سؤال فني لأهل الخبره والممارسه الميكانيكيه

[abaza2107]

هل موتور العربيه ينفع يتفكك حته حته (وش التاكيهات والصبابات والبلوكه الى فيها البساتم وعمود الكرنك ومجاري الزيت والمياه )
ويتنظف كويس ونشوف ايه الى بايظ فيه ويتغير بجديد ولا مينفعش وهل هيرجع زي الأول ولا لأ وكله هيقولي طبعا لأ طب ليه هل
مشكله قطع غيار مش موجوده ولا موجوده بس بكفاءه اقل من فبريكه المصنع ولا مشكله ميكانيكي في الفك والتركيب ولا مشكله خراط
مبيطلعش شغل دقيق والمقاسات بتهرب منه ولا ايه ولا ايه انا لاحظت ان كل الي موتوره بيعطل ولا محتاج طقم شنبر ولا فيه اى حاجه
محتاجه ميكانيكي وخراط مع بعض مبترجعش زي الأول بل اقل كفاءه فمعظم الناس بتلجأ للمواتير الأستيراد
وهل ده لقله كفاءه الموتور ولا للتجديد لحاله اعلى شويه ولا التجديد لحاجه اكبر شويه
والسؤال ده انا بفكر معاكوا بصوت عالي وكيبورد مفتوح قصدي قلب مفتوح
ولو ينفع الكلام ده التكلفه كام ومستوى الأداء بعد كده
الرجاء مناقشه الأراء للاستفاده للجميع
زي الفيديوهات ديه
http://www.eltawkeel.com/newsdetails.aspx?id=632

http://www.youtube.com/watch?v=7IFiQTxXTsQ

http://www.youtube.com/watch?v=iZHbm481TAM

http://www.youtube.com/watch?v=BEGIvi38yiA

http://www.youtube.com/watch?v=6tGs28lVtpk

[hugan]

المواتير ذات البلوك الالومنيوم لاتصلح فيها العمره او طقم الشتر

[Karim Ibiza]

ابو حميييد فينك

الكلام اللى انت بتقوله كلام نضيف وجميل بس المشكلة فى التطبيق

عشان تاخد نتيجة مظبوطة يبقى محتاج ميكانيكى فاهم وعنده ضمير وبضاعة نضيفة مش مضروبة

وبما ان الحاجتين دول مش موجودين يبقى عشان كده كلنا بنلجأ للمواتير الاستيراد لأنه حل أسهل واوفر واضمن

وده رأيى

[ehab_mansour]

السلام عليكم احمد بيه اباظه .... وحشني يا راجل والله و وحشنا البتاع الاخضر ده اللي بأستك ... فاكره ؟؟؟
ما علينا ... عايزين نشوفك و نشوف الناس الحلوه دي قريبا و ياريت لو كيمو يجيلنا لقطه كده و يرجع لأني للاسف معرفتش اشوفه لما كان مسافر .... الله المستعان

فيه مجموعة اسباب لتوجهنا للتغيير بدلا من الفك و الصيانه للمحركات بالذات اهمها :-

1- الميكانيكيه و مدي تعلمهم و فهمهم و حرفيتهم للقيام بالشغل ده علي وجه يماثل شغل المصنع او علي الاقل يقاربه و ده اهم او اكبر سبب من وجهة نظري و مشكلة بتقابلنا جميعا ... احنا في بلد تفتقد تماما او بقدر نقول بنسبة 80 % للتعليم المهني عموما لكل انوع الاعمال المهنية علي مستوي مصر سواء ميكانيكا او كهرباء او كنترول او او او و لو لقيت بيكون قليل جدا اللي متعلم فعلا و بحق و فيه قدر كبير متعلم و لكن بالممارسه و اللي ربما يكون فيها مفاهيم مغلوطة تماما هي مسلمات و صحيحة من وجهة نظره (هو اتعلمها كده .. ) بما اني شغال في هذا المجال عموما فدي مشكلة بتقابلني دائما في اي صناعه و في كل مكان و الاسوا من كده انك كمان ممكن تلاقي مهندسين بهذا الشكل ... مصيبه يعني ..
اللي شايل اغلب الشغل الفني اللي مفروض يقوم بيه الفنيين هو طائفه كبيرة من المهندسين نصيبهم كده و مافيش في مصر غير كده إلا قليلا و بالتالي مش هتلاقي شغل نضيف في مصر غير باشراف هندسي و ده موجود و قليل برده

2- ثاني اكبر مشكلة من وجهة نظري هي المعدات ...tools اللي بتستخدم في الفك و التركيب .. تقريبا كل الصنايعيه هنا في مصر و حتي مراكز الصيانة شغالين بالفهلوه و بالدق و ب ربط ياعم لحد ما تبقي حديد و و و قصص كتير كلنا بنشوفها و الواحد قلبه بيتقطع كل ما يروح يعمل شغل في العربية
يا ساده انا شفت في برامج فولكس و خاصة برنامج السا ان كل جزء و له tool بتستخدم في فكه و تركيبه من غير دق و لا هبد في العربية و خاصة العفشة و مكوناتها و المحرك و اجزائه الداخلية و من اهم الاشياء اللي المفروض ميتفكش المحرك و يتعاد تركيبه غير و هي موجوده هو مفتاح العزم .. و ده اللي بيستخدم في تربيط اجزاء المحرك و كل مسمار في المحرك له عزم محدد مكتوب في برامج الصيانة بيتربط بيه
و ايضا امثال كابلات الكشف للاعطال و اجهزة الفحص الالكتروني و الكهربي و كيفية استخدامها و فهمها ... مافيش حد عنده حاجه من دي إلا القليل

3- ثالث اهم حاجه هو قطع الغيار و مدي توافرها اصلية و دي كلنا عارفينها و عايشينها و غير مضمونه بالمره

4- الماكينات المستخدمه و كفائتها .... يا ساده ماكينات الخراطه و ال cnc دي عالم كبير جدا و مكلف جدا و لا يوجد وجه مقارنه بين خراطة و قدرة و كفائة الماكينات المستخدمه في ورش المصريين و قدرات ما يوجد لدي مصنعي السيارات
الدقة تختلف كثيرا و مدي تدرب المشغل و الخراط عليها و تكونولوجيا الماكينات تختلف نهائيا لذلك انا لا اثق في كفاءة الشغل هنا لأنهم لا يملكون حتي الحد الادني من القدرة سواء للمعده او اللي بيشغلها ... إلا القليل طبعا لأن فيه فعلا صنايعيه و خراطين اساتذه و بيعملوا شغل كويس جدا و لكن احيانا برده الماكينات القديمة اللي عندهم مش بتساعدهم

و ننتظر بقية الأراء
و بالتوفيق للجميع

[abaza2107]

المواتير ذات البلوك الالومنيوم لاتصلح فيها العمره او طقم الشتر

الف شكر ليك ياباشا على اهتمام وردك وانا من رايى مفيش حاجه اسمها مينفعش بس هيا المشكله زي باقي الأعضاء مااضافوا مشكله صنايعي وقطع غيار

ابو حميييد فينك

الكلام اللى انت بتقوله كلام نضيف وجميل بس المشكلة فى التطبيق

عشان تاخد نتيجة مظبوطة يبقى محتاج ميكانيكى فاهم وعنده ضمير وبضاعة نضيفة مش مضروبة

وبما ان الحاجتين دول مش موجودين يبقى عشان كده كلنا بنلجأ للمواتير الاستيراد لأنه حل أسهل واوفر واضمن
وده رأيى

ازيك يا كيمو عامل ايه سمعت ان انت مسافر ربنا يوفقك وترجع بالسلامه وانا موجود ياباشا تحت النظر وبتابعك في المنتدى من بعيد لبعيد عشان بصراحه النت عندى احيانا بيفصل ومبعرفش ادخل اشارك معاكوا

