تعريق زيت على غطاء وش السلندر

[the magice]

السلام عليكم ورحمة الله وبركاته
لاحظت من فتره قصيرة تعريق زيت خفيف من غطاء فتحه تزويد الزيت وغطاء وش السلندر والموتور صوته عالي وفي واحد صاحبي قالي ان دي صبابات وانا مش عارف ده صح ولا غلط .

[hossamalsadik]

ممكن يكون الغطا عاوز يتغير - غير محكم
بس حضرتك نوع الزيت أيه ؟ والصوت ده كنت بتسمعه من الأول ولا مع الزيت الأخير

[the magice]

ممكن يكون الغطا عاوز يتغير - غير محكم
بس حضرتك نوع الزيت أيه ؟ والصوت ده كنت بتسمعه من الأول ولا مع الزيت الأخير

نوع الزيت التعاون 3000 كم وده اول تغيير ليا وكان من شهر ونص اول ما اشتريت العربيه ف مالحقتش اعرف اذا كان في فرق ولا لا وعلى فكرة الزيت مستواه ثابت

[Ahmed_Ramadan]

أنا عندى نفس الموضوع من أول موجة البرد و برضه الزيت مش بينقص الحمد لله

[the magice]

وفي حاجة تاني لمبه الزيت بتتاخر حوالي 3 ثواني وبعدين تطفي وفي البرد ده العربية مش بتدور غير لما ازود سنة بنزين لكن وهي سخنه الموضوع عادي

[hossamalsadik]

عشان الصوت أستعمل زيت أخف شويه نصف تخليقى بالنسبه لموضوع التنشيه على الغطا ده لان الغطا أما غير محكم أو الكوتشه الى فيه بيظه راجع عليه بالنسبه للتنشيه عند غطاء وش السيلندر ده المهم لأن ممكن يكون الجوان وحش وعاوز يتغير ومتخفش تكلفته رخيصه

[the magice]

لو في وجود للزيت وانا اقصد زيت مش بخر زيت على فلتر الهوا والعمه بتاعه الكربرتير ده عادي ولا ايه

[hossamalsadik]

الماتور خفيف الماتور الى كبسه صح مايجبش زيت دخان أو زيت من الفايظ تساوى الشنبر مش حاكم مع الشميز بس عشان يوصل ويجى على الفلتر ده غلط لأن الفلتر هيبوظ وميقمش بوظفته وكمان هيكتملك العربيه فى السحب

[the magice]

ده نتيجة البخر بتاع الزيت وتجعه بس عشان يوصل ويجى على الفلتر ده غلط لأن الفلتر هيبوظ وميقمش بوظفته وكمان هيكتملك العربيه فى السحب

وده فعلا موجود العربيه مكتومه وانا لقيت الفلتر حالته وحشه وهغيره ان شاءالله بس اعمل ايه عشان ده مايحصلش تاني

[ehab_mansour]

تعريق زيت حول غطاء تزويد الزيت = غطاء فتحة التزويد عايز يتغير و انا غيرته مرتين قبل كده
تعريق زيت من جوان غطاء التاكيهات = جوان محتاج يتغير (بس اتأكد الاول انها من الجوان من من حاجه تانيه زي الغطاء السابق ذكره مثلا )
صوت خشونه و تكتكه صباحا = صبابات + كاوتش صباب متهالك + زيت تقيل و جو بارد و ملهاش حل غير انك تستخدم زيت اخف فيزيت العربية بسرعه مع اول دوارة و هيخفف من الصوت شويه و لكن مش تماما لتهالك الصبابات و كاوتشاتها
وجود نسبة زيت مكثف علي الفلتر بتاع الهواء و داخل العمه ... ده طبيعي و لكن لما تلاقي الفلتر اتأثر بالزيت غيره و تابع مستوي الزيت لو مش بيقل يبقي عادي = كبر دماغك

و بالتوفيق لك و للجميع

[hossamalsadik]

وده فعلا موجود العربيه مكتومه وانا لقيت الفلتر حالته وحشه وهغيره ان شاءالله بس اعمل ايه عشان ده مايحصلش تاني

المفروض ان خرطوم الفايظ لما بيوصل بالعمه ملوش دعوه بالفلتر بس لو مضيقك ابعده عن العمه ويمكن مع تغيير نوع الزيت تقل العمليه ديه خالص ومعظمنا عندنا بخر من الخرطوم وعادى يعنى بس طبعا بعيد عن الفلتر زى ماقلت

[the magice]

تعريق زيت حول غطاء تزويد الزيت = غطاء فتحة التزويد عايز يتغير و انا غيرته مرتين قبل كده
تعريق زيت من جوان غطاء التاكيهات = جوان محتاج يتغير (بس اتأكد الاول انها من الجوان من من حاجه تانيه زي الغطاء السابق ذكره مثلا )
صوت خشونه و تكتكه صباحا = صبابات + كاوتش صباب متهالك + زيت تقيل و جو بارد و ملهاش حل غير انك تستخدم زيت اخف فيزيت العربية بسرعه مع اول دوارة و هيخفف من الصوت شويه و لكن مش تماما لتهالك الصبابات و كاوتشاتها
وجود نسبة زيت مكثف علي الفلتر بتاع الهواء و داخل العمه ... ده طبيعي و لكن لما تلاقي الفلتر اتأثر بالزيت غيره و تابع مستوي الزيت لو مش بيقل يبقي عادي = كبر دماغك

و بالتوفيق لك و للجميع

وحشتني ردودك والله يا م ايهاب لاني بحس بتفاوءل اول ما بشوفها
بالنسبة للزيت انا اصلا كنت هغير بعد اسبوعين فكنت عاوز نصيحة الاعضاء في نوع الزيت المناسب وبالنسبة لصوت الصبابات ده ليه حل نهائي ولا لا واخره ايه