Tweet
مساء الجمال
متأسف انى اتأخرت جدا فى كتابة الموضوع ده, كنت مسافر بره مصر ورجعت على شغل كتير وماجتش فرصه قوى
ده الجزء التانى من تقييم الابيزا 2006, ومقارنة بينها وبين الابيزا 94 من حيث قطع الغيار والصيانة
مبدئيا ال 94 عملت تقريبا فيها كل حاجة, بدون مبالغة, ما عدا الشكمان عمرى ماجيت جنبه, بس تقريبا كل حاجة تانية عملتها او شفتها على الأقل
ال 06, لسه مغيرلها طنابير وتيل أمامى, وفيلتر بنزين, وبوجيهات, ولسه هاغير الزيت والفيلتر بس اشترتهم
دى تقريبا الصيانة العادية, وباقى القطع سألت عليها وانا باشترى الحاجات دى
الاسعار طبعا غالية, اسعار تقريبا ضعف او 3 اضعاف الابيزا 94
فى مكان مشهور فى شارع دمشق, مش هاذكر اسمه, الاسعار عنده اخر هجص, حتى فعلا لو القطع دى اصليه ومصنوعة فى المانيا وبأيد ألمان, أسعار مبالغ فيها جدا جدا, مثلا قالى الطنابير ب 1200 جنيه, التيل أمامى ب 475, البوجيهات ب 280 جنية, فيلتر بنزين ب 230 جنيه, ليــــــــــــــه ؟؟!
طبعا فى بدايل كتير, ألمانى برضه (توبران وفيبى) واسبانى وايطالى, بس مش فولكس يعنى, اسعارها مقبولة شوية وبرضه ضعف قطع الأبيزا 94, طنابير فيبى ألمانى ب 600, تيل توبران ألمانى ب 350, بوجيهات ngk يابانى ب 100 جنيه, فيلتر بنزين 150 جنيه كان توبران تقريبا, مقبوله شوية
بالنسبة للقطع اللى فى البودى, او التابلوه او الصاج وهكذا, برضه بتلاقيها استيراد فى الحرفيين
بس برضه التجار بيستهبلو فى أسعارها, زرار الزجاج الكهرباء مثلا ب100 جنية, مجرد زرار
ماكينة الكهربا للزجاج, 400 جنيه, كتيــــر, ولازم تلف كتير وتسأل وتفاصل وهكذا, الصراحة اوحش حاجة التعامل مع التجار والصنايعية, من اوحش الحاجات فى بلدنا دى على وجه الاطلاق
فى واحد قالى ابعلك الزرار ده ب 250 جنيه, يعنى مش بيغلى 10 او 20, بيغلى 150 جنية , اللى هو مش مبدأ التجارة شطاره, ده مبدأ النصب والسرقة
اعتقد ان فى بدائل بالنسبة للكشافات والمرايات ماليزى او صينى جديد, أسعارها كويسة, لأن البديل الأصلى الجديد مش هاتلاقيه غير فى التوكيل
بالنسبة للصنايعية, العربية حاسسها معقدة اكتر من ال 94, وحساسة شوية فى التعامل, ال 94 قوية ومتينة عنها الصراحة وممكن تمشى بيها على عيب معين وماتخفش منها قوى
انما دى كلها حساسات وكمان اوتوماتيك, فمحتاجة تعامل رقيق
والصنايعى اللى بيشتغل فيها, لو اشتغل فى ال 94 حاجة معينة بياخد رقم, لما يشتغل نفس الوقت ونفس المجهود فى دى, بيطلب الضعف او أكتر
للأسف الميكانيكى بتاعى اللى بيشتغل فى ال 94, راجل محترف وفى منتهى الأمانة, قالى مش بيشتغل فى الجديد وروحت لواحد غيره واتبهدلت واتضحك عليا, بس الحكاية دى فى موضوع تانى
بس دى مسألة وقت لحد ما ألاقى ميكانيكى كويس وعنده ضمير ومهاود يعنى
طبعا لسه لازم أمشى شوية على القطع اللى ركبت دى, واشوف عمرها هايكون قد ايه تقريبا, عشان الحكم يكون سليم
وان شاء الله هانتابع سوا
