزات وحذارى من انه يشعر لك اى فيوز ضارب ... لابد من استبداله بآخر جديد ومن نفس النوعيه الاصليه والقدره الكهربائيه ... تحياتى .

[dr/hamza]

الفيوزات الداخلية

[akmm]

ياريت تطمنا عملت ايه .

[midoazzam]

ياريت تطمنا عملت ايه .

انا لسه جى من عند الكهربائى وفعلا طلع فيوز ضارب وغيرهولى والحمد الله تمام

[ehab_mansour]

انا لسه جى من عند الكهربائى وفعلا طلع فيوز ضارب وغيرهولى والحمد الله تمام

الحمد لله
و اسف علي التأخير في الرد ....

[mr_abdo87]

الحمد لله انها جت على كده خد بالك من موضوع الفيوزات بيعمل مشاكل كتير