من الاخر كده بولو ولا ابيزا

[night_angel0007]

انا ان شاء الله بشترى الايام يه عربيه ومحتار ما بين البولو والابيزا لو الابيزا موديلات 98 او 99 الكاملين لو البولو الكامله ايه رايكوا ؟؟؟

انا عموما بلعب فى رنج من 30 ل 35 وشايف من وجهه نظرى ان دول افضل عربيتين فى الرنج داه من بحث مضنى ونزول السوق ومتابعه الاسعار الجديه فى الشراء لمجه شهرين تقريبا دلوقتى 35000 يجيبوا عربيه من الاتنين دول حاله ممتازه وكامله بس ياريت نصيحه منكوا مع الوضع فى الاعتبار الاعتماديه واسعار قطع الغيار والمتعه فى الركوب والقياده ... الخ

وجزاكم الله خيرا على الافاده مقدما

[فتح الباب]

العربيتين احلى من بعض لكن ليه ابيزا 98 مع العلم ان ابيزا 2000 افضل بكثير حيث تم تعديل كامل وانتقال من والى الموديل ده للاميز طبعا وكبيرها 40 الف جنيه

[abb]

البولو و الابيزا وجهان لعمله واحده الاختلاف ف البودى وده ازواق

[night_angel0007]

اولا شكرا للرد اما بالنسبه لابيزا 2000 فلحد 99 قطع غيارهم متوافره باسعار ممتازه من اول 2000 متوافره بردو بس مش بكثره اوى واسعار اغلى نسبيا رغم ان شكلها افضل طبعا والتعديل

اما بالنسبه للفروقات انا عارف ان البولو هيا الابيزا وخصوصا الاتنين الى انا ناوى عليهم 98 و 99 بس انا عايز اخد راى ناس معاهم العربيتيت وحد يقولى لما جيه يرجح واحده من الاتنين رجحهم على اى اساس لانهم الاتنين فى نفس الفئه السعريه ؟؟

[Hazem_Ahmed]

الاتنين واحد الاختلاف ف الشكل

رأيي المتواضع اللى تقع قدامك احسن من التانيه تبقى هيا دى ايا كان ابيزا ام بولو

[hossamalsadik]

بما انى من ملكها الأبيزا 2000-2002 قطع غيارهم متوافره جدا
وزى ماوضح الساده الاعضاء المحترمين الابيزا والبولو زى بعض تماماً او زى مابيتقال وجهين لعمله واحده

[kokowasfy]

على حسب الحالة العامة للعربية اختار

[night_angel0007]

طب سؤال بعد اذنكم هو ممكن الاقى ابيزا 2000 حاله مصرفش عليها غير سرفسه بس ( زيوت وسيور وفلاتر ) وسعر حد اقصى 35 اعتقد صعب ولا انتوا ايه رايكوا ؟؟

[J A G U A R]

الحاله الفيصل فى الاختيار

[S O P H O S]

زي ما قال الاخوة
اهم شئ حالة العربية

[AmirCode]

انا شخصيا معايه ابيزا 94 وهى جميله جدا على الطريق و على السرعات العاليا عربيتى الحمد لله مسطره

مع العلم المتور بتاعى جولف 3 1600 سى سى كربرتير مش انجكشن