السلام عليكم احمد بيه اباظه .... وحشني يا راجل والله و وحشنا البتاع الاخضر ده اللي بأستك ... فاكره ؟؟؟
ما علينا ... عايزين نشوفك و نشوف الناس الحلوه دي قريبا و ياريت لو كيمو يجيلنا لقطه كده و يرجع لأني للاسف معرفتش اشوفه لما كان مسافر .... الله المستعان

فيه مجموعة اسباب لتوجهنا للتغيير بدلا من الفك و الصيانه للمحركات بالذات اهمها :-

1- الميكانيكيه و مدي تعلمهم و فهمهم و حرفيتهم للقيام بالشغل ده علي وجه يماثل شغل المصنع او علي الاقل يقاربه و ده اهم او اكبر سبب من وجهة نظري و مشكلة بتقابلنا جميعا ... احنا في بلد تفتقد تماما او بقدر نقول بنسبة 80 % للتعليم المهني عموما لكل انوع الاعمال المهنية علي مستوي مصر سواء ميكانيكا او كهرباء او كنترول او او او و لو لقيت بيكون قليل جدا اللي متعلم فعلا و بحق و فيه قدر كبير متعلم و لكن بالممارسه و اللي ربما يكون فيها مفاهيم مغلوطة تماما هي مسلمات و صحيحة من وجهة نظره (هو اتعلمها كده .. ) بما اني شغال في هذا المجال عموما فدي مشكلة بتقابلني دائما في اي صناعه و في كل مكان و الاسوا من كده انك كمان ممكن تلاقي مهندسين بهذا الشكل ... مصيبه يعني ..
اللي شايل اغلب الشغل الفني اللي مفروض يقوم بيه الفنيين هو طائفه كبيرة من المهندسين نصيبهم كده و مافيش في مصر غير كده إلا قليلا و بالتالي مش هتلاقي شغل نضيف في مصر غير باشراف هندسي و ده موجود و قليل برده

2- ثاني اكبر مشكلة من وجهة نظري هي المعدات ...tools اللي بتستخدم في الفك و التركيب .. تقريبا كل الصنايعيه هنا في مصر و حتي مراكز الصيانة شغالين بالفهلوه و بالدق و ب ربط ياعم لحد ما تبقي حديد و و و قصص كتير كلنا بنشوفها و الواحد قلبه بيتقطع كل ما يروح يعمل شغل في العربية
يا ساده انا شفت في برامج فولكس و خاصة برنامج السا ان كل جزء و له tool بتستخدم في فكه و تركيبه من غير دق و لا هبد في العربية و خاصة العفشة و مكوناتها و المحرك و اجزائه الداخلية و من اهم الاشياء اللي المفروض ميتفكش المحرك و يتعاد تركيبه غير و هي موجوده هو مفتاح العزم .. و ده اللي بيستخدم في تربيط اجزاء المحرك و كل مسمار في المحرك له عزم محدد مكتوب في برامج الصيانة بيتربط بيه
و ايضا امثال كابلات الكشف للاعطال و اجهزة الفحص الالكتروني و الكهربي و كيفية استخدامها و فهمها ... مافيش حد عنده حاجه من دي إلا القليل

3- ثالث اهم حاجه هو قطع الغيار و مدي توافرها اصلية و دي كلنا عارفينها و عايشينها و غير مضمونه بالمره

4- الماكينات المستخدمه و كفائتها .... يا ساده ماكينات الخراطه و ال cnc دي عالم كبير جدا و مكلف جدا و لا يوجد وجه مقارنه بين خراطة و قدرة و كفائة الماكينات المستخدمه في ورش المصريين و قدرات ما يوجد لدي مصنعي السيارات
الدقة تختلف كثيرا و مدي تدرب المشغل و الخراط عليها و تكونولوجيا الماكينات تختلف نهائيا لذلك انا لا اثق في كفاءة الشغل هنا لأنهم لا يملكون حتي الحد الادني من القدرة سواء للمعده او اللي بيشغلها ... إلا القليل طبعا لأن فيه فعلا صنايعيه و خراطين اساتذه و بيعملوا شغل كويس جدا و لكن احيانا برده الماكينات القديمة اللي عندهم مش بتساعدهم

