اريد معرفه كود الماتور

[ahmadsapre]

wwo اريد معرفه كود الماتور السياره ابيزا 2002 الكود الى مكتوب في البلوكه على شان ناس قالتى انى الماتور 1400 وناس تقولى 1000سىسى ومكتوب في الرخصه 1000 سىسى

[ahmadsapre]

ومكتوب على البلوكه من تحت على اليمين wwo

[ehab_mansour]

ده مش كود
دور علي رقم الموتور اللي في الرخصة هتلاقي الكود قبله وهو ثلاثة حروف

[ehab_mansour]

ده مش كود
دور علي رقم الموتور اللي في الرخصة هتلاقي الكود قبله وهو ثلاثة حروف

[ahmadsapre]

والله ياساتاذ ايهاب انا نزلت عشان اتاكد من كود الماتور واتباق الرقم مع الرخصه لقيت حاجه غريبه اوى ولا لقيت رقم الشاسيه ولا رقم الماتور ودورت كتير ياريت حد يوقلنا رقم الشاسيه القيه فين ورقم الماتور عشان انا خفت اوى وربنا يستر

[ahmadsapre]

السياره ابيزا 2002

[ehab_mansour]

ممكن ترفعلنا صورة للموتور

[hossamalsadik]

يا استاذ احمد ولاتخاف ولاحاجه واخواتك فى القسم موجودين انا هشرح بالصوره عشان اسهلك

[hossamalsadik]

VW Polo Volkswagen VIN Number Location Vehicle Identification chassis number locations and VIN decoder - VIN Vehicle Identification Number Locator

[ahmadsapre]

انتا متاكد ياستاذ حسام على شان الارقام الى موجوده في المكان ده الى حضرتك مشاور عليه بلسهم مش الى موجوده في الرخصه انا كده خوفتنى اكتر انا الكود الى شوفته موجود تلت حروف هما wwo والارقام الى موجوده في التكت الحديد الاسود الى انتا مشاور عليه ده مفهوش ارقام موجوده في الرخصه بالله عليكو ياجماعه حد يطمنى على شان كده قلبى وقع في رجليه وانا مشترى العربيه من عشر شهور

[Karim Ibiza]

المكان اللى أ/حسام مشاور عليه بالسهم فى صدر العربية هتلاقى رقم مكون من 17 رقم وحرف

اخر 6 ارقام من اليمين هى رقم الشاسيه

بالنسبة للموتور انت مش محتاج كود الموتور حاليا لانه مش بيكون مكتوب فى الرخصة
انت محتاج رقم الموتور

ياريت ترفعلنا صورته زى ما المهندس ايهاب قالك عشان نقولك بالظبط مكان الرقم فين

متقلقش ان شاء الله خير

[ahmadsapre]

سلام عليكم انا ياجماعه روحت النهارده المرور عشان اطابق البصمه ودخلت على بتاع البصمبه طبعا وقولتله على المشكله وفعلا طلعلى كود الماتور والشاسيه وفعلا استغربت من مكانه وطلع تحت شجره المياه وطلع مش باين خالص ولازم يتاخد على ورقه وقلم رصاص بطريقه معينه كده في المرور ومتشكر جدا للناس الى حولت تساعدى وشكرا لاستاذ حسام عشان تعب معايا اوى في الموضوع ده على الموبيل عشان يعرفى المكان كويس بس انا بغبائى الى معرفتش بسهوله

[hossamalsadik]

لاشكر على واجب أ/ أحمد
وكنت قلتلك أن مكان الرقم والكود لازم يتمسح كويس بيبقى عليه أتربه لازقه والحمد لله انك أرتحت اناعارف ان الموضوع كان مقلق بالنسبالك والبنسبه لاى حد عمتا


تحياتى

[ahmadsapre]

ياجماعه انا الحمد لله روحت المرور ورفعت البصمه واتاكدت انى الرقم الى موجود عندى صحيح على فعلا الرقم الى انا شوفته الاول مكنش هو رقم الماتور والرقم الى في البلوكه ده تحت شجره المياه بس ده مخفى اوى ومش ملحظ ظهوره ولازم يتاخد ببصمه ورق وقلم رصاص في المرور وشكرا على تعبكم معايا وخصوصا الاستاذ حسام على شان تعب معايا جدا على شان يعرفنى المكان والحمد لله جت سليمه ومحدش بيتعلم ببلاش