تقرير كامل سيات توليدو 2014

[tarek_c4]

السلام عليكم و رحمه الله و بركاته
بسم الله الرحمن الرحيم

انا يا جماعه كنت بدور على عربيه جديده و للاسف لم اجد عربيه اقتنع بيها و كنت ماشى على طريق الاوتوستراد من كام يوم و عديت على معرض و وجدت هذه السياره ----سيات توليدو 2014-------- و دخلت دماغى جدا و سألت عليها ولاقيت سعرها مناسب و عرفت تقريبا جميع امكانيتها من المعرض و من النت و عن طريق تيليفون التوكيل و قلت تشاركونى هذه المعلوملت و كمان تقولولى رأيكوا فيها هل اجيبها ولا لا بس اعذروا اسلوبى لانى جديد و يا رب يعجبكوا

السياره : سيات توليدو

الموديل : 2014

السعه اللتريه : 1600

القوه : 105/5600

العزم : 153/3800

ناقل الحركه : المتواجد حاليا مانيوا 5 سرعات و كمان شهرين هينزل الاوتوماتيك و اعتقد هيبئا dsg 7 speed

الابعاد : 4482/1706/1461

السرعه القصوى : 193

التصارع من 0/100 : 10.6

متوسط استهلاك الوقود : 6.4 لتر لكل 100 كيلو

مساحه الشنطه : 550 لتر كبيرااا جدااااا

تنك البنزين : 55

وسائل الامان : abs- 4 air bags

و تأتى السياره بفئتين الفئه الولى ب 139 والثانيه ب 149 وانا شوفت الفئه الولى
الفئه الولى :
مرايات كهرباء قابله للتسخين - امكانية التحكم فى ارتفاع كرسى السائق - seat audio system with 4 speakers with AUX -اربعه ازاز كهرباء - كمبوتير رحلات - قفل مركزى بريموت - multi function بالطاره

و تتميز الفئه الثانيه بالاتى :

باركينج سينسور
جنوط سبور 16 بدلا من 15
فوج لايتس بخاصيه cornering lights وهى تقريبا انها منحنيه نوعا ما فلما تكسر الدريكسيون بينور فى الاتجاه ويطفى الاخر .
طاره و فتيس و هاند بريك جلد.
كروز كنترول.
مسند يد .

تتشابه السيات توليدو مع مثيلتها سكودا رابيد و لكن يوجد فروق من حيث الجسم الخارجى الذى اعتبره افضل و بعض الاجزاء الداخليه و فى حاجه انا اعتبرتها ميزه عنها و هى امكانية التحكم فى الزجاج الاربعه من كرسى السائق و ده مش موجود فى الرابيد و صاج العربيه قوى و الكبوت متبطن و العربيه تقفلها حلو جدا و تتشابه فى الشكل الخلفى مع الجيتا الجديده.

انا يا جماعه للاسف عندى مش راضى ينزل الصور اللى انا مصورها فياريت ابعتها لحد ينزلها.

ارجو ان انال اعجابكم و اسف على عدم الاتقان و ان تحت امر اى استفسار و شكرا.

[omaranes77]

طب السعر عربية حلوة ولو انتا مسريحلها توكل علي اللة بس خليك في المانويل بلاش اتوماتيك و مبروك مقدما

[Ahmed_m7md_A5]

ابعد عن ال dsg وغنيله

[SYD]

شكراً علي التقرير وتسلم ايدك

[Karim Ibiza]

سعر منافس جدا بالنسبة للماركات التانية من نفس الفئة
كفاية انك راكب عربية كل حاجة فيها فولكس طبعا ماعدا الشكل الخارجى, يعنى تقدر تقارنها بالجيتا

وزى ما حضرتك قولت ان فيها تجهيزات تزيد عن الاسكودا رابيد وده راجع لسبب واحد
وهو ان ترتيب الانواع فى فولكس جروب كالأتى:
1- أودى (الأكثر فخامة والأغلى ثمنا)
2- فولكس واجن (الدمج بين الفخامة والشبابية)
3- سيات (الجناح الرياضى فى فولكس جروب)
4- سكودا (الأقل تكلفة والأرخص سعرا)

وده معناه انك لازم هتلاقى فرق بين الاسكودا والسيات لصالح السيات فى التجهيزات والتقفيل والخامات, ولكن المضمون واحد (عفشة وموتور وشاسيه)

اما بالنسبة لموضوع الـ dsg فخلاص مبقناش بنسمع عن مشاكل منه من الموديلات بعد الـ 2010
وحاليا يعتبر احسن فتيس من حيث الأداء

[J A G U A R]

تقرير جيد .. مشكور

[windofchange]

[SYD]

