سيتاوى جديد

[SMSMRACE]

السلام عليكم
انا سيتاوى جديد معاكوا

انا الاول كنت تبع متسوبيشى والمكن المايفك وما ادراك ما المايفك والى كانت 1600 بتطلع 175 حصان
وزى ماقولت بقيت سيتاوى دلوقتى ومعايا ابيزا 2006 وعايز اسقط مكنه رياضية
باختصار عايز مكنه من 150 : 180 حصان ومتكونش تيربو وتكون شغاله بالبنزين 92 عادى والاهم قطع غيارها تكون متوفره وياريت الاسعار واماكن بيعها ان امكن
والمفروض اجيب ايه بالظبط مع المكنه (مشتملاتها يعنى ) لان حاجه المتسوبيشى بتركب كلها على بعض عادى . فى الابيزا بقى بجيب المكنه والضفيرة والكنترول مثلا بس ولا حاجه من دول مجبهاش لان الموجوده تفى بالغرض.

ثانيا ان شوفت على النت ان فى اصدار اسمه كوبرا ودى تقريبا النسخه الرياضيه منها وشفت بيبقى فيها اكصدامات بشكل افضل. هل موجوده وبتتباع عندنا والاسعار

وشكرا

[SMSMRACE]

الرجالة لسة نايمة ولا ايه

[SYD]

الرجالة لسة نايمة ولا ايه

سؤالك يا باشا مش هيترد عليه في لحظتها
انت مش بتسأل علي تجيب تيل اصلي منين
وبالتالي موضوعك يمكن ياخد بعض الوقت

تحياتي

[Karim Ibiza]

أهلا بيك فى قسم سيات

مبروك عليك العربية وربنا يباركلك فيها ويكفيك شرها

الابيزا الـ 6l بتنزل فى مصر بمواتير 1.4 او 1.6 ودى مواتير مش رياضية بس قوتها معقولة على جسم ووزن العربية
لو عايز توصل للـ150 حصان يبقى مفيش غير انك تجيب موتور الـfr وده 1.8 تربو 20 صباب
فيه كمان موتور الكوبرا نفس موتور الـfr لكن بيطلع 180 حصان وطبع المواتير دى بنزين 95 عشان تستفاد بكل امكانياتها ولازم تجيب الموتور بالفتيس والضفيرة والكونترول والعفشة الامامية والخلفية وطرمبة البنزين والعدادات

لو عايز حاجة مش تربو يبقى شوف الـ2.0 8 صباب بيطلع 115 حصان او الـ1.6 16صباب بيطلع 105 حصان وبنزين 92 عادى

مواتير الابيزا من أول موديل 2000 لغاية وقتنا هذا اللى مش تيربو هتلاقى أخرها 115 حصان ولو عايز اكتر يبقى لازم تيربو
لكن الابيزا من 94 الى 99 كان بينزل فيها مواتير مش تيربو بتوصل لـ 150 حصان زى الموتور الـ abf وممكن كمان تتربنه

[SMSMRACE]

أهلا بيك فى قسم سيات

مبروك عليك العربية وربنا يباركلك فيها ويكفيك شرها

الابيزا الـ 6l بتنزل فى مصر بمواتير 1.4 او 1.6 ودى مواتير مش رياضية بس قوتها معقولة على جسم ووزن العربية
لو عايز توصل للـ150 حصان يبقى مفيش غير انك تجيب موتور الـfr وده 1.8 تربو 20 صباب
فيه كمان موتور الكوبرا نفس موتور الـfr لكن بيطلع 180 حصان وطبع المواتير دى بنزين 95 عشان تستفاد بكل امكانياتها ولازم تجيب الموتور بالفتيس والضفيرة والكونترول والعفشة الامامية والخلفية وطرمبة البنزين والعدادات

لو عايز حاجة مش تربو يبقى شوف الـ2.0 8 صباب بيطلع 115 حصان او الـ1.6 16صباب بيطلع 105 حصان وبنزين 92 عادى

مواتير الابيزا من أول موديل 2000 لغاية وقتنا هذا اللى مش تيربو هتلاقى أخرها 115 حصان ولو عايز اكتر يبقى لازم تيربو
لكن الابيزا من 94 الى 99 كان بينزل فيها مواتير مش تيربو بتوصل لـ 150 حصان زى الموتور الـ abf وممكن كمان تتربنه

