الستاير ولا الفاميه ولا الاتنين مع بعض؟

[ViLMoS]

السلام عليكم
عاملين ايه يا رجالة
انا كنت عاوز اعرف اركب فاميه احسن ولا ستاير ولا الاتنين مع بعض مع العلم ان مفيش مصنعية ( انا اللي هركبهم بنفسي )

[insurancebroke]

المشكله في المرور
ممكن تركب ستاير وتثبتهم علي الرخصه

[kokowasfy]

الستاير الكبس حلوة احسن من الفامية حتى لو اتزنقت فى كمين ولا حاجة شيل الستارة سهلة لكن الفامية مخالفة و وجع دماغ و ممكن امين شرطة رخم يقلك شيلى الفامية و لا مرتشى يقلك هات 50 جنية فا ابعد عن الفامية و غنيلو

[J A G U A R]

لو هاتركب فيميه يبقى الزجاج اللى قدام وفى الخلف ستائر

[ViLMoS]

شكرا لاهتمامكم بالرد يا جماعة

[ViLMoS]

هل لو انا حبيت اثبت الستاير في الرخصة هيبقي مشكلة وايه خطواتها بالظبت

[omaranes77]

هل لو انا حبيت اثبت الستاير في الرخصة هيبقي مشكلة وايه خطواتها بالظبت

اعتقد انها مالهاش اثبات واساسا مش مخالفة

[mohammad isdf]

ستاير احسن تقريبا، الفاميه كمان رخم فى رؤية المرايات الجانبيه وبيحرر العربية جامد والستاير أشيك

[ViLMoS]

ستاير احسن تقريبا، الفاميه كمان رخم فى رؤية المرايات الجانبيه وبيحرر العربية جامد والستاير أشيك

انت كده جبت الزيتونة شكرا ليك

[cadetmody90]

مخالفه الفاميه بقت 2000 جنيه و فوري

[starlanos]

بتكتب ستائر خلفية غير حاجبة للرؤية
انا عاملها