متأسف انى اتأخرت جدا فى كتابة الموضوع ده, كنت مسافر بره مصر ورجعت على شغل كتير وماجتش فرصه قوى
ده الجزء التانى من تقييم الابيزا 2006, ومقارنة بينها وبين الابيزا 94 من حيث قطع الغيار والصيانة
مبدئيا ال 94 عملت تقريبا فيها كل حاجة, بدون مبالغة, ما عدا الشكمان عمرى ماجيت جنبه, بس تقريبا كل حاجة تانية عملتها او شفتها على الأقل
ال 06, لسه مغيرلها طنابير وتيل أمامى, وفيلتر بنزين, وبوجيهات, ولسه هاغير الزيت والفيلتر بس اشترتهم
دى تقريبا الصيانة العادية, وباقى القطع سألت عليها وانا باشترى الحاجات دى
الاسعار طبعا غالية, اسعار تقريبا ضعف او 3 اضعاف الابيزا 94
فى مكان مشهور فى شارع دمشق, مش هاذكر اسمه, الاسعار عنده اخر هجص, حتى فعلا لو القطع دى اصليه ومصنوعة فى المانيا وبأيد ألمان, أسعار مبالغ فيها جدا جدا, مثلا قالى الطنابير ب 1200 جنيه, التيل أمامى ب 475, البوجيهات ب 280 جنية, فيلتر بنزين ب 230 جنيه, ليــــــــــــــه ؟؟!
طبعا فى بدايل كتير, ألمانى برضه (توبران وفيبى) واسبانى وايطالى, بس مش فولكس يعنى, اسعارها مقبولة شوية وبرضه ضعف قطع الأبيزا 94, طنابير فيبى ألمانى ب 600, تيل توبران ألمانى ب 350, بوجيهات ngk يابانى ب 100 جنيه, فيلتر بنزين 150 جنيه كان توبران تقريبا, مقبوله شوية
بالنسبة للقطع اللى فى البودى, او التابلوه او الصاج وهكذا, برضه بتلاقيها استيراد فى الحرفيين
بس برضه التجار بيستهبلو فى أسعارها, زرار الزجاج الكهرباء مثلا ب100 جنية, مجرد زرار
ماكينة الكهربا للزجاج, 400 جنيه, كتيــــر, ولازم تلف كتير وتسأل وتفاصل وهكذا, الصراحة اوحش حاجة التعامل مع التجار والصنايعية, من اوحش الحاجات فى بلدنا دى على وجه الاطلاق
فى واحد قالى ابعلك الزرار ده ب 250 جنيه, يعنى مش بيغلى 10 او 20, بيغلى 150 جنية , اللى هو مش مبدأ التجارة شطاره, ده مبدأ النصب والسرقة
اعتقد ان فى بدائل بالنسبة للكشافات والمرايات ماليزى او صينى جديد, أسعارها كويسة, لأن البديل الأصلى الجديد مش هاتلاقيه غير فى التوكيل
بالنسبة للصنايعية, العربية حاسسها معقدة اكتر من ال 94, وحساسة شوية فى التعامل, ال 94 قوية ومتينة عنها الصراحة وممكن تمشى بيها على عيب معين وماتخفش منها قوى
انما دى كلها حساسات وكمان اوتوماتيك, فمحتاجة تعامل رقيق
والصنايعى اللى بيشتغل فيها, لو اشتغل فى ال 94 حاجة معينة بياخد رقم, لما يشتغل نفس الوقت ونفس المجهود فى دى, بيطلب الضعف او أكتر
للأسف الميكانيكى بتاعى اللى بيشتغل فى ال 94, راجل محترف وفى منتهى الأمانة, قالى مش بيشتغل فى الجديد وروحت لواحد غيره واتبهدلت واتضحك عليا, بس الحكاية دى فى موضوع تانى
بس دى مسألة وقت لحد ما ألاقى ميكانيكى كويس وعنده ضمير ومهاود يعنى
طبعا لسه لازم أمشى شوية على القطع اللى ركبت دى, واشوف عمرها هايكون قد ايه تقريبا, عشان الحكم يكون سليم
وان شاء الله هانتابع سوا
Comment