ليون ولا جولف .. بولو ولا ابيزا

[helhariry]

الاصدقاء الاعزاء .. رغم اعجابي الشديد بكل من السيارة الابيزا والليون الا انه بعد السؤال والبحث اصبح لدي عدد من التساؤلات لا اجد عنها اجابة :

1- ندرة قطع الغيار وعدم توافر بعضها وارتفاع سعرها بشكل مبالغ فيه
2- صعوبة اعادة البيع وانخفاض السعر بشكل حاد
3- ما هو الفرق الجوهري بين الفولكس والسيات خاصة وأن بعض المكونات من شركة فولكس .. يعني ايه الفرق بين الجولف والليون وايه الفرق بين البولو والابيزا

[behman]

من سنه 1994 فولكس و سيات و سكودا و أودي بينزلو عربيات زي بعض بالظبط في كل قطع الغيار الداخليه يعني موتور و عفشه كهربا و فتيس واحد
الاختلاف بيكون في الشكل الخارجي و الصالون
مثلا البورا زي التوليدو زي الاوكتافيا a4 زي الاودي a3
و البولو 2000 زي الابيزا 2000 زي الفابيا

[برنس الليالي]

الجولف والليون عربيات غاية في المتعة مش مجرد عربية تركبها سنة وتحاول تبيعها لأ خالص دي حتخليك تقضي 4-5 سنين مية مية وبعد كدا حتلاقي نفسك مش بتفكر في إعادة البيع اوي بعد الفترة دي كلها

من ناحية الليون الجديدة والجولف 7 في اختلاف في الاوبشنز والمحركات ولو ان الجروب دا كله انا بقلق منه بسبب الفتيس

[helhariry]

الجولف والليون عربيات غاية في المتعة مش مجرد عربية تركبها سنة وتحاول تبيعها لأ خالص دي حتخليك تقضي 4-5 سنين مية مية وبعد كدا حتلاقي نفسك مش بتفكر في إعادة البيع اوي بعد الفترة دي كلها

من ناحية الليون الجديدة والجولف 7 في اختلاف في الاوبشنز والمحركات ولو ان الجروب دا كله انا بقلق منه بسبب الفتيس

شكرا لحضرتك واستكمالا انا لدي بولو 2008 هاتشباك اتوماتيك برازيلي وعايز اجيب ليون او ابيزا 2014 وبعد سؤال الاصدقاء وجدت ان ندرة قطع الغيار وعدم توافر بعضها وارتفاع سعرها بشكل مبالغ فيه بالنسبة للسيات بشكل عام وصعوبة اعادة البيع وانخفاض السعر بشكل حاد ... مما جعلني اسأل عن اسباب ده خصوصا اني شايف ان الفرق في الاوبشنز والمحركات لا تمثل فرق السعر بين الليون والجولف (60 الف جنيه) او البولو والابيزا (20 الف جنيه).

يرجى التفضل بمساعدتي