زيت الفتيس الأوتوماتيك

[kyrillos]

مساء الفل
معلش أنا مصدعكم من ساعة ماجبت العربية, بس بحاول أستفيد بخبرتكم على قد ما أقدر عشان السوق كله جهل ونصب

بالنسبة لزيت الفتيس الأوتوماتيك, أنا سألت فى كذا مكان, ولقيت حوالى 5 أنواع, منهم 3 قالولى ان هو ده الزيت الأصلى
واحد قالى ب220, واحد قال ب 140, وواحد قالى أن الأصلى ب 350 ومش هاتلاقيه غير عند الشهابى, اللى روحتله ومالقيتش عنده من الأساس, والأتنين التانيين قالولى عندنا زيت ب 100 و 120
كل ده زيت لونه أحمر, مكتوب عليه ATF = Automatic Transmission Fluid
علبة بيضة عليها ماركات فولكس كلها, وعلبة فضى, وحاجة ماركة فيبى, على كل الألوان يا باطيسطة

فى بقى اتنين ولاد حلال, قالولى الزيت الأحمر ده مش بتاع الأوتو, المفروض أجيب الزيت الأبيض

للأمانة تحس ان كلهم نصابين أو مش فاهمين حاجة, ولو روحت التوكيل ممكن الموضوع يدخله فى 1500 - 2000 جنية, وتمن الفتيس اصلا كله 1900 جنية فى الحرفيين

-سؤال كمان, هل فعلا الزيت الاوتوماتيك ده لازم يتحط وبعدين يتقاس بالكمبيوتر, يعنى لازمله معدات معينة, مش أى واحد يعمله ؟؟

لسه عندى أسئلة تانية كتير, بس كفاية دول دلوقتى

[Ahmed.Essam]

اهو انا عاوز اسأل نفس الاسئلة دي عشان هحتاج اسألها بعدين ان شاء الله
متابع

[hossamalsadik]

شوف يا استاذ كااارلوس
موصفات الزيت بتاعك اسأل فالفولين Valvolene 505.01
او كاسترول Castrol 5w40 505.01


أعتقد ان الزيت الابيض او المائل للأصفرار ده الخاص ب DSG
شوف اللينك ده هيفيدك
Seat Ibiza Mk4 TDI oil and filter change

[Karim Ibiza]

تحت امرك فى اى استفسار
بس محتاج اعرف كود موتورك ايه

[Karim Ibiza]

تحت امرك فى اى استفسار
بس محتاج اعرف كود موتورك ايه

[kyrillos]

شكرا يا باشا
الموتور bky

[kyrillos]

شوف يا استاذ كااارلوس
موصفات الزيت بتاعك اسأل فالفولين Valvolene 505.01
او كاسترول Castrol 5w40 505.01


أعتقد ان الزيت الابيض او المائل للأصفرار ده الخاص ب DSG
شوف اللينك ده هيفيدك
Seat Ibiza Mk4 TDI oil and filter change

متشكر جدا يا كبير على ردك, اسمى كيرلس وبيتنطق كيرولوس

بالنسبة لشكل الزيت ده, هو ده اللى الراجل قالى ب 220 تقريبا

اللى فهمته من اللينك, ان دى عملية تغيير زيت موتور
-مبدائيا فيلتر زيت الموتور اللى جبته شكله مختلف تماما عن اللى فى الصورة, جبته من الشهابى
-ثانيا, الراجل قايل ملحوظة لولبية, حط زيت على قد العلامة بالظبط وماتكترش, الميكانيكى العبقرى عندى حاطط زيت بعد العلامة بكتييييير جدا, منه له

أنا سؤالى من الأصل بخصوص زيت الفتيس, لأن فى كذا واحد فتوا ان زيت الفتيس لازم بيتقاس بجهاز معين فى درجة حرارة معينة, وعلى هذا الأساس لازم اروح لميكانيكى عنده هذا الجهاز اللولبى, والله أعلم

[Karim Ibiza]

انا رأيى انك تروح لوكيل زيت محترم زى مثلا ليكوى مولى او فالفولين وجيب من عندهم الزيت

