مساعده من الخبراء ابيزا 2001

[moumen_shafik]

ي جماعه العربيه عندى فيها تتليته فى السلانسيه لكن اول مزود بنزين بتروح
وفى السلانسيه بسمع التتليته من الشكمان
المهم قعدت مع الميكانيكى عملنا كذا حاجه كده لحد موصلنا لان البيت بتاع الرشاش رقم اتنين من اليمين لما بنشيل الفيشه مبتفرقش عن واحنا حاطينها
وغيرت الرشاش بالى جمبه نفس الكلام
وغيرت البوجيه برده نفس الكلام
وصلت انى غيرت بوبينه وبرده نفس الكلام
الميكانيكى قالى ممكن تكون حاجه ف الضفيره نفسها
بس الاكيد انه الصبابات فيها حاجه
مع العلم ان لمبه التشيك قايده عندى بقالها سنه وشويه :D
بس مكانش فى المشكله دى
الموتور الى هو الاتنين كامه بتاع الجولف 4
1.4 16v
ياريت لو حد عنده فكره او حاجه يقولى

[moumen_shafik]

نسيت اقول حاجه لمبه ال epc الى منوره دى من ساعت ما عملت حاجه غبيه بس
شيلت فيش الكمبيوتر كنت بنضف المكان بتاعه وركبت كل حاجه وموصلتش فيش الكمبيوتر
وقمت مدور العربيه من غير اما احط الفيش
المهم حطيت الفيش واللمبه مطفتش
من يومها وهى قايده

[hossamalsadik]

يعنى مافيش اشاره وصله لفيشة الرشاش ده
ممكن يكون مشكله فى الضفيره ويمشى ورا سلك الفيشه ويتأكد من التوصيلات خاصة سوكت الفيش من جوه
واحتمال انه يكون عيب كنترول
لمبة التشيك epc ممكن تكون بسبب العطل ده او حساس مش شغال زى مثلا حساس الشكمان
بخصوص حساس الشكمان لو طلع هوا وحبيت تجيب الأصلى الأروجنال مش الصينى عشان شبهه اقلك تجيبه منين انا جبته بس غالى الصراحه
عمتا حط العربيه على الجهاز ويمسحلك الايرور ويعمل رست وشوف الدنيا هتمشى أزى وطبعا لو فيه قