تقريبا انا بعت العربيه

[nesr6060]

نصيحه متبعهاش وشدها انت على مهلك مفيش عربيه مبتصرفش عليها بس فى عربيه بتصرف عليها وانت عارفها وعارف عيوبها وبتحلها حاجه حاجه وعربيه تصرف عليها وانت مش فاهمها وتايه فيها

[matrix012]

مش عارف ده من سوء حظى ولا من حسن حظى البيعه اتلغت
سبحان الله العربيه اتهلكت بما فيه الكفايه يوم الاربعاء والخميس واتكشف عليها كتير قوى واكتر من واحد كلمونى خلاص علشان نروح نخلص زى ما قولت قبل كده
انهاردا الراجل جيه بالفلوس وراحيين نخلص العربيه زعلت وبتطلع دخان ابيض من الشكمان
انا قولت معلش اصل الزيت الى فيها بقاله كتير وكفايه الكبس الى اتكسبه الموتور فى اليومين الى فاته روحنا غيرنا زيت وفلتر ومشيت شويه
بكبس برده فى دخان ابيض انا بينى وبينكم كده زعلت قوى
الراجل الى هيشترى بيقول الماكنه خفيفه ولا ايه وكده هتحتاج مصاريف قولتله لا خفيفه ولا حاجه والعربيه لسه بتاعتى واديتلو فلوسه وبينا تليفونات
السؤال هنا بقى ايه الى يخلى دخان ابيض يطلع من الشكمان غير ان المكنه خفيفه ؟؟؟؟؟؟؟؟ ارجو من اصحاب القلوب الرحيمه الاجايه :d
و ربنا يكرم

[tareksakr]

ممكن يكون كاوتش صباب هل الدخان مستمر علي طول واللا بيمنع بعد العربية ما تسخن لو مستمر يبقي كده الموتور خفيف ولو بيمنع بعد العربية ما تسخن يبقي كاوتش صباب

[matrix012]

ممكن يكون كاوتش صباب هل الدخان مستمر علي طول واللا بيمنع بعد العربية ما تسخن لو مستمر يبقي كده الموتور خفيف ولو بيمنع بعد العربية ما تسخن يبقي كاوتش صباب

الدخان بيظهر لما بقرص على العربيه وهيا واقفه لكن وطول ما انا ماشى مفيش اى دخان حتى وانا بقرص
وعموما بكره ان شاء الله هخبط مشوار طويل شويه وهقرص فيه واشوف الدنيا فيها ايه
والله المستعان

[nesr6060]

برده انا مستحرم تبيعها وانشاء الله اللى فى الخير ربنا يعمله ونصيحه العربيات د والله بحس انها ساعات ليها روح وبتعمل مواقف مع الواحد ياما تكرهك فيها ياما تتمسك بيها اكتر والعربيه بتاعتك شكلها متمسكه بيك ههههههههههه

[S O P H O S]

ربنا يعوضك بالاحسن