بعد اذن رجاله الابيزا مطلوب الرد باقصى سرعه

[mohamedibeza]

بعد اذن رجاله الابيزا اللى يشوف الموضوع وفهم يرد عليا ضرورى امبارح رحت شوفت ابيزا 2002 بنظرتى ليها العربيه نضيفه وحالتها حلوه وعامله 104 الف كيلو ولما جيت اسوقها وانا سايق قلت اشغل التكييف علشان اجرب سحب العربيه والتكييف شغااال مع العلم ان العربيه 1000 cc وبعدين اطمنت على السحب والتكيف شغاال ولقيته تمام ... بعد كده وقفت وبصيت على ال rpm لقيته مش ثابت عمال بيرقص حاجه بسيطه وبينزل بين 10 و 8 وبعد كده لقيت النور علق واشتغل تااانى ... وحاجه تانيه مؤشر الحراره تقريبا كان ثابت على 90 ولما سئلت صاحب العربيه قالى تقريبا الموديلات الجديده بع 2000 اخرها على 90 .... ياريت حد يفيدنى علشان الراجل مستنى منى تليفون انهااارده او بكره علشان ارد عليه ونخلص فى العربيه وده بس اللى قلقنى فى العربيه ... صح نسيت قول حاااجه لما اتصلت بالراجل علشان ابص على العربيه قالى حاااجه مهمه انا جيت ادور العربيه مادرتش معااايا وده اول مره تحصل ولما عمل العربيه قالى المرش كان فيه حاااجه .....فيدونى علشان ارود على الراجل

[mohamedibeza]

اى حد عنده معلومه تفيدنى ياريت يرد عليا يارجاله باقصى سرعه .

[ehab_mansour]

موضوع الار بي ام ممكن يكون حاجه بسيطه محتاجه تتظبط او سيرفس محتاج يتعمل او حاجه معلقة

موضوع تعليق النور ممكن يكون قواطيش البطارية مش راكبة كويس او محتاجه تتربط او تتنضف

الحرارة 90 ده طبيعي في كل موديلات سيات و ده افضل وضع للحرارة المناسبة للتشغيل و بتفضل كده طول مانت سايق

شوف كل اللي انت ملاحظة مش حاجات كبيرة .... العربية المفروض تكشف عليها عند مركز متخصص فولكس و تكشف علي الصاج و الدواخل لو العربية عموما حالتها حلوة اشتري ولا تقلق ان شاء الله
و الكيلومتر القليل ده بيدل ان العربية اكيد حالتها كويسة و لكن مش مقياس المهم تكون شايفها كويسة كدواخل و خوارج بما يناسب الكيلومتر القليل
و استخير ربك و بالتوفيق لك و للجميع

[hossamalsadik]

أنا شايف ان كله طبيعى ومؤشر الحراره فعلا لما ترموستات الكوعه بتكون موجوده وسليمه بتثبت الحراره على 90-92 وده كويس مش وحش رعشت rpm مع بوجيهات كويسه وفلتر هوا كويس شويت سرفس منك فى الأعتيادى هيقل وموضوع المارش ماتخفش منه ممكن يكون شربونه أو سلكه كله عادى وبسيط
فى المجمل الماتور كويس أستخير ربنا وتوكل على الله
بس سعارها كام

[mohamedibeza]

ربنا يطمنك ياباشا ان كشفت على الصاج وهو تمام زى الفل فبريكه جوه وسقف بس اللى لفت انتباهى هى الكام ملاحظه اللى انا عرضتهم ...بس معلش ياباشا سؤال تانى الراجل كان ماسك عند 43 الف وبعد حوارات كتيييير اتفقنا على 41 هل السعر ده مناسب مع العلم ان العربيه full option وموديل 2002

[hossamalsadik]

أعتقد كويس طلما كامله وحالة الصاج من بره مش محتاجه حاجه والكوتش كويس
لونها فضى

[mohamedibeza]

تمام ياباشا لونها فضى !!!!! انت مراقب العربيات الابيزا فى البلد ولا ايه هههههههههههه ....انت كلمت صاحب العربيه او شوفت اعلانها او شوفت العربيه !!!!!؟؟؟؟؟؟؟؟؟؟

[mohamedibeza]

طمنى ياباشا انت شوفتها ولا ايه !!؟؟

[hossamalsadik]

هههههههههههههههههههههه

والله ده مجرد تخمين مش أكتر اصل أغلب العربيات فضى الاقل منها بيكون ازرق - بصلى - نبيتى - اصفر

[Superbadr]

مبروك مقدماً يا برنس
بالنسبة للحرارة فده الطبيعي ومدام الحرارة مذادتش على 90-92 يبقه العربية تمام مش بتسخن
بالنسبة للأضواء متهيألي كهربائي هو الي يحدد
وبالنسبة للrbm مدام صوت العربية مبيغيرش فيبقه عايز يتظبط بس
السعر الى حد ما كويس لو العربية كاملة

[mohammad isdf]

ربنا يباركلك فيها ان شاء الله بس لازم تكشف عليها الأول وتطمئن عشان الحداية مش بتحدف كتاكيت واللى بيركب المانى مش بيسيبه بسهولة إلا لحاجه كبيرة او تغيير لحاجه احسن