بالنسبة للسعر كان لي تعليق

هو طبعاً منافس جداً بالنسبة لعربية اوروبي في مجموعة فولكس وانا كنت ذكرت كدة في تقرير ليا قبل كدة

http://www.nilemotors.net/Nile/297597-seat-toledo-2013-a.html#post3874412711

بس انا متوقع ان السعر هيختلف بالكامل لو فرضنا انها نزلت بالفتيس الDSG وبردو أشك في كدة لأنها المفروض انها بتحل محل الكوردوبا والأكسيو بقت هي اللي بتحل محلها
يعني بمعني

لو هنتكلم عن سيارات بالمقارنة بسيارات فولكس وسكودا هتلاقي الأتي
ابيزا مقابل البولو - الفابيا
الكوردوبا - بولو كلاسيك - .......
الليون حلت محل كوردوبا علي مستوي سيات
التوليدو 1 و 2 كانت مقابل الجيتا - الاوكتافيا
الأكسيو حلت محل التوليدو لتنافس الجيتا والأوكتافيا والأودي A3
وتجد ليون ايضاً مقابل الجولف والجيتا والأوكتافيا

لو قارنا الموديلات الأقدم من التوليدو كنت هتلاقيها تكافئ الجيتا والأوكتافيا والليون (حتي شبهها اوي ونسخة منها) والأودي A3

وبالتالي فالسعر لحد كدة منافس جدا كعربية أوروبي مقابل عربية اسيوي لكنه مناسب جداً لو عربية اوروبي مقابل عربية اوروبي
يعني ماتقارنهاش بالأوكتافيا - قارنها بالرابيد او 301 او كورسا او الأبيزا
لأنها المفروض علي النسخة المعدلة من شاسيه الأبيزا

تحياتي

[tarek_c4]

شكرا على الردود المفيده و هىا بره فعلا بتتقارن بالرابيد و انا بفضل المانيوال لان ال dsg 7 speed لسه فيه مشاكلوانا كنت بقارن بينها و بين بيجو 301

[hossamalsadik]

شكرا على التقرير
العربيه ديه سعرها منافس جدا ده شيىء واضح لأى حد
مشكلة السيات عموما الدعاية ده غير ان مشاكل الفتيس dsg فى الموديلات القديمه بوظ سمعة جروب الفولكس كله فى مصر
نتمنى ان النظره تتغير فى القريب

[S O P H O S]

مشكورر علي التقرير

[kzohny]

على فكره الفتيس الأوتوماتيك اللي نازل فيها فتيس عادى 6 نقلات , غالبا نفس اللي كان بينزل في الاوكتافيا a5 و الفنتازيا

[M.Elwan]

على فكره الفتيس الأوتوماتيك اللي نازل فيها فتيس عادى 6 نقلات , غالبا نفس اللي كان بينزل في الاوكتافيا a5 و الفنتازيا

هو فعلا نفس فتيس الفانتازيا ونفس موتورها 105 hp mpi

[Mohamed 555]

العربية دي شكلها جميل جدا و جذاب اوي و هي فعلا عجبتني بس المنافس ليها بيجو 301 فيها كل الامكانيات و السعر الارخص في الهايلاين بتاعها... كنت بفكر فيها اول ما سمعت عنها بس سعرها اكبر من الميزانية بتاعتي و انا حاجز 301 الهاي لاين..

[mostafaay]

السلام عليكم و رحمه الله و بركاته
بسم الله الرحمن الرحيم

انا يا جماعه كنت بدور على عربيه جديده و للاسف لم اجد عربيه اقتنع بيها و كنت ماشى على طريق الاوتوستراد من كام يوم و عديت على معرض و وجدت هذه السياره ----سيات توليدو 2014-------- و دخلت دماغى جدا و سألت عليها ولاقيت سعرها مناسب و عرفت تقريبا جميع امكانيتها من المعرض و من النت و عن طريق تيليفون التوكيل و قلت تشاركونى هذه المعلوملت و كمان تقولولى رأيكوا فيها هل اجيبها ولا لا بس اعذروا اسلوبى لانى جديد و يا رب يعجبكوا

انا يا جماعه للاسف عندى مش راضى ينزل الصور اللى انا مصورها فياريت ابعتها لحد ينزلها.

ارجو ان انال اعجابكم و اسف على عدم الاتقان و ان تحت امر اى استفسار و شكرا.

باشا مشكور جدا على المجهود الرائع
ممكن تفيدنا بعد سنة من استخدام السيارة ايه تعليقك عليها من حيتث
الثبات
العفشة
التوكيل والصيانة
اسعار قطع الغيار
علشان العربية عجباني جدا وبفكر اشتريها