اشكرك على زوقك وردك
اجابتك كانت واضحة جدا وجبت من الاخر والى مكنتش عايز اقتنع بيه بس انت اكدتلى الكلام
ياترى ليه قدرة المكن الضعيفة دى ليه المصنع مابيحاولش يحسن من نفسة ؟ هل فى سياسة معينه للموضوع ده ؟ يعنى معروف ان العربيات دى نازل مصر وموضوع 95 ده صعب عندنا حتى 1400 تيربو !! تفتكر حضرتك ده ليه

اما بالنسبة للمكن فانا فعلا كنت شوفت ان فى مكنتين 1.8 وفى 2.0 الى حضرتك ذكرتها وبالنسبه 1.8 لقيت الاتنين تيربو بس فى فرق يعنى واحده زى ماحضرتك ذكرت 150 حصان وفى واحده تانية كانت 177 حصان تقريبا. ايه الفرق بينهم واكوادهم وهل المكنتين دول موجودين وقطع غيارهم متوفرة؟
وبالنسبة لموضوع 95 طب لو انا حطيت لمكنه من دول 92 هاخد كام % من اداء المكنه؟
وياريت لو حضرتك تعرف رينج اسعار تعرفنى بيها
وشكرا مره تانية

[SYD]

بص حضرتك انا طبعاً مش هعلق علي كلام كريم لأنه يعرف اكتر مني في موضوع المحركات دي وكمان هو جاب معاك من الأخر
لكن هعلق علي حتة ليه المواتير صغيرة
اولا لما فولكس تعمل موتور وتقول عليه 115 حصان فثق تماما انهم 115 حصان صافي ان ماكنش اكتر كمان
وبالتالي 115 حصان من فولكس ممكن شركة تانية تقول عليه 140 او حتي 150 - ومش معني كدة ان وحدة القياس مختلفة - لا طبعا - الحصان هو الحصان ولكن طريقة القياس هي اللي مختلفة
وبالتالي قارن عربيتك بموتورها الحالي (اعتقد 75 حصان) هتلاقي نفسك بتجري مع عربيات بتقول انها 110 حصان ودة يأكد كلامي

اما عن موضوع البنزين ال92 فالمشكلة مش في ضعف الأداء فقط
لا كمان ممكن يأثر علي المحرك نفسه علي المدي الطويل من استخدام ال92

تحياتي

[Karim Ibiza]

اشكرك على زوقك وردك
اجابتك كانت واضحة جدا وجبت من الاخر والى مكنتش عايز اقتنع بيه بس انت اكدتلى الكلام
ياترى ليه قدرة المكن الضعيفة دى ليه المصنع مابيحاولش يحسن من نفسة ؟ هل فى سياسة معينه للموضوع ده ؟ يعنى معروف ان العربيات دى نازل مصر وموضوع 95 ده صعب عندنا حتى 1400 تيربو !! تفتكر حضرتك ده ليه

اما بالنسبة للمكن فانا فعلا كنت شوفت ان فى مكنتين 1.8 وفى 2.0 الى حضرتك ذكرتها وبالنسبه 1.8 لقيت الاتنين تيربو بس فى فرق يعنى واحده زى ماحضرتك ذكرت 150 حصان وفى واحده تانية كانت 177 حصان تقريبا. ايه الفرق بينهم واكوادهم وهل المكنتين دول موجودين وقطع غيارهم متوفرة؟
وبالنسبة لموضوع 95 طب لو انا حطيت لمكنه من دول 92 هاخد كام % من اداء المكنه؟
وياريت لو حضرتك تعرف رينج اسعار تعرفنى بيها
وشكرا مره تانية

زى ما قال SYD المكن مش ضعيف ولكن طريقة القياس مختلفة وطالما انت راجل بتاع مايفك يبقى اكيد عارف ان العربية Claimed بتطلع عدد احصنة معين لكن على الـ Dyno بتطلع عدد احصنة اقل
شوف فرق الاحصنة الـClaimed والـ Dyno بين العربيات الاوروبى وبين الكورى وبين اليابانى هتلاقى ان الفرق بين الصافى و على العجل فى الاوروبى اقل من الكورى واليابانى وده دليل على ان عدد الاحصنة المعلن فى الاوروبى هو الاكثر دقة
مواتير السيات هى نفس مواتير الاسكودا هى نفس مواتير الاودى وكلهم زى مواتير الفولكس
بالنسبة لموضوع التربو والبنزين 95 ده دليل على التطوير ان فولكس تنزل موتور 1.2 تيربو بيطلع 105 حصان والسياسة هى انهم يقللوا السعة اللترية عشان يقل استهلاك البنزين ووزن الموتور ويخرج منه قوة موتور 1.6