و ننتظر بقية الأراء
و بالتوفيق للجميع

وعليكم السلام ورحمه الله وبركاته
ايهاب باشا منصور عمده القسم نفسه بيرد عليا أسسسسسسسسسسسلاااااااااام ايه الحلاوه ديه
والله كلامك مقنع جدا بس لو هنفترض ان كل حاجه سليمه من جوه الموتور وهنفك بس ننظف ونركب تاني بمفتاح الربط المدرج ده ومعملناش شغل خراطه خالص تفتكر ايه النتيجه ؟
ولو مثلا احتاجنا نفك البساتم ونغير طقم الشنبر بس هل فيه مشكله وهل ممكن فك البستم ونغير طقم الشنبرمن اسفل الموتور من عند كارتيره الزيت والتركيب مره اخرى مع تنظيف مجر الزيت لتلافي مشاكل الفك لاجزاء كتير لان انا عندى الموتور بدأ يستهبل ويطلع اصوات غريبه وحصل نقص في الزيت 1/2 كيلو تقريبا في 3500 كيلو متر ورشح على البوجيهات وااسف للاطاله ولو الموضوع اتحل ان شاء الله لك عندي طبق كبير من البتاع الأخضر ههههههههههههههه
وشوف الروابط ديه كده

[abaza2107]

الروابط
[url=http://www.startimes.com/?t=28979777]

[hossamalsadik]

أحمد بيه ازيك خليت إيهاب بيه كتب عريضه أظاهر أنه كان كاتم جواه هو فعلا المشكلة فى قطع الغيار النضيفه والصنيعى الفاهم
بس أنتا ماتورك فى حاجه غير الى شفناها مع بعض ، وموضوع تغير شنبر للبستن سواء كسح او كبس جبته منين بيتفك الكرتيره ويفك البستن ويغير الى هوا عاوزه ويرجعه تانى ، لو الصانيعى امين ( امين يعنى مش عاوز يفتح شغل ويشغل ورشة خراطه مثلا معاه او محل قطع غيار ... الخ ) هيعمل الى ممكن يشتغل فيه ويظبط الماتور ولى ميقدرش هيقلك ده او القطعه ديه تتغير جديد وهيكون حريص جدا ويفكر كويس قبل مايبعت اى قطعه للخراط وموضوع الصنايعيه فى النقطه ديه انتا وبختك

[abaza2107]

ازي حضرتك يا استاذ حسام فعلا ده كان اقتراح حضرتك عليا لما سألت الميكانيكي
(وموضوع تغير شنبر للبستن سواء كسح او كبس جبته منين بيتفك الكرتيره ويفك البستن ويغير الى هوا عاوزه ويرجعه تانى )

[hossamalsadik]

هوا فيه حاجه تانيه غير الى شفناها مع بعض وبقى تعالى المكتب

[hossamalsadik]

الموضوع ده عجبنى والفيديوهات الى فيه رغم انه مايخصش مجموعة VW بس له علاقه بالموضوع عنها

http://www.nilemotors.net/Nile/383692-a.html

[abaza2107]

متشكر جدا يا استاذ حسام على اهتمامك انا عاوز اعمل كده فعلا بس محتاج عده ووقت وكثيييييييييييير من الجرأه وان رديت على العضو المحترم صاحب الموضوع لو عنده استعداد ولو عنده وقت وقريب منى انى اروحله واعمل فى عربيتى كده ويا مسهل

[mohamedmortady]

انا عن نفسي كان عندي دخان ابيض مع الكبس علي بدال البنزيين وفتحت الموتور ونزلت البساتم وغيرت طقم شنبر وجوانات واويل سيل صبابات والنتيجة مرضية والحمد لله

[Mahmoudelsayed]

بص انا كان الموتور قفش منى شوف الموضوع ده يمكن يفيدك

http://www.nilemotors.net/Nile/393565-a.html