تسقيط ماكينة 1400 ابيزا 98

[mahmoud ghanem]

السلام عليكم

الحمد الله ربنا سهلها معايا فى رحلة البحث عن ماكينة 1400 لعربيتى
ولقيت ماتور بولو 1400 .. والاسطى عصام هو اللى سقطة

واستلمت السيارة يوم الجمعة واليوم دة قابلت صديقى محمد سيد حبيب قلبى والمفاجاة م / ايهاب منصور ودة كان من حسن حظى وكانت المقابلة محض الصدفة واليوم كان بيفكرنى بمقابلات القسم اللى متتعوضش

اولا : قطع الغيار المشتراة

- ماتور (شورت بلوك )
- اسطوانه دبرياج
- قربه مياة (مستعملة)
- جركن زيت تعاون يتم تغيرة بعد 500 ك + الفلتر
- 2 علبة زيت باور

ثانيا : التجربة

الايجابيات:
- الحمد الله ومشاء الله فرق كبير بين طلعة الاول على 1400 والــ 1000 القديم
- فى السحب مشاء الله الله واكبر فرق كبير وملحوظ

السلبيات:

- صوت الماتور عالى فى الغيار الخامس من السرعة 100 حتى 130 .. (ار بى ام 3.25 ) بس مش بيوطى تانى ...
وفى الماتور القديم كان الصوت بيعلى على ار بى ام 3.25 حتى 3.5 وبعد كدة يوطى تانى
ممكن يكون علشان الزيت على العموم انا مستنى اعمل 500 ك واغير زيت وفلتر واشوف

- ار بى ام 3.2 يبقى السرعة 100 .. زى القديم 1000 سى سى
وتقريبا كدة علشان الفيتيس فيتيس الماكينة 1000 القديمة

مشكلة قبلتى فى التجربة وكانت الباور !!!
طلعت اجرب السيارة مع م ايهاب وم محمد والعربية زى ماتكون مفيهاش بور من اساسة !!!
بعد مارجعنا لعصام تانى قالى متقلقش علشان الزيت القديم نزلناه وغيرناه لما تمشى بيها شوية هيتظبط ..

وفعلا قد كان .. على ما وصلت للدائرى كان الباور رجع زى الاول والحمد الله

ايه بقى السلبيات دى ؟؟؟ حاجة تقلق ولا اعمل اية ؟؟

دعواتكم
وربنا يستر طريقى وطريقكم

تحياتى

[Hazem_Ahmed]

الف مبروك وربنا يباركلك فيه ويكفيك شر الطريق

[elbaz45]

ما شاء الله تبارك الله ربنا يباركلك
وان شاء الله تاخد خيره باذن الله
والحكم ع الموتور مش دلوقتى لسه لما تحط زيت يكون اخف شوية من التعاون ونصيحة ابدأ بالزيت قليل اللزوجة علشان تعرف حالة الموتور ولو باذن الله الموتور حالته كويسة يبقى خليك ع الزيت قليل اللزوجة علشان تحافظ على الموتور
بس عاوزين نعرف التكلفة كانت كام ؟؟؟
وهل الشورت بلوك ده 1400 ال 8 صباب ؟؟؟ وبكام ؟؟؟ ومن عند مين ؟؟؟
وليه غيرت اسطوانة بس ؟؟؟ طالما فتحت مغيرتش ليه الديسك والبلية بالمرة ؟؟؟
وربنا يوفقك ان شاء الله وبالتوفيق ,,,

[Mahmoudelsayed]

مبروك باذن الله ربنا يبارك لك فيه ويكفيك شرها ويرزقك خيرها

[mahmoud ghanem]

الف مبروك وربنا يباركلك فيه ويكفيك شر الطريق

الله يبارك فيك حازم بك واشكرك على الاهتمام

ما شاء الله تبارك الله ربنا يباركلك
وان شاء الله تاخد خيره باذن الله
والحكم ع الموتور مش دلوقتى لسه لما تحط زيت يكون اخف شوية من التعاون ونصيحة ابدأ بالزيت قليل اللزوجة علشان تعرف حالة الموتور ولو باذن الله الموتور حالته كويسة يبقى خليك ع الزيت قليل اللزوجة علشان تحافظ على الموتور
بس عاوزين نعرف التكلفة كانت كام ؟؟؟
وهل الشورت بلوك ده 1400 ال 8 صباب ؟؟؟ وبكام ؟؟؟ ومن عند مين ؟؟؟
وليه غيرت اسطوانة بس ؟؟؟ طالما فتحت مغيرتش ليه الديسك والبلية بالمرة ؟؟؟
وربنا يوفقك ان شاء الله وبالتوفيق ,,,

