تقسيمة سلوك الاسبراتير

[Mahmoudelsayed]

انا عايز اعرف ايه هيا تقسيمة سلوك الاسبراتير
بتاع الجولف 3 abd 1400 have injection
هوا فى تقسيمتنين ليها عايز اعرفهم
شاكرين حسن تعاونكم معانا

[SYD]

اي محرك ٤ سلندر ترتيب البساتم بتاعها ١ ٣ ٤ ٢
والسلندر الاول من ناحية الكاتينة ولبس الاسبراتير

تحياتي

[ehab_mansour]

انا برتبها باطوال اسلاك البوجيهات
من ناحية الاسبراتير .. 1-2-3-4

1 + 4 بيتحركوا في شوط واحد
2 + 3 بيتحركوا في شوط واحد

لذلك بنظبط الاشعال ان 1 و 4 بياخدوا شرارة اشعال في وقت واحد و يليهم 2 و 3 و هكذا

[Mahmoudelsayed]

ايوه يعنى اركبهم ازاى فى غطا الاسبراتير
يعنى ابداء منين ؟؟؟

[hossamalsadik]

[Karim Ibiza]

اسئلتك بقيت جامدة قوى يامحمود وشكلك من النوع اللى بيحب يشحم ايده

قبل اى حاجة لازم تعرف ان تقسيمة سلوك البوجيهات لو مش صح هتلاقى العربية ملخبطة وبتعمل فرقعة والموتور مش بيدور بانتظام misfire

يبقى الاحتمال اللى بتفكر فيه ان لخبطة العربية بسبب غلط فى ترتيب السلوك مش صح لأنك ببساطة لو السلوك مش فى مكانها يبقى مش هتعرف تمشى بيها

لكن لو انت عايز الصح يبقى المفروض انك تراجع على التقسيمة من اولها وده اللى انا قولتلك عليه فى موضوع الايرور قبل كده لأن المللى بيفرق فى الحاجات دى

عموما اجابة سؤالك هقولهالك:
بالنسبة للمواتير الـ4 سليندر ترتيب سلوك البوجيهات على الاسبراتير 1-3-4-2



موضوع تبدأ منين ده هيكون على حسب وضع الموتور
وعشان تبتدى صح يبقى لازم تحدد حاجة اسمها TDC او اعلى نقطة للسيلندر رقم واحد مع ظبط الاسبراتير على العلامة وده طبعا مش هيبان غير لما تراجع على تقسيمتك من الاول وبعد كده ترتب الكابلات زى اللى فى الصورة

[Mahmoudelsayed]

ههههههههه انا الناس فى المنطقه قربو يفتكرونى ميكانيكى هههههههههههههههه واحد جارى بيقولى هيا شغلتك ايه ههههههههه

ميكانيكى يا باشا :)

[Mahmoudelsayed]

شكرا يا استاذ / حسااااااااااام

[Mahmoudelsayed]

اسئلتك بقيت جامدة قوى يامحمود وشكلك من النوع اللى بيحب يشحم ايده

قبل اى حاجة لازم تعرف ان تقسيمة سلوك البوجيهات لو مش صح هتلاقى العربية ملخبطة وبتعمل فرقعة والموتور مش بيدور بانتظام misfire

يبقى الاحتمال اللى بتفكر فيه ان لخبطة العربية بسبب غلط فى ترتيب السلوك مش صح لأنك ببساطة لو السلوك مش فى مكانها يبقى مش هتعرف تمشى بيها

لكن لو انت عايز الصح يبقى المفروض انك تراجع على التقسيمة من اولها وده اللى انا قولتلك عليه فى موضوع الايرور قبل كده لأن المللى بيفرق فى الحاجات دى

عموما اجابة سؤالك هقولهالك:
بالنسبة للمواتير الـ4 سليندر ترتيب سلوك البوجيهات على الاسبراتير 1-3-4-2



موضوع تبدأ منين ده هيكون على حسب وضع الموتور
وعشان تبتدى صح يبقى لازم تحدد حاجة اسمها TDC او اعلى نقطة للسيلندر رقم واحد مع ظبط الاسبراتير على العلامة وده طبعا مش هيبان غير لما تراجع على تقسيمتك من الاول وبعد كده ترتب الكابلات زى اللى فى الصورة

شكرا يا كيمو
بس هوا TDC ده اعرفة منين
انت سافرت ولا هنا ولا فين عايزينك بقى لما تنزل القاهرة نتقابل بقى بقى بقى

[nesr6060]

عملت ايه فى حوار الضفيره طمنا ايه اخر الاخبار

[Ahmedhk]

السلام عليكم انا جبت اسبراتير جديد لسيات كوردوبا ١٩٩٤ بس الميكانيكي لما شافو قالي ان هو مش نفسه لان لما حاول يشوفو هل هو زي اللي راكب ولا لا الفيشة بتاعته هتبقى من الجنب مس لفوق زي اللي راكب فهل الموضوع ده ممكن يتحل و اركب الجديد اللي جبته ولا ارجعه و اجيب استعمال ؟
لان ده تقريبا اخر حاجة لقيتها جديد بس الغريب الةش بتاع الاسبراتير بتاعي بلاستيك اللي بيغظيع لكن اللي جبته جديد الوش معدن و حسه اكبر شوية هو نوعه bruck فايه الاحسن دلوقتي ارجعه ولا هو ينفع يركب عندي عادي ؟

[mohammad isdf]

محمود ده برنس يا جماعه ما شاء الله عليه
مدينة الشيخ زايد ولاده .. وبما ان مفيش عندنا صنايعية .. فالحاجة ام الاختراع أنا كمان بقيت انط جوه الكبوت واقعد اخترع
فكيت فرش باب العربية كله وظبط الإزاز ولزقت الجريدة بتاعة الباب وصلحتها بعد ما كنت هدبش فى شرا واحدة .. وقفلت على السلوك وكان فى خبطة فى الباب رديتها بايدى ههههه والباب بقى سايلنت تماما مبقاش فى خبط مع المطباط من ناحيتى

[karimhasson]

سؤال بس يا باشا

الموبينة اصلا مكتوب عليها حروف a b c d
لو نفس الرسمة الللي حضرتك راسمة انا عندي

c a
b d