hالحقونى الاربى ام بيلعب مش غاوز يثبت على السلانسيه

[nesr6060]

نزلت ادور العربيه بعد ما ركنتها امبارح وانا بدور الاربى ام طلع ل 20 ووقف حوالى 3 ثوانى مره واحده نزل ل 12 و 16 عمال يعالى ل 16 وينزل ل 12 وعمال يلعب وانا مش عارف اعمل ايه روحت لكهربائى عربيات عادى جنبنا بقوله الاسبراتير قالى لا ده مش اسبراتير قالى ده بنزين ونضف البوابه نضفتها وبرده لسه بيلعب العربيه بقه بتعمل
هووو هووو هووو هووو ومش عدله وانا مش عارف اعمل ايه وطبعا العربيه بقت بتسخن بسرعه بسبب الاربى ام بقى عالى

[eng.salama93]

انتا كنت بتقول قبل كدا ان عندك عمه السيرفو مخرومه تقريبا !! او حاجة زي كدا صح ؟

[J A G U A R]

ممكن حساس الايدل

[بيشوى_رمزى]

و العربية مبطلة كارك فرامل مرتيم تلاتة لو البدال حجر جامد معاك دور و انت دايس فرامل لو البدال نزل مع رجلك لتحت يبقى حساس ايدل " نضف الحساس و اكد على الفيشة راكبها و سلوكها سليمة"
لو البدال مرضيش ينشف معاك يبقى السيرفو عندك فىه تنفيس
لو عندك حساس ماف نضفه

[nesr6060]

اه هو السيرفو عندى عصام قالى انه فى تنفيس وبيعمل هوا للموتور ومستنيه يجبلى الكاوتشه بتاعته بس مكانتش بتعمل كدا ده كل اللى كانت بتعمله الاول ان الاربى ام ينزل مش يعلى

[بيشوى_رمزى]

هو كده فى خلل فى كمية الهوا اللى على اساسها الecu بيظبط كمية البنزين فمش هيفرق يعلى او يوطى صلح السيرفو هتظبط معاك ان شاء الله

[Mahmoudelsayed]

شوف الايرور ممكن يكون الكنترول بيهيس