ربنا يعزك .. وشاكر لذوقك واهتمامك
يعنى رايك بعد تغير الزيت الصوت العالى هيوطى او يهدى ؟
- بالنسبة لزيت التعاون انت عندك حق بس انا حطيتة تنظيف للماكينة مش اكتر ولا اقل وبعد كدة طبعا لازم انزل بمستوى اللزوجة بس اطمن على الماكينة الاول
- بالنسبة للتكلفة : الشورت بلوك واحد كامة بــ 2500 جم والمصنعية 450 جم + الاسطوانة 100 جم
- الماتور من عند واحد فى فيصل معرفة عصام الميكانيكى وعلى مسؤليته
- بصراحة انا اتعورت على غفله بالبلدى كدة .. وقلت لعصام اللى عاوز يتغير يتغير ماشى واللى شغال يبقى بلاش دلوقتى مش عاوز افتح وعاوز اللملم نفسى وبصراحة الراجل كان متعاون معايا جدا وفى نفس الوقت بيحافظ على شغلة ومصداقيته لانه فى وشه وعلى مسؤليته ولما فك قالى هغير الاسطوانه بس الباقى تمام .. يشكر بصراحة
والحمد الله

مبروك باذن الله ربنا يبارك لك فيه ويكفيك شرها ويرزقك خيرها

الله يبارك فيك يا أ/ محمود .. واللهم امين

[mohammad isdf]

الف مبروووك فرحتنى والله

ربنا يباركلك فيها، ان شاء الله كل حاجه هتتظبط وهتبقى زى الفل بس العربية تلين معاك

[hossamalsadik]

الف مبروك ياصديقى وربنا يحفظهولك
الصوت العالى هتتاكد منه بعد تنزيل الزيت ان شاء الله وعمل السرفس

[mahmoud ghanem]

الف مبروووك فرحتنى والله

ربنا يباركلك فيها، ان شاء الله كل حاجه هتتظبط وهتبقى زى الفل بس العربية تلين معاك

الله يبارك فيك ياصديقى .. على الله وربنا يسترها

الف مبروك ياصديقى وربنا يحفظهولك
الصوت العالى هتتاكد منه بعد تنزيل الزيت ان شاء الله وعمل السرفس

منورنى يا صديقى والله .. وربنا يبارك فيك
انا اللى مجننى ان الصوت العالى دة على الغيار الخامس وار بى ام 3 وانت طالع غير كدة الدنيا جميلة والصوت دة بصراحة مضيع احساسى بالماتور الجديد وخايف تكون مشكلة فى الماتور نفسة .. ربنا يسترها .. هشوف كدة لما اغير الزيت والفلتر الوضع هيبقى اية !!

[abaza2107]

السلام عليكم
الف مليون مبروك يا محمود بيه وان شاء الله تتمتع بمتورك الجديد وان شاء الله الصوت يتظبط معاك بعد اول سيرفيس مع تغيير البوجيهات والفلاتر (زيت -هواء ) ولو اني اظن والله اعلم ان الصوت ده معتمد على الموتور والفتيس مع بعض لانك مركب فتيس بنسب تروس متوافق مع 50 حصان
على موتور 60 حصان وهناك فرق 10 حصان ؟؟!! انت كنت زودت شويه وجبت موتور بفتيس متوافق مع بعضه وعلى كلن الحمد لله واظاهر انها فرررررره في القسم موضوع المواتير الأيام ديه
لأني عندي شويه اعراض كده برضه وربنا يستر بس انا بحطلها مع الزيت ( كتافاست ) ههههههههههههههه

[elbaz45]

السلام عليكم
الف مليون مبروك يا محمود بيه وان شاء الله تتمتع بمتورك الجديد وان شاء الله الصوت يتظبط معاك بعد اول سيرفيس مع تغيير البوجيهات والفلاتر (زيت -هواء ) ولو اني اظن والله اعلم ان الصوت ده معتمد على الموتور والفتيس مع بعض لانك مركب فتيس بنسب تروس متوافق مع 50 حصان
على موتور 60 حصان وهناك فرق 10 حصان ؟؟!! انت كنت زودت شويه وجبت موتور بفتيس متوافق مع بعضه وعلى كلن الحمد لله واظاهر انها فرررررره في القسم موضوع المواتير الأيام ديه
لأني عندي شويه اعراض كده برضه وربنا يستر بس انا بحطلها مع الزيت ( كتافاست ) ههههههههههههههه

