افضل مقاس جنوط وكاوتش لابيزا 2001

[gomaro2]

مساء الخير يا شباب
كلنا عارفين مشاكل الطرق في مصر .. انا لما اشتريت عربيتى ابيزا 2001 1400 cc كان راكب فيها جنوط 17 تايواني ماركة dd force ودي جنوط محترمة بتاعة ريس .. وهي في الثبات مالهاش حل بس كلنا عارفين مشاكل المطبات في مصر .. وطبعا مع الجنوط دي منشفة العفشة جدا
من يومين خدت مطب ابن ستين في سبعين من تكسير الطريق على الدائرى فجزء من شفة الجنط الامامي يمين اتعوج حاجة بسيطة وطبعا الفردة نامت
تنصحونى استعدل الجنط وخلاص مع لحام شرخين تانيين ولا أحل المشكلة من جذرها واخير الجنوط لمقاس أقل 15 أو 16 مع العلم ان العربية كده هتوطى .. تنصحوني بايه .. وياترى الجنوط من بورسعيد أحسن ولا من الحرفيين

[MotorX]

العربية ولا هاتوطى ولا حاجة ، اللي هايقل في مقاس الجنط هايتعوض في ارتفاع الكاوتش ، اعتقد انسب مقاس كاوتش 195/50/15 .

تحياتي.

[elbaz45]

المقاس اللى هترتاح فيه الابيزا 2001 بالنسبة للطرق بتاعتنا فى مصر هوا جنط 14
ومقاس الكاوتش 185\60\14

[hossamalsadik]

انا مركب نفس مقاس الجنط الى قلك عليه أ/ MotorX
195/50/15 والعربيه مرتاحه معاه ممكن يكون فيه نشوفيه بسيطه وبتاخد قدمها ثبات أكتر و العفشعه تمام مافيش مشاكل
ومقاس 17 كتير على العربيه وكل لما تكبر الجنط مقاس ارتفاع الكوتش بيقل ومعاه هتحس بنشوفيه أكتر مع تحميل على عفشتك أكتر

الجنوط فى بور سعيد ممكن تكون ارخص من الحرافيين شوف الاقرب والاسهل بالنسبالك