أرجو المساعدة من عمالقة القسم

[basam110]

انا النهاردة روحت شوفت عربية سيات ابيزا ورفعتها فى بنزينة كالتكس فحص شامل والعربية طلعت كويسة جدا فى الاساسيات والماتور 60 % ومش محتاجة حاجة بعد ما خلصنا روحت خليتة يجرب السحب بتاعها طلع بطئ وثابت اللى حد ما على 120 مع ان ماتورها 1600 سى سى عشان احنا ما جربنهاش كتييير سعر العربية النهائى :28000
انا عايز اعرف المشكلة ممكن تكون من اية ؟؟؟!!
ولو ليها هيبقى سهل ولا صعب ؟؟!!
انا عايز رأيكم بصفة عامة وشكرا .....

[hossamalsadik]

أهلا بيك بين اعضاء قسم سيات نيل موتورز
الأبيزا بوجه عام عربيه كويسه وقطع غيرها متوفره جديد وإستيراد
موديل كام معرفناش ؟
وطلما فحصتها واساسياتها كويسه وسليمه يبقى تمام
ثبات الماتور ممكن يكون بسبب تظبيط سرفس يعنى فلاتر وبوجيهات مع ظبط الكهرباء وسلوك البوجيهات وكلها حجات بسيطه وتعتبر صيانه دوريه بس انتا بتقول 60 % حالته فبعد التظبيط ماتوقعش منه يقفل امبير يعنى

بالتوفيق ان شاء الله

[basam110]

أهلا بيك بين اعضاء قسم سيات نيل موتورز
الأبيزا بوجه عام عربيه كويسه وقطع غيرها متوفره جديد وإستيراد
موديل كام معرفناش ؟
وطلما فحصتها واساسياتها كويسه وسليمه يبقى تمام
ثبات الماتور ممكن يكون بسبب تظبيط سرفس يعنى فلاتر وبوجيهات مع ظبط الكهرباء وسلوك البوجيهات وكلها حجات بسيطه وتعتبر صيانه دوريه بس انتا بتقول 60 % حالته فبعد التظبيط ماتوقعش منه يقفل امبير يعنى

بالتوفيق ان شاء الله

حبيبى تسلم على مرورك
العربية موديل 94
انا مرتاح للعربية بصفة العامة بس اللى قلقنى موضوع السحب دة عشان ما عنديش خبرة فى العربيات ودى اول عربية ليا ومش عايزها تتعبنى بس وخايف يكون حوار مقرف ويتعبنى يعنى

[hossamalsadik]

السعر كويس بوجه عام
ممكن تروح لحد متخصص ميكانيكا فولكس يكشف على الماتور
واعتقد الى قلتلك عليه هيفرق فى أدائه
ولازم تعرف ان تراعى العربيه ترعاك تبخل عليها وتعملها بقلة خبره تطلع عينك الكلام ده لكل العربيات

[Karim Ibiza]

موضوع السحب ده موضوع نسبي مش هيحدده غير اللى ركب العربيات دى وعارف سحبها

بس عموما الالمانى معروف ان طلعته بطيئة عن اى عربية تانية بسبب الوزن لكن بعد كده بيفتح فى السرعات العالية
جايز فعلا تكون العربية مخنوقة بسبب السرفيس زى ما أ / حسام قالك
تنضيف بوابة او فلتر هواء او شكمان

لو العربية اساسيتها نضيفة يبقى توكل على الله واى حاجة بعد كده سهلة
والسعر معقول حسب الحالة