الموتور بيعمل صوت صفارة

[Ayman Fathalla]

السلام عليكم ورحمة الله وبركاته

انا عندي ابيزا 98 كان فيها مكنة 1000 و اتسقطلها مكنة بولو 1400 قبل ما اشتريها .. المهم الموتور كان شغال عادي فجأة بدأت أسمع زي صوت صفارة او بالظبط صوت الموتور بقى عامل زي صوت موتور الدايو لانوس لما بيصفر .. الصفارة دي بتظهر لما ال rpm بيعلى عن 20 و أكون ماشي بالعربية .. بس لو ممور و واقف و حرقت الصفارة مبتظهرش .. معلومة : ان الموتور مابيسحبش و بردو البوجيهات بتهبب بسرعة و بحتاج اغيرها كل فترة لأنها بتبدأ تقطع بس ده كله كان حاصل من قبل صوت الصفارة .. يا ترى ايه الأسباب !!

شكراً..

[Karim Ibiza]

الصفارة بتكون فى الغالب من سير الدينامو

[hossamalsadik]

اهلا بيك معنا
صوت الصفاره اسبابه اما سير عاوز يتغير او بليه - بلية دينمو او بلية كاتينه الموضوع بسيط
هباب البوجيهات ناتج عن عدم احتراق البنزين بشكل كامل وسليم أما بزياده نسبته بسبب تسيل الرشاشات او ان الهواء نسبته المختلطة معاه نسبته اقل او عدم قدرة البوجيهات على الحرق بسببها او بسبب سلوكها
الحل انك تعمل سرفس تكشف على سلوك البوجيهات و تنضف حساس الهوا وتكشف على حساس الشكمان وتكشف على الرشاشات الى بتكون عاوزه تتنضف واحيانا تتغيير التنضيف ممكن تستخدم منظف دورة البنزين وتحطه على تفويله

بالتوفيق

[Karim Ibiza]

البلى مش بيعمل صوت صفارة سواء كان بلى دينامو او بلى كاتينة

[hossamalsadik]

باشا الراجل صاحب الموضوع من سياق كلامه مش عارف يميز الصوت تحديدا الفكره ان نجبله الى ممكن يعمل الصوت الأقرب لحلته انا ابتديت بالسير ثم البلى - البلي عارف انه بيعمل صوت خشن وبكده نبقى حصرناله مشكلة الصوت
وضحت .

وبعدين مين الى قلك ان البلى ماببيعملش صوت صفاره أحياناً بيكون بخشونه واحيانا بتكون رفيعه

[body7733]

اكشف على العربيه عند ميكانيكى كويس وريح نفسك

[Karim Ibiza]

باشا الراجل صاحب الموضوع من سياق كلامه مش عارف يميز الصوت تحديدا الفكره ان نجبله الى ممكن يعمل الصوت الأقرب لحلته انا ابتديت بالسير ثم البلى - البلي عارف انه بيعمل صوت خشن وبكده نبقى حصرناله مشكلة الصوت
وضحت .

وبعدين مين الى قلك ان البلى ماببيعملش صوت صفاره أحياناً بيكون بخشونه واحيانا بتكون رفيعه

انا اللى بقولك ان البلى مش بيعمل صوت صفارة
البلى صوت حكة وخشونة لأنه حديد فى حديد
السير الكاوتش مع الحديد يعمل صوت صفارة

وفيه حاجات تانية بتعمل صفارة زى مثلا تنفيس فى جوانات الفرن او المنافولد

وضحت.

[hossamalsadik]

انا اللى بقولك ان البلى مش بيعمل صوت صفارة
البلى صوت حكة وخشونة لأنه حديد فى حديد
السير الكاوتش مع الحديد يعمل صوت صفارة
ماجبناش جديد

وفيه حاجات تانية بتعمل صفارة زى مثلا تنفيس فى جوانات الفرن او المنافولد

ده الجديد وممكن
وضحت.

الصفاره اسببها كتير ممكن يسجلنا الصوت ويرفعهلنا نسمعه او زى مقال أ/body7733 وبالمره يعمل سرفس على الكلام الى قلتهوله

[Karim Ibiza]

الجديد انك تقول ان البلى بيعمل صفارة

[hossamalsadik]

لا ده الجيد انك تقول البلى واحتكاك الحديد ببعضه أستحاله يعمل صوت صفير أنما صوته موحد وهوا الخشونه فقط

[Karim Ibiza]

طيب كويس انها جديدة ليك
معلومة جديدة تضيفها لنفسك

[hossamalsadik]

الواحد طبعا معندوش مانع ان يتعلم ده مبدائيا
بس معلومة ايه الجديده !
ان أحتكاك الحديد لايصدر صوت صفير ام انه بيصدر صوت عريض ( خشونه ) فقط

المعلومه الى عندى ان أحتكاك الحديد بيصدر منه الصوتين وهوا مميز حتى فى الصفير عن صوت صفير السير ولتميزه لازم الواحد يسمعه

والمعلومه الى عندى ان أحتمال الصوت ده من السير بنسبه كبيره 90% ( السير يتشد او يتغير )بس لو مطلعش هوا يبقى الباقى 10% الأحتمالات التانيه

ايه المعلومه الجديده

[Hazem_Ahmed]

السلام عليكم ورحمة الله وبركاته

انا عندي ابيزا 98 كان فيها مكنة 1000 و اتسقطلها مكنة بولو 1400 قبل ما اشتريها .. المهم الموتور كان شغال عادي فجأة بدأت أسمع زي صوت صفارة او بالظبط صوت الموتور بقى عامل زي صوت موتور الدايو لانوس لما بيصفر .. الصفارة دي بتظهر لما ال rpm بيعلى عن 20 و أكون ماشي بالعربية .. بس لو ممور و واقف و حرقت الصفارة مبتظهرش .. معلومة : ان الموتور مابيسحبش و بردو البوجيهات بتهبب بسرعة و بحتاج اغيرها كل فترة لأنها بتبدأ تقطع بس ده كله كان حاصل من قبل صوت الصفارة .. يا ترى ايه الأسباب !!

شكراً..

انا كمان كان عندى صوت الصفاره المزعج مع السلنسيه والحمد لله مات لما غيرت سير كاتينه اصلى بـ15 جنيه :)

[honzzz]

صوت المحرك بيصفر

السلام عليكم
بالنسبة لصوت الصفارة حدث معى امس بعد ما غيرت سيور وبلى التقسيمة وسير وشداد الدينامو و الباورعند حوالى 2000لفة للمحرك فوجئت بصفارة زى بتاعة اللادا واللانوس وكان سحب العربية وحش جدا المهم رجعت لة راح مزود كهرباء على اللاسبراتير السحب اتحسن كتير ورخا شوية على سير الكاتينة من الشداد الصوت راح خالص

[SYD]

صوت الصفارة مش ﻻزم يكون من الموتور
شوف فعلا السيور
واكشف علي بلية العحل الامامي

اما عن السحب وتهبيب البوجيهات فاعمل زي ما قالك ا/ حسام - سيرفيس وبوحيهات 3 شمعة