المكنتين الـ1.8 الفرق بينهم فى حجم التوربينة واكوادهم كتير لأنهم نزلوا فى عربيات كتير قوى, لكن بالنسبة للابيزا: 1.8 150 حصان كود BJX
180 حصان كود BBU
المكنة الـ150 هتلاقيها فى الحرفيين لكن الـ 180 صعب تلاقيها وقطع غيارهم قليلة شوية بس لو انت غاوى يبقى مش هيفرق معاك الكلام ده لأن ممكن تجيب اى حاجة من على النت

لو حطيت 92 يبقى انت كده بتقضى على الموتور بالبطيء + انك هتاخد حوالى 70% من قوة الموتور الحقيقية
ولو انت مصمم على التربو يبقى لازم تـ Tune الـECU عشان يمشى على الـ 92 بدون مشاكل

بالنسبة للاسعار بتتكلم فى رينج الـ 15 للسيستم كامل لأن سيستم الـ ABF كان من حوالى سنة بـ 10

وتحت امرك فى اى استفسار

[SMSMRACE]

اشكركم شكرا جزيلاSYD Karim Ibiza

[SMSMRACE]

معلش ليا سؤال كمان
(المحرك وعلبة السرعة:
إن أفضل ما في غولف الجديدة، ليس هو ما ذكر من روائع في فقرة التصميم والمقصورة، الأفضل هو ما يوجد تحت غطاء المحرك من أحدث ما توصلت إليه كبرى شركات صناعة السيارات في أوروبة.
فالمحرك الجديد المؤلف من أربع أسطوانات بسعة صغيرة، تبلغ 1.4 لتر ولكن مع وجود شاحن هواء مزدوج "توربو" بات بإمكان هذا المحرك توليد طاقة جبارة بالنسبة إلى استطاعته، بواقع 160 حصاناً عند 6.000 دورة في الدقيقة، وعزماً كبيراً يبلغ 24 كغ.م عند 2.000 دورة في الدقيقة، وهذه الأرقام أفضل من معظم محركات الـ 2.0 لتر الموجود في كثير من سيارات اليوم.)

انا لقيت مقالة مكتوبة عن الجولف انها بتنزل بمكنة 1400 تيربو 160 حصان !!!
هل الكلام ده بجد؟

[Karim Ibiza]

هو ده اللى انا بقول عليه
موتور صغير بقوة كبيرة
الموتور الـ 1.4tsi بينزل فى الجولف من اول 2005 بقدرات مختلفة بتبدأ من أول 120 حصان
وفيه كمان الـ 1.2tsi بيطلع 105 حصان

[SYD]

بالظبط كدة
فولكس اتجهت لمحركات بسعة صغيرة لتقليل الانبعاثات وتخفيض الاستهلاك
وفي المقابل عوضت كدة بشواحن تربو وصندوق تروس بقابض مزدوج يعوض تأخير التربو
وعشان كدة هتلاحظ ان كل محركات فولكس الجديدة بتخرج عزمها على ار بي ام منخفض

تحياتي

[SMSMRACE]

طب تمام
تفتكروا ده ينفع يتسقط عندى وتكلفته هتبقى فى حدود كام؟

[Karim Ibiza]

هو من ناحية ينفع, فـأى حاجة تنفع بس عايزة واحد صنايعى فاهم قوى
التكلفة للأسف معنديش فكرة عنها

[SMSMRACE]

لا الى اقصده بتنفع هل هى نفس قواعد الموتور ولا محتاجه تعديل؟

[Karim Ibiza]

لا الى اقصده بتنفع هل هى نفس قواعد الموتور ولا محتاجه تعديل؟

انا مش هفتى وهقولك ينفع لأنى بصراحة مشوفتش حد عامل كده قبل كده
بس هقولك ادينى يومين وهتأكدلك من الموضوع ده