استشلرة ضرورية ابيزا 2002

[wbaset]

السلام عليكم جميعا
انا عندى سيارة ابيزا 2002 رافعها فى جراج البيت منذ نهاية 2011 وكنت عاملها كل الصيانة ومغير فلاتر وتيل فرامل يعنى كنت مظبط العربية على الاخر ولانى كنت مسافر خارج البلاد رفعت السيارة فى جراج وفكيت البطالرية ورفعت السيارة بعيد عن الارض بس مفرغتش العربية من الزيوت ولا ماء الريداتير والان انا نازل اجازة خلال شهرين وعاوز اركب العربية ياريت حد يقولى اية الخطوات اللى لازم اعملها علشان اشغل السيارة بأمان وخاصتا ان السيارة مش فى القاهرة لكن فى احد المحافظات فعاوز احرك السيارة للقاهرة علشان اعملها طقم سيرفس
ياريت اللى يعرف الخطوات يقولى هل اجيب بطارية وادور العربية وامشى بيها على طول ولا فى خطورة بسبب الزيت اللى بقالة 3 سنين وكذلك مياة الريداتير
انا منتظر نصائحكم على نار

[saddam]

صديقي المواطن
قولا واحدا
لو مغير الزيوت وفحصته ولا نقص فيه فلا تقلق إمشي عليه وبالنسبة للراديتير لو فيه أنتفريز مياه ملونة من النوع الغالي فلا داعي لتغييره قبل وصولك للقاهرة أما لو كان ماء عادي فغالبا عندك الراديتير والمجاري المائية داخل المحرك والخراطيم النحاسية قد فقدت الكثير من عمرها أما بالنسبة لخراطيم المياه الجلدية فدي أنت وحظك ومش حتبان إلا عند اﻹستعمال
أما المهم دلوأتي
قبل ما تدور تفحص كل الزيوت والمياه
وتدور وإياك تدوس دوسة بنزين وحده
وسيب العربية 3 ساعات دايرة أقل واجب ومتجيش جنبها بس تابعلي عمل المروحة ثم تحرك بيها براحتك تطلع عالبنزينة تخش المغسلة ترفعها تغسلها بالسولار ثم الماء والصابون وتشحم العربية لو ليها مشاحم ثم تجيب إسبراي شحم وترشه لكامل أرضية أسفل العربية وهي مرفوعة لتجنب أي تزييق ونشوفية ثم تسافر القاهرة براحتك ولو بتحط زيوت مكنة أي كلام أم 130 جنيه فعادي تقدر تغيره بالفلتر أريحلك نفسيا ولكن لو بتحط زيوت غالية فسيبه مفيش أي مشاكل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[nesr6060]

لااا الزيت لازم يتغير دول 3 سنين يعنى الزيت فقد خواصه ازاكان انت لو حاطت الزيت 6 شهور ولسه ممشتشى بيه بيتغير اكتر من 6 شهور الزيت لازم يتغير

[wbaset]

بالنسبة للزيت هو فعلا كان غالى فوق 240 جنية وممشيتش علية غير حوالى 100 كيلو فقط وبالنسبة لمياة الريداتير ايضا المياة الحمراء الاصلية الغالية وبالنسبة للفلاتر متغيرة كلها قبل السفر بشهر واحد وبالنسبة للكاوتش مرفوع عن الأرض انا اساسا كنت عامل صيانة قبل السفر بشهر واحد ومظبط العربية تمام وكمان مغطى العربية وقافل عليها الجراج الخاص بيا
وشكرا كثيرا للمساعدة ولو فى أى شيئ أخر ارجو ابلاغى بيها
ومرة تانية اشكر كل من ساعدنى وجعلة الله فى ميزان حسناتكم