انا دخلت على المواقع بتاعتهم ولقيت الزيت لعربيتك
LIQUI MOLY - Motor Oils, Additives, Car Care - Oil Guide

Valvoline Lubricant Advisor - Valvoline

و الزيت لونه أحمر

بالنسبة للكشف فعلا بيستخدموا الكابل عشان يقيسوا درجة حرارة الزيت

عموما الموضوع محتاج تعمق اكتر فى القراءة بس انا قولت ألحقك باللى انا عارفه

[kyrillos]

شكرا يا كريم باشا
أنا ناوى أغيره بس لسه بدور على الزيت وعند المكان اللى يغيره

[hossamalsadik]

ياعم كارلوس اسهل فى النطق هههه اتشرفت بمعرفتك

أنا دورت شمال يمين هوا ده زيتك ان شاء الله الزيت الأبيض الى قلولك عليه ده مخصص ل dsg كما ذكرت

[kyrillos]

, شكرا يا باشا على تعبك

[Karim Ibiza]

شوف اللينك ده هيفيدك
seat ibiza mk4 tdi oil and filter change

باشا

ممكن اعرف اللينك ده ممكن نستفاد منه ازاى؟

اصلى انا لسه فاتحه دلوقتى ولقيت انه بيتكلم عن طريقة تغيير زيت الموتور والفلتر فى الابيزا الديزل!!!!!

[hossamalsadik]

باشا

ممكن اعرف اللينك ده ممكن نستفاد منه ازاى؟

اصلى انا لسه فاتحه دلوقتى ولقيت انه بيتكلم عن طريقة تغيير زيت الموتور والفلتر فى الابيزا الديزل!!!!!

باشا !!!!

أعتبره لنك غلط لان انا معلقتش عليه حتى لما الأستاذ كيرلس سالنى نفس السؤال
ومكنش قصدى الينك ده خالص ووقتها كنت فاتح خمس ست لنكات فى منتديات ومواقع خارجيه بقراء فى ده ورد على ده وسأل ده ونا فاكر انى أخدت اللينك الخاص بتغيير زيت الفتيس ولما جيت تانى عشان ادور عليه عشان أحطله اللينك الصح كان تاه من دماغى دخلت فين انا فضلت فى القصه ديه حوالى 3ساعات عشان اقدر اجيب المعلومه ياباشا
وافيد العضو قدر الأستطاعه لانى حسيت ان أنه عاوزها بس صراحه كنت تعبت ونشغلت ألخ الخ
ولو صدفنى اى معلومه عن الفتيس وشرح مفصل اكيد مش هبخل بيها علىه يمكن احطها فى الموضوع او ابعتها على الخاص زى مابعمل مع اعضاء كتيير هما طبعا عرفين

أنما تستفيد منه ازى مافيش معلومه مش مفيده أعتبره معلومه تضفها ليك

[Karim Ibiza]

باشا !!!!

أعتبره لنك غلط لان انا معلقتش عليه حتى لما الأستاذ كيرلس سالنى نفس السؤال
ومكنش قصدى الينك ده خالص ووقتها كنت فاتح خمس ست لنكات فى منتديات ومواقع خارجيه بقراء فى ده ورد على ده وسأل ده ونا فاكر انى أخدت اللينك الخاص بتغيير زيت الفتيس ولما جيت تانى عشان ادور عليه عشان أحطله اللينك الصح كان تاه من دماغى دخلت فين انا فضلت فى القصه ديه حوالى 3ساعات عشان اقدر اجيب المعلومه ياباشا
وافيد العضو قدر الأستطاعه لانى حسيت ان أنه عاوزها بس صراحه كنت تعبت ونشغلت ألخ الخ
ولو صدفنى اى معلومه عن الفتيس وشرح مفصل اكيد مش هبخل بيها علىه يمكن احطها فى الموضوع او ابعتها على الخاص زى مابعمل مع اعضاء كتيير هما طبعا عرفين

أنما تستفيد منه ازى مافيش معلومه مش مفيده أعتبره معلومه تضفها ليك

حصل خير

شكرا لذوقك