الغلق المركزى لسيات ابيزا 2002

[ahmadsapre]

السلام عليكم احلا شباب في المنتدى انا كان عندى مشكله في الغلق المركزى بتاع الابيزا 2002 وهيه اول مشتريت العربيه كان السنتر بيقفل لوحد وانا خارج العربيه بعد مده معينه كده بقاله فتره كده مش بتقفل القفل المركزى لوحده وانا مش عارف ده من ايه هل ممكن بعد ما بطاريه سنتر مفتاح العربيه الى في المفتاح خلصت ابل كده وغيرتها ممكن يكون عايز يبرمج تانى ولا حاجه وياريت لو برمجه حد يقولى ابرمجه ازاى

[Karim Ibiza]

راجع علي صوابع قوايم الابواب لان فى الغالب هتلاقى واحد مكسور وده معناه ان الباب مش مقفول وعشان كده السنتر مش هيقفل

عملت ايه فى موضوع http://www.nilemotors.net/Nile/399540-a.html

ياريت تكمل الموضوع عشان الكل يستفاد

[hossamalsadik]

الموضوع ده حصل معيا مره او مرتين وقفلت الأبواب تلقائيا فعلا بعد مده معينه بعد كده الموضوع أختفى عندى ومعدش بتقفل بردو او يمكن مختبرتش كويس وهى مده أظنها أطول من مدة غلق نور الصلون التلقائى الى هيا 30 ثانيه .
ومن سعتها ونسيته من دماغى

[abaza2107]

السلام عليكم كل عام وانتم بخير
تقريبا والله اعلم ان المشكله ديه من كالون باب السائق لانى اكتشفت يا استاذ حسام ان شكوكنا كانت في محلها وان كالون باب السائق فيه فعلا سويتش وتقريبا ده المسئول عن كذا حاجه ومنها ان العربيه لو نزلت منها وسايب النور شغال المفروض انها تديك اشاره صوتيه على ذلك وغالبا السويتش ده معلق عندى وغالبا عند كل الناس الى كل مفاتيحها الريموت ما بتتبرمجش على العربيه وان المشكله بعيده عن وحده السنتر نفسه الى فوق العدادات وكل هذا اجتهاد منى والله اعلى واعلم وانا باذن الله خلال اليومين دول هحاول افك كده واشوف ايه الأخبار فارجوا الى عنده المفتاح متكود على العربيه وبيفتح وبيقفل بيه يقولنا لو نزل من العربيه وسايب النور شغال بتديله اشاره صوتيه على ذلك وشوف الفيديو ده

VW A4: Faulty Door Lock Module / Actuator - YouTube

VW Door Lock Control Module Fix Repair, Simple Easy Repair - YouTube

Golf MK4 locking issue solved! - YouTube

[ahmadsapre]

ايوه ياستاذ كريم حليتها وسبت الرد في الموضوع بتاعها

[hossamalsadik]

أنا بتدينى أشاره صوتيه لو سبت النور الصغير مفتوح ولاكن زى ماقلت الباب مابيقفلش اتوماتيك غير كما ذكرت مره او مرتين ومش تغلش تانى انا فكرتها صدفه ولما فكيت الباب فى مره لقيت ان فى فيشه بسلك فى نفس المنطقه ديه الى فى الفيديو العيب فى الكالون الموضوع عاوز بحث عملى للتجربه وهل كل الموديلات من 2000-02 فيها نفس الأوبشن ده زى وحدة التنبيه بفتح الكابوت مثلا الى بيختلف وجودها من موديل لموديل