بسم اللة الرحمن الرحيم

[cash2000]

ااول مشاركة لية فى منتداكم الرائع وعندى استفسار انا قدامى عربيتن ابيزا 98 و94 ومحتار جدا ال98 حالة ممتازة بس 1000cc و 94 1300كاربراتير وانا خايف من اعطال الانجكشن راى الاساتزة اية

[Hazem_Ahmed]

انا برشح الـ94 علشان ماتور اكبر اعطال سهله بس اللى هيفرق معاك هنا الحاله والسعر لان لو الـ98 نمره وااااااااااااحد والسعر قريب يبقى خليك ف الـ98 احدث وشكل افضل

[Ahmed_Gallant]

نظرا لان العربيتين واحد ما عدا الاكصدامين ولون المرايات وخامه التابلوه وشكل العدادات والكماليات فمن حيث الشكل دى ترجعلك انت لان ممكن تكون ال94 معدله كلها وبقت شبه ال98 والعربيه ال98 صاحبها بيجبلها اى قطع غيار ومخلى شكلها زى ال94 وطبعا الاولويه للموديل الاحدث والكيلومتر الاقل
بالنسبه للموتور لو كان الموتور الكربراتير هو الاحسن كان كل واحد موتوره الكربراتير باظ كان اشترى زيه كربراتير وده مبيحصلشى كل اللى موتوره بيبوظ بيروح يشترى الموتور الانجيكشن ال1400 8 صباب على الاقل وفى بيجيب اعلى بس بيجيبه انجيكشن برضه الكربراتير راحت عليه وقطع غياره قليله عن بتوع الاستيراد لان معظم الشغل اللى عندهم انجيكشن اهم حاجه تاخد بالك منها انك تشترى العربيه موتورها مظبوط ومتحاولشى تعمل ناصح وتاخدها بتنتش وتقول بسيطه هظبطها لانك ساعتها ممكن تحتاج تغير كنترول لاختلاف الكود وقصص ملهاش عازه
ولو عندك استفسار عن باقى المكونات ممكن تبعتلى ايه اللى بايظ فيها وانا اسعرهولك على حسب اللى اعرفه

[night_angel0007]

راى الشخصى ان الانجكشن اعطاله اقل بكتيير من الكاربراتير وطبعا انا لو منك هاخد ال 98 لاسباب كتير اقواهم سعر اعاده البيع فى على الاقل فرق 4 الاف جنيه فرق بين الاتنين فى اعاده البيع

[nesr6060]

انا نصيحتى ليك الاتنين واحد سواء 1300 او 1000 سواء 94 او 98 المهم تدور على الى هقولك عليه وتحدد عليه الافضل

الاهم كالاتى
1- الصاج حالته ايه فابريكا ولا فابريكا جوا ولا رشه يفضل الفبريكه جوه طبعاا ويكون البويه بتاعه العربيه نضيفه
2- الموتور حالته ايه حلو ولا وحش مش هيفرق ال 1000 او 1300 الاهم الموتور يكون مش محتاج مصاريف خالص لانه لو احتاج مصاريف هتدخا فى دوخه والموتور سحبه ايه ااخباره ( اكشف على الموتور وشوف ايه الزيت المستخدم )
3- العفشه
4- لو كلوا طلع واحد يبقى طبعاا تاخد اللى سعرها اقل
5- لو السعر واحد كل اللى فات واحد يبقى اختار اللى بويتها حلوه و لونها جوه وبره واحد مش لون ولون واللى عداداته وفتيسه مفيهمش حاجه وكماليتها طبعا بتفرق

[cash2000]

بارك اللة فيكم واسف على تاخرى لانقطاع النت وساوافيكم بما تم والاستعان بخبرتكم

[night_angel0007]

بقولك ايه باشا ال 98 قدامك على كام وايه الكماليات الى فيها وحالتها ايه علشان بدور على واحده لو كده هشوفها واخلص فيها

[mohammad isdf]

98 افضل طبعا مفيش حاجه احدث تبقى اقل من الموديل الأقدم