عمره ماتور أبيزا 2000

[hossamalsadik]

السلام عليكم
احبائى واخوتى السستاويه

أنا فى صدد عمل عمره كامله لماتورى لانه كان قفش و أنا كنت قررت انى أجدده بالكامل بعد استخاره
وسوف اوافيكم بالاخبار

اسالكم الدعاء لى بالتوفيق

[titos_81]

ربنا معاك و ابقى قولنا عملت ايه كله بيفضل التسقيط و هو موتورك 1.0 ولا 1.4

[mohammad isdf]

ربنا يوفقك مهندس حسام ويصرف عنك الشر كله

[mahmoud ghanem]

بالتوفيق ان شاء الله وربنا ييسرلك الحال ...
سؤال هو الماتور 1000 cc بيتعمر ؟

[ehab_mansour]

بالتوفيق صيدقي العزيز و ربنا ييسر الحال و يكون خير ان شاء الله خاصة انها اول مره نتجرأ للخطوه دي

استاذ محمود ... اي حاجه في الدنيا مكوناتها ميكانيكية بتتعمر و بيعاد صيانتها من الداخل و معالجة اي شيء فيها و ارجاعها كما كانت بالضبط و لكن يجب توفر الاتي (قطع غيار مضمونه - خراط مضمون - صنايعي يقوم بعمل العمره مضمون و بيفهم ) بس

لكن احنا مكناش بننصح بكده ابدا لعدم توفر احدي او كل النقاط السابقة و لكن كل شيء بيتصلح ... مش معضله خالص الموضوع ده

[hossamalsadik]

ربنا معاك و ابقى قولنا عملت ايه كله بيفضل التسقيط و هو موتورك 1.0 ولا 1.4

ان شاء الله سوف اوافيكم بأخبار الماتور فى مرحلة التقفيل
ماتورى 1000cc 8v
انا عارف ان المعظم الى قليل او حاجه بيفكر فيها التسقيط وموضوع التعمير خطوه مش سهله ولى مصعبها ثلاث حاجات ( الصنيعى و قطع الغيار وجودتها والخراط ومدى احترافيته وفهمه )

[hossamalsadik]

ربنا يوفقك مهندس حسام ويصرف عنك الشر كله

اللهم امين وعن الجميع يا استاذ محمود

بالتوفيق ان شاء الله وربنا ييسرلك الحال ...
سؤال هو الماتور 1000 cc بيتعمر ؟

ربنا يخليك يا استاذ محمود غنيم اى ماتور ممكن تعميره وزى ماقلت طلما توافرت الشروط الثلاثه علاوة على حالة الماتور نفسه
والموضوع قيد التجربه الفعليه حسبنها وكله تمام الى الان بحمد الله والتوفيق من عند الله

بالتوفيق صيدقي العزيز و ربنا ييسر الحال و يكون خير ان شاء الله خاصة انها اول مره نتجرأ للخطوه دي

استاذ محمود ... اي حاجه في الدنيا مكوناتها ميكانيكية بتتعمر و بيعاد صيانتها من الداخل و معالجة اي شيء فيها و ارجاعها كما كانت بالضبط و لكن يجب توفر الاتي (قطع غيار مضمونه - خراط مضمون - صنايعي يقوم بعمل العمره مضمون و بيفهم ) بس

لكن احنا مكناش بننصح بكده ابدا لعدم توفر احدي او كل النقاط السابقة و لكن كل شيء بيتصلح ... مش معضله خالص الموضوع ده

دعواتك ياهندسه هى فعلا خطوه جريئه نظرا لندرة الصنايعى الفاهم وصعوبة الحصول على قطع الغيار الأصلية والخراطين حدث ولاحرج وربنا يوفق وتكون خطوه مفيده ليا وللجميع ممن يرغب فى التعمير
كنت قلتلى هتيجى وتبص على الشغل بالمره

انا عاوز اقول صعب حد يتحمل مسؤلية ان يدل واحد انه يعمل عمره كامله لماتوره من غير مايكون واثق من تحقق الشرو ط الثلاثة المذكورة عشان كده كان الافضل ان الواحد يدل اى حد على انه يجيب أستيراد افضل كمان صعوبة معرفة حالة الماتور قبل العمره صعب فالموضوع عاوز امانه من الصنيعى الى بيبص على الماتور ويقلك ينفع تعمل العمره من عدمه
انا لما نقشت الموضوع مع الصنيعى اقنعنى بالسبل الصحيحه طبعا وخاصة ان باقى العناصر متوفره الى هيا قطع الغيار الاصليه وخراط محترف علاوة على سمعة المكان نفسه وهوا معروف لدى البعض بالمنتدى فتوكلت على الله

[abaza2107]

السلام عليكم
ربنا يوفقك ان شاء الله يا استاذ حسام وربنا يقوملك العربيه بالسلامه ويرجع 100 %
وزي ما قولت لحضرتك رجاء بعد ما تخلص تفاصيل واسعار وصور للي بيفكر يعمل زي حضرتك كده وربنا يوفق الجميع .

[hossamalsadik]

السلام عليكم
ربنا يوفقك ان شاء الله يا استاذ حسام وربنا يقوملك العربيه بالسلامه ويرجع 100 %
وزي ما قولت لحضرتك رجاء بعد ما تخلص تفاصيل واسعار وصور للي بيفكر يعمل زي حضرتك كده وربنا يوفق الجميع .

متشكر ليك يا أحمد بيه وان شاء الله أعمل تفصيل للموضوع اسعار وصور وفيديو كمان

[Mahmoudelsayed]

بالتوفيق ... انا كنت لسه بردوا عامل موضوع لما موتورى قفش
وعملت عمرة والامور مستقره الحمد لله ربنا يوفقك

[hossamalsadik]

بالتوفيق ... انا كنت لسه بردوا عامل موضوع لما موتورى قفش
وعملت عمرة والامور مستقره الحمد لله ربنا يوفقك

ربنا يكرمك ومتشكر يا محمود بيه

ايوه افتكرتك كان ماتورك قفش بسبب طرمبة الزيت لما قطعت ونا قفش بسبب فلتر مضروب ولى ركبه مضروب زيه وطبعا بدون علم منى
ورغم ان اتقلك اكيد الجمله الشهيره هات ماتور وريح بالك لاكن حضرتك فضلت العمره
هى خطوه كما ذكر المهندس إيهاب جريئه وطلما توفرت الشروط الأساسيه فمافيش خوف بالعكس هيكون اريح وانضف لانك مركب قطع غيار جديده

وهوا ده الى عملته بعد الأستخاره والاستشاره مع نفسى والغير وحين توافرت الشروط الصنيعى او الفنى الى هيشتغل فى العربيه والصراحه أنسان فاهم شغله كويس وامين أقدر اقول مغرم بصيانة المواتير الألمانى الموضوع بالنسباله مش مجرد مهنه بيسترزق منها وخلاص كمان المكان ارتحتله من اول مادخلته وسمعته طيبه ومعروف
وقدر يوفرلى قطع غيار اصليه بتاعت بلدها حاجه تشرح القلب الصراحه وكمان الخراط محترف ومن خلال الرؤيا المبدئية للشغل ان شاء الله الماتور يرجع زيرو من الاول وساعد الموضوع ده ان حالة ماتورى كانت كويسه لان الصيانه الدوريه من زيوت ومياه تبريد كانت كما يجب
واخيرا الواحد بيحسبها والتوفيق من الله عز وجل

[Ahmed pico]

مين الصنايعى الثقه ده يا هندسه ؟؟؟

[elbaz45]

ربنا يوفقك

[gomaro2]

بالتوفيق يا صديقى .. بس ياريت تدلنا على الصنايعي وعلى محل قطع الغيار لتعم الفائدة

[abaza2107]

السلام عليكم
التفاصيل في الموضوع ده كما شرح استاذ حسام

http://www.nilemotors.net/Nile/410660-98.html

وبالتوفيق للجميع