نفسي في اجابة مفصلة و مريحة

[DViPER]

الأبيزا ال 1600
أنا عرفت انها بالشكل القديم
وهو برده جميل وشغال
بس في أسألة تانية مهمة
السحب
هل هي ولا المازدا 3
وقطع الغيار
نفسي حد يشرحهالي علشان اطمن
ولو روحت التوكيل هستلم امتي ؟؟؟
وهل صحيح انها معالجة ضد الصدأ

[Rsarabia]

طبعا مازدا 3 يا جميل احسن بكتير من الابيزا

[DViPER]

ممكن توضح ؟؟؟

[Mohamed_Ibiza]

بامانة الله المازدا احسن من ابيزا بالنسبة للسحب

لكن على فكرة حاليا نزل سيارة ابيزا بموتور 2000 سي سي طبعا دي مفيش فيها كلام

يعني شوف 2000 سي سي على ابيزا هاتش باك هتبقى عاملة ازاي

العربية دي كده ناقص لها جناحين وهتطير ان شاء الله

وعموما يباشاا بالنسبة لموضوع الصدأ فاللي انا اعرفه ان السيات عموما بتنزل بمادة معالجة ضد الصدأ تقريبا لمدة 10 سنين او حاجة زي كده

عموما انتظر راي الخبراء

[DViPER]

طيب قطع الغيااااااااااااااااااااااار

[Mohamed_Ibiza]

ياباشا قطع غيار الابيزا موجودة ومتوفرة بكافة انواعها اسباني والماني وايطالي وتايواني وزي مانت عايز وكل منها له سعره ومن رايي ان اسعار قطع الغيار مش غاليه بالنسبة لانها معمرة جدا وتحطها وتنساها

[DViPER]

طيب باقي الخبراء ايه رأيهم

[Ahmed Samy]

بامانة الله المازدا احسن من ابيزا بالنسبة للسحب

حضرتك عرفت ازاي ؟؟

ركبت الإبيزا 1600 الجديدة و قارنتها بالمازدا ؟؟؟؟؟

أعتقد ان الإبيزا 1600 هاتحقق أداء ممتاز

[DViPER]

طيب مين جربها
ومين عارف نظام الأستلام في التوكيل ؟؟؟؟؟؟؟؟؟؟؟

[DViPER]

طيب مين جربها
ومين عارف نظام الأستلام في التوكيل ؟؟؟؟؟؟؟؟؟؟؟

[mohamed ibiza]

انا سألت في رمضان في التوكيل قالولي التسليم بعد العيد يعني تقريبا بتتسلم خلال شهر

علي فكرة اللي ركب الابيزا ال 85 حصان شكر جداااا في سحبها امل ال 105 حصان هتبقي عاملة ازاي المازدا 3 فئة تانية غير الابيزا و عموما ابيزا بحجمها و وزنها ده و موتورها ده اكيد سحبها هيبقي احسن من المازدا 3

اما بالنسبة لسؤال صاحب الموضوع اولا المازدا 3 توكيلها ضايع و هتعتمد لو جبتها علي سونستا و سمارت كار و الكلام ده اما بالنسةب لقطع غيارها الله اعلم بتوافرها ولا لا بس العربية مش منتشرة و ده مؤشر مش كويس بالنسبة لقطع الغيار

الابيزا توكيلها موجود و معروف هو smg للعلم موتورها هو نفس موتور الجيتا و الجولف حسب كلام التوكيل قطع الغيار متوفرة في التوكيل ضمان سنتين مفتوح بدون تحديد للكيلو متر و طالما حاجتها هي حاجة الجيتا و الجولف يبقي هتكون موجودة برا عادي جدا

عموما الابيزا من 94 بتبقي معالجة ضد الصدأ لمدة 12 سنة

[XPLod]

أنا قبل ما أشترى القرطبه ال 1400 فكرت استنى شهر وأجيب ال 1600 وبعد كده قولت لنفسى طيب ما انا لو جبت قرطبه 1600 طيب ما اكمل شويه بسيطه واجيب المازدا 3 , بس ياعم قعدت افكر وادور وادعبس على المازدا 3 وفى الاخر قررت انى اشترى القرطبه ال 1400 المانيوال لانى مقدرتش استنى لانى كنت بعت عربيتى وشهر كتير على ما استلم ال 1600 .

هتقولى بقى ليه مجبتش المازدا هقولك ببساطه المازدا عربيه زى الفل بس قطع غيار فى الضياع ومش متوفر بعضها حتى فى سونستا وسمارت وكمان لازم عشان يبيعولك قطع غيار لازم تكون شارى منهم, يعنى لا قدر الله المازدا عملت حادثه مش مضمون انك تعرف ترجعها زى ماكانت, ومش مضمون تلاقى كل قطع غيارها, وكمان الصنايعيه مش ناس مدربه على العربيه دول ناس بتوع كله.

السيات قطع غيارها متوفره فى التوكيل ممكن تكون غاليه شويه بس مضمونه والمانى يعنى ركبها وانساها, وهتلاقى كل حاجه من الابره للصاروخ زى ما بيقولوا وكمان الصنايعيه هناك شطار جدا فى السيات.

اما بقى موضوع السحب انا راكب قرطبه 1400 وسحبها ممتاز وبصراحه بعمل بيها كل اللى انا عاوزه وبشد بيها مع اتخن العربيات وبعدى منهم.

توكل على الله الابيزا ال 1600 هتبقى طلقه مع الموتور ده وهتقطع اى عربيه ولا بقى تقولى لانسر ولا مازدا ولا يابانى ولا كورى انت راكب المانى يا معلم جولف متنكرة يعنى :) .

[XPLod]

أن شاء الله يوم الجمعه الجايه هروح أعمل صيانة ال 5000 الاولى ويوم الاحد أن شاء الله هعمل موضوع بكل التفاصيل والتقييم الكامل.