طرمبه الميه

[hamada_elzayat]

بقالى فتره الميه بتنقص عندى وكان النقص بسيط وبدأ يزيد جد دلوقتى
روحت من كام يوم نضفت دوره الميه وحطيت ميه هيبو ( كان لازم اتأكد الاول قبل ما احطها ) المهم برضو الميه بتنقص فى الاول مكنتش شايف التسريب منين بس بعد كده اتأكدت انه من طرمبه الميه مكانها ورا الموتور وبتنقط ميه
اولا ايه خطوره انى استنى ومغيرهاش دلوقتى وازود ميه كل ما اطلع بالعربيه ؟ وانواع واسعار لو حد يعرف
تانى حاجه وانا بجرب انا واصحابى عشان اعرف مكان التسريب زودنا ميه فى القربه وكانت العربيه مركونه ودورت وزودت جامد الشكمان جاب ميه كتير فعلا بعد كده وقفت الميه
هل ده كويس زى ما بعص الناس قالتلى وده تعريق للمكنه
ولا ده جوان وش سلندر ؟؟؟؟ واعرف ازاى
صحيح المكنه كودها adx 1300 هاف انجكشن

[Mahmoudelsayed]

الافضل انك تشوف المشكلة منين اصلا من الطرمبة نفسها ولا من الماسورة اللى مابين الطرمبة وشجرة المية

لو الطرمبة تعملها مستوردة 200 تقريبا ولو الماسورة و ممكن يكون اولسيه

بالنسبة لتعريقة الشكمان فده بيدل على ان حالة الموتور كويسه والكبس بتاع كويس والشنابر

[hamada_elzayat]

شكرا علي ردك استاذ محمد
طب دي سهله الميكانيكي يشوفها ولا ايه
لان الميكانيكي بص بصه سريعه من فوق الكبوت وقالي السيل بتاع الطرمبه وقالي غير ايه راي حضرتك اروح لحد تاني اتأكد منه ولا هيا سهله انه يعرفها ببصه واحده

[كلام زمان]

انا لما كان عندى مشكلة نقص الماية كان غطة قربة النية مش كويس وغيرتة وانا بغير الطلمبة اتاكد بردة من الغطة عشان ممكن يكون بينفس هوة كمان
انا كونت جايب الغطة ب 40 ج والطرمبة 225 بس مش فاكر النوع
وربنا معاك

[mohammad isdf]

تعريق الموتور حاجه كويسه جدا بس تأكد اولا من الميكانيكى انه تعريق مش المياه خلطت، لكن فى الغالب ان شاء الله تعريق لان لو المياه خلطت هتلاقيها طول مانتا ماشى بتجيب مياه كاملة ولونها احمر نتيجة الهيبو، وده ميحصلش الا لما العربية تسخن منك جدا وتعدى النص ..

كمان ياريت تشوف الطرمبة دى وتخلص الموضوع بسرعه لا الميه تفتح منك جامد وانت ماشى وتسخن العربية وتجيب جوان .. وانت فى طريق زحمه ولا حاجه ومتعرفش تركن ولا حاجه