عمل سيرفيس لعربيتي الكوردوبا

[the magice]

الحمدلله امبارح عملت سيرفيس يعتبر كامل للعربيه لأن هو ده بس اللي كانت محتاجاه تم تغيير فلتر الهواء ماركة الكوALCO.وطقم بوجيهات ماركة NGK 3 شمعة ولاحظت عند فك القديم ان فيهم بوجيه واحد شمعة مش عارف ده كان غلط ولا ايه بس انا ماكنتش حاسس بفرق وكالعاده انا حاولت اعمل الشغل ده ب ايدي بس العده قلت معايا وما أسعفتنيش فاضطريت اروح لميكانيكي قريب من البيت عشان يغيرهم ...يلا ارزاق ... وطبعا كل ده تم بعد تنظيف الكربراتير والبوابه والرشاش بمنظف كاربراتير ولكن تم بدون فكهم وده كان اقتراح صديق ليا لما قولتله اني هنزل الزيت بعد يومين بالكثير وكمان هغير بوجيهات فقالي خلاص بالمرة ننظف الكاربرتير بدون فك ونزل الزيت متفحم من الوساخه اللي نزلت من الكاربرتير وكمان البوجيهات كانت مهببه وطبعا غيرت فلتر الزيت نوع مجرى كده التاجر وبتاع الزيت اللي غيرت عنده قالو انه كويس الاسم ظاهر في الصورة واليكم الأسعار
فلتر هواء ماركه ALCO 65 جنيه
طقم بوجيهات ماركة NGK 95 جنيه
فلتر زيت مجرى 40 جنيه
ونوع الزيت الجديد التعاون 5000 كم وده اخف شوية (اعذروني لتحيزي لزيت التعاون اصلها شركتي )
واليكم الصور واسف ع الاطالة

http://nileup.com/up/uploads/nilemotors_13882621751.jpg

http://nileup.com/up/uploads/nilemotors_13882626231.jpg

[Mahmoudelsayed]

مبروووووووووووووك

[the magice]

مبروووووووووووووك

الله يبارك فيك
وكنت عاوز اعرف اراء الاعضاء في انواع قطع الغيار واسعارها واللي تم بشكل عام

[ehab_mansour]

مبروك يا هندسه
كله تمام لكن اللي ملاحظه هو الاسعار العالية ... ربنا يلطف بينا في البلد دي
لي تعقيب بسيط .. تنظيف الكاربيراتير ملهوش اي علاقة بسواد الزيت لأن مافيش ربط بين الكاربيراتير و المانيفول و غرفة الحريق .. و غرفة زيت المحرك
اي منظف كاربيراتير بتنظف بيه الكاربيراتير و البوابة بيتحرق و بيخرج مع العادم و ملهوش اثر اخر غير انه ممكن يوسخ البوجيهات و بس

و بالتوفيق لك و للجميع

[mohammad isdf]

الف مبروك يا باشا ربنا يباركلك فيها

فلتر زيت فولكس علامات احسن شئ

[the magice]

مبروك يا هندسه
كله تمام لكن اللي ملاحظه هو الاسعار العالية ... ربنا يلطف بينا في البلد دي
لي تعقيب بسيط .. تنظيف الكاربيراتير ملهوش اي علاقة بسواد الزيت لأن مافيش ربط بين الكاربيراتير و المانيفول و غرفة الحريق .. و غرفة زيت المحرك
اي منظف كاربيراتير بتنظف بيه الكاربيراتير و البوابة بيتحرق و بيخرج مع العادم و ملهوش اثر اخر غير انه ممكن يوسخ البوجيهات و بس

و بالتوفيق لك و للجميع

الله يبارك فيك يا م ايهاب
هنعمل ايه بس ربنا يعيننا جميعا ع الغلاء ده
اما بالنسبة للتنظيف ف الزيت فعلا نزل متفحم رغم اني مكملتش عليه 2500 كم
وفعلا البوجيهات كانت وسخه جدا لكن بشكل عام العربية ماشاء الله فاقت جدا في السحب وصوت الموتور بقي انعم
.

[hossamalsadik]

مبروك عليك الصيانه والأسعار يعنى فى الطبيعى الأن انا جبت الفلتر كان لسى من قريب ليا ب 90ج نفس الماركه والفلتر سعره فى الطبيعى الفولكس علامات ب 55ج الفلتر مع الزيت مع تنظيف الرشاشات مع البوجيهات بيفوقو الماتور جامد الزيت القديم كونه انه نزل محروق ومفيش لزوجه ده ممكن يرجع لاستخدامك ليه فتره طويله او يبقى اصلا النوع مش اد كده
بس الزيت ده مش تقيل شويه على الماتور طيب جربت قبل كده 40/10

[the magice]

الف مبروك يا باشا ربنا يباركلك فيها

فلتر زيت فولكس علامات احسن شئ

الله يبارك فيك يا محمد باشا وربنا يكرمك بس فلتر الزيت للأسف ملقيتش غير النوع ده ان شاء الله التغيير اللي جاي ابقي ادور على فولكس علامات

[the magice]

مبروك عليك الصيانه والأسعار يعنى فى الطبيعى الأن انا جبت الفلتر كان لسى من قريب ليا ب 90ج نفس الماركه والفلتر سعره فى الطبيعى الفولكس علامات ب 55ج الفلتر مع الزيت مع تنظيف الرشاشات مع البوجيهات بيفوقو الماتور جامد الزيت القديم كونه انه نزل محروق ومفيش لزوجه ده ممكن يرجع لاستخدامك ليه فتره طويله او يبقى اصلا النوع مش اد كده
بس الزيت ده مش تقيل شويه على الماتور طيب جربت قبل كده 40/10

الله يبارك فيك يا حسام باشا بس الزيت نزل متفحم لكن فيه نسبة لزوجه وانا كمان ماسبتهوش كتير في العربية لا كم عالي ولا مدة زمنية كبيرة
اما بالنسبة للزيت الجديد ف ده مش تقيل ع العربية ولا حاجة بالعكس ده اخف من اللي فات للانه بيتحط في عربيات موديلاتها اعلي اما 10\40 ف ده انا ما جربتهوش قبل كده بصراحة عموما هشوف الدنيا فيها ايه مع الزيت الجديد وربنا يسهل

[mahmoud ghanem]

مبروك السرفيس وكان ناقصك كمان تغير فلتر البنزين علشان يبقى كل الفلاتر اتغيرتك ... الحمد لله على كل شئ وربنا يبارك

[the magice]

مبروك السرفيس وكان ناقصك كمان تغير فلتر البنزين علشان يبقى كل الفلاتر اتغيرتك ... الحمد لله على كل شئ وربنا يبارك

الله يبارك فيك يا باشا بس انا معنديش مشاكل في البنزين عشان كده مغيرتش الفلتر
دلوقتي في حاجة جدت بقيت اسمع صوت صرخة سير بس مش قادر احدد اي واحد كانت الاول ع السرعة البطيئه وتزيد مع ضغط دواسه البنزين لكن دلوقتي بقت مش دايما بسمعها اكيد الكلام ده حصل بعد تغيير الزيت مجرد صدفه بس الحاجة التانيه اللي لقيتها ان في رجه شديدة جدا في اول الدواره بس بتروح لما العربية تسخن لكن العربية مبرجله بتعلي وتوطي لوحدها برضه ع السلانسيه مع ان المشكلة دي كانت اختفت من زمان مش عارف ايه اللي رجعها تاني (ملحوظه:الرد ع العضو الكريم mahmoud ghanem في اول سطر فقط لكن الاستفسار اكيد طبعا لكل الاعضاء )

[the magice]

!!!!!!!!!!!!!!!!!!!!!!!!!! ?????

[ehab_mansour]

السلام عليكم

اولا موضوع السير عشان تتأكد هو من بلية الكاتينة ولا بلية سير المجموعة انت محتاج تفك سير المجموعة و تشيله و بعدين دور العربية و شوف الخشونة هتروح ولا لأ و هنا هتقدر تحدد انهي بلية و لكن انا شاكك في بلية شداد سير المجموعه (ده السبب الرئيسي لصوت الصريخ )
ثانيا :- موضوع البرجلة و الار بي ام اللي بيلعب ده له احتمالات كتير منها كهرباء مش مضبوطة او بوباة مش نضيفة .. عموما راجع علي ضبط الاسبراتير واسلاك البوجيهات و البوجيهات

و بالتوفيق ان شاء الله

[the magice]

السلام عليكم

اولا موضوع السير عشان تتأكد هو من بلية الكاتينة ولا بلية سير المجموعة انت محتاج تفك سير المجموعة و تشيله و بعدين دور العربية و شوف الخشونة هتروح ولا لأ و هنا هتقدر تحدد انهي بلية و لكن انا شاكك في بلية شداد سير المجموعه (ده السبب الرئيسي لصوت الصريخ )
ثانيا :- موضوع البرجلة و الار بي ام اللي بيلعب ده له احتمالات كتير منها كهرباء مش مضبوطة او بوباة مش نضيفة .. عموما راجع علي ضبط الاسبراتير واسلاك البوجيهات و البوجيهات

و بالتوفيق ان شاء الله

وعليكم السلام ورحمة الله وبركاته
الرجه جايه من ان الموتور واطي اوي يعني بيدور علي rpm 3 وبيعلي بالتدريج لما العربية تسخن وكان الاول العربية بتبطل لو شلت رجلي من ع البنزين الحمدلله بقت تدور من اول مرة ومن غير ما ادوس بنزين ولا حاجه من ساعة ما غيرت البوجيهات بس لسه برضه الموتور واطي رغم اني غيرت بوجيهات والاسلاك سليمة ونظفت البوابه والكاربرتير وبرضه مفيش فايده و افكركم تاني ان العربية لما بتسخن بتظبط

[hossamalsadik]

اعتقد أن لما بتسخن بتظبط ده شغل حساسات طيب ماتشوف حساس الماف ( MAF ( Mass air flow sensor
لانه المسؤول عن أعطاء القراءه الى ECU ( الكنترول يونت ) الى على اساسها بيحدد ECU نسبة ضخ الوقود حسب كمية الهواء لاعطاء نتيجة احتراق متوازنه وصحيحه