على فكرة فتيس الموتور ال1000 هوا نفس فتيس الموتور ال1400 واحد كامة انما ممكن لو كان الموتور 1400 ب2 كامة ساعتها ممكن متاخدش قدرة الموتور كاملة بسبب الفتيس واختلاف نسب التروس

[SYD]

مبروك يا حودة
اصبر لحد السيرفبس وبلاش قرص علي المكنة وهي لسة بتلين
ماتنساش انها مركونة بقالها كتير
والحمدلله ان الباور ظبط

تحياتي

[ehab_mansour]

الف مبروك محمود بيه و ربنا يباركلك فيها و الماكينة فعلا كان صوتها ناعم و كويسه و يارب تكون تمام و ملحوظاتك دي هرد عليها قريبا ان شاء الله و سعيد اني قابلتك و لكن مش سعيد ابدا بمشواري عند عصام و مش هروحله تاني ابدا و ربنا يكرم و لا لغيره

على فكرة فتيس الموتور ال1000 هوا نفس فتيس الموتور ال1400 واحد كامة انما ممكن لو كان الموتور 1400 ب2 كامة ساعتها ممكن متاخدش قدرة الموتور كاملة بسبب الفتيس واختلاف نسب التروس

حضرتك متأكد من المعلومه دي ؟؟؟؟ و اتمني اعرف المصدر بمعلومات دقيقة لأن ده يفرق معايا كتير ... متشكر لك و منتظرك

[hossamalsadik]

حسب معلماتى ان فتيس 1000cc مش هوا فتيس 1400cc هو يركب بس الفرق بيبان على السرعات فقط
ايه بس الى مضيقك يابشمهندس إيهاب

ومجتش ليه حسب أتفقنا كنت عاوز نتقابل ونقعد مع بعض مش اكتر هضيع عليك الغدوه كده

[ehab_mansour]

حسب معلماتى ان فتيس 1000cc مش هوا فتيس 1400cc هو يركب بس الفرق بيبان على السرعات فقط
ايه بس الى مضيقك يابشمهندس إيهاب

ومجتش ليه حسب أتفقنا كنت عاوز نتقابل ونقعد مع بعض مش اكتر هضيع عليك الغدوه كده

اعتقد انك عرفت السبب
جهز يا سيدي النهارده ان شاء الله ربنا يكرم و نشوفك و طناني

[elbaz45]

حضرتك متأكد من المعلومه دي ؟؟؟؟ و اتمني اعرف المصدر بمعلومات دقيقة لأن ده يفرق معايا كتير ... متشكر لك و منتظرك

حسب معلماتى ان فتيس 1000cc مش هوا فتيس 1400cc هو يركب بس الفرق بيبان على السرعات فقط

بصوا يا رجالة الموتور ال1000--> 50hp ,وال1400 واحد كامة --> 60hp
وبما ان (Power(P)=Torqe(T)*Angular velocity(W
W=(2*PI*N)/60 حيث ان N-->RPM
فاحنا لو عوضنا فى المعادلة هنلاقى الاتى :
T=142 N.M at 2500 RPM & 50 HP
T=162 N.M at 2500 RPM & 60 HP
T=76 N.M at 4700 RPM & 50 HP
T=86 N.M at 4700 RPM & 60 HP
القدرة ثابتة مبتتغيرش واللى بيتغير العزم والسرعة بمعنى ان السرعة لو زادت لازم العزم يقل والعكس صحيح مع ملاحظة ان الW وحدتها 1\sec والT وحدتها N.M والP وحدتها watt
من النتائج السابقة نلاحظ ان الفرق فى العزم بين المحركين بيتراوح من 10 الى 20 N.M حسب اختلاف ال RPM
وبعد كده نخش على التروس اللى بتشتغل بالنظرية التالية :
(D2/D1)=(N1/N2)=(T2/T1)
ولو فرضنا ان فى تغيير فى النسبة D2/D1 عند كل غيار هيبقى تغيير طفيف ومع الاخذ فى الاعتبار انك بتشترى موتور مستعمل يعنى اكيد قدرته مش AS BUILT وبالتالى لو غيرت ال gear box هتبقى مصاريف زيادة مش اكتر ...
والله اعلى واعلم ,,,