مساعدة : شراء نص ابيزا 94

[BiGGuY]

محتاج اشتري نص يركب علي ابيزا 94
واتمني حد يساعدني بمعلومات قدر الامكان
اول مساعدة : تاجر يكون ثقة تم التعامل معاه بشكل مباشر او غير مباشر
تاني مساعدة : مركز يكون فيه ميكانيكا وكهربا علشان يريحني من الدوخة واللف ده غير انه هيعرف يرتب نفسه احسن

موضوع الاستاذ كريم ابيزا الاكثر من رائع وده تقريبا نفس اللي عاوز اعمله
كل الاختلاف ان انا في القاهرة وهو في الاسكندرية وهل ينفع اسيب العربية للمركز وهو يخلصها ولا لازم ابات علي ايده يعني لو هو هيتعامل مع نفسه وثقة انا ممكن اوديها لنفس الراجل اللي تعامل معاه كريم

معلومات ممكن تحتاجها علشان تساعدني
1- انا مش من القاهرة اساسا انا من اسيوط ومقيم هناك
2- انا مقيم حاليا في القاهرة علشان الموضوع ده مخصوص في مدينة نصر - حي الشروق

[nesr6060]

لو مش هتعوز التابلو بتاع النص و كهربته انا ممكن اخدها منك

[nesr6060]

بالنسبه للانصاص ممكن اى عربيه ابيزا لغايه 2001 او بولو لغايه 2000 بس مش هيبقى نفس الصاج هيختلف والتابلو هيختلف بعد الابيزا 98 و البولو 99 تقريبا والله اعلم وعندك برده ممكن تركب نص قرطبه لغايه 2001 وبرده بعد 99 هيختلف

[SYD]

دليل محلات قطع غيار السيارات وورش الصيانة -سـيات

[BiGGuY]

انا نزلت امبارح الحرفيين ودي اول مرة انزل طبعا
قعدت الف وأسأل عشوائي رحت للبيومي والشهاب وتاس تانية مش فاكر الاسماء بصراحة
المهم ملقيتش نص 1600 كامل نهائي وبعدين لما بسال الواحد منهم هو كام حصان بحسهم تقريبا كلهم بيفتوا
الاسعار غريبة ومتناقضة
في محل اسمه السوهاجي عنده نص 1400 ب9000 غير كده كله بيكلمني علي مفرد موتور من علي الارض وكل حاجة وحدها
الاسئلة اللي ممكن تساعدني فيها
مين تجار ثقة لان انا اكتشفت انهم كتير اوي وعاوز يبيع وخلاص؟
ازاي اعرف النص او الموتور ده كويس ولا لا (ظاهريا) ؟؟
لما اجي انفذ الدنيا بتمشي ازاي واتاكد ازاي ان الحاجة اللي انا اشتريتها دي صح (فعليا)
يعني ايه نص كامل بالظبط وهل ليها ثوابت ولا دي كلمة عامة لاني كل ما اقول لحد في الحرفيين نص كامل بشوف نظرة غباء (او استغباء) ويقولي تقصد ايه بنص كامل؟؟!!
اجب عن الاسئلة المهمةالتي لم اطرحها من خبرة ساعدتك لان انا لسة سنة اولي عربيات :))

بعد اذن الاستاذ محمد سيد(syd) منسق قسمنا العظيم انا هجمع الاسئلة كلها واسئلة تانية لقيت اجابتخا مع البحث في موضوع مستقل علشان تعم الفايدة حاجة كده شبه موضوع استاذنا كريم ولاكن اسئلة واجوبة علشان تكون دليل عام لاي حد غلبان ذي حلاتي لما يفكر يعمل حاجة زي كده
دمتم لنا جميعا اصدقاء ومنتدي اكثر من رائع :))

[ViLMoS]

السلام عليكم
لو انت عاوز نص كامل بالصاج بتاعه يبقي انت لازم تجيب نص اخو اللي كان عندك
لكن لو انت عاوز نص تفضيه يبقي الاحسن بولو كلاسيك كاملة لان هتلاقيها متوفرة اكتر وعلشان تجيب النص كامل بكل حاجته يبقي الاحسن انك تجيبه من تاجر بيستوردهم او من مكان ساحلي زي بورسعيد مثلا هتلاقي هناك النص فابريقة باكياسه حتي وهتاخد معاك ميكانيكي ثقة وهيدورلك الموتور علي الارض
وساعتها هتاخد موتور بالباور بالتكييف بالتابلوه فابريقة ومتوافقين مع بعض والكلام ده الاستاذ كريم ابيزا تفضل وشرحة بالتفصيل وحضرتك ممكن ترجع للموضوع

[nesr6060]

انا عملت زيك قبل كدا ولفيت وقلبت الدنيا فى الاخر جبت موتور 1600 من سراج aee 75 hp
و بعد ما جبته وسقطه اكتشفت بلاوى وعمال اصرف من ساعتها علشان الموتور 1600 واللى كان عندى 1300 فطبعا لازم اغير بلاوى اولهم كانت الطرمبه اللى اتغيرت ب 550 جنيه و ادينى داخل على شكمان وعفشه المهم الحوار دخل معايا فى 5500 جنيه حتى الان ولسه ولسه ولسه ههههههههههه

[Hazem_Ahmed]

محتاج اشتري نص يركب علي ابيزا 94
واتمني حد يساعدني بمعلومات قدر الامكان
اول مساعدة : تاجر يكون ثقة تم التعامل معاه بشكل مباشر او غير مباشر
تاني مساعدة : مركز يكون فيه ميكانيكا وكهربا علشان يريحني من الدوخة واللف ده غير انه هيعرف يرتب نفسه احسن

موضوع الاستاذ كريم ابيزا الاكثر من رائع وده تقريبا نفس اللي عاوز اعمله
كل الاختلاف ان انا في القاهرة وهو في الاسكندرية وهل ينفع اسيب العربية للمركز وهو يخلصها ولا لازم ابات علي ايده يعني لو هو هيتعامل مع نفسه وثقة انا ممكن اوديها لنفس الراجل اللي تعامل معاه كريم

معلومات ممكن تحتاجها علشان تساعدني
1- انا مش من القاهرة اساسا انا من اسيوط ومقيم هناك
2- انا مقيم حاليا في القاهرة علشان الموضوع ده مخصوص في مدينة نصر - حي الشروق

متابع

[BiGGuY]

انا عملت زيك قبل كدا ولفيت وقلبت الدنيا فى الاخر جبت موتور 1600 من سراج aee 75 hp
فين سراج ده وكانت عاملة كام المكنة دي وايه مدي جودة الحاجة
و بعد ما جبته وسقطه اكتشفت بلاوى وعمال اصرف من ساعتها علشان الموتور 1600 واللى كان عندى 1300 فطبعا لازم اغير بلاوى اولهم كانت الطرمبه اللى اتغيرت ب 550 جنيه و ادينى داخل على شكمان وعفشه المهم الحوار دخل معايا فى 5500 جنيه حتى الان ولسه ولسه ولسه ههههههههههه
ايوة يعني انا لو جبت مفرد ايه اللي هحتاجه كده

سؤال مهم شاغلني هو المكنة بتكون مانيوال ولا اوتوماتك ولا ده الفتيس بس وهل الفتيس ده يركب علي اي مكنة ولا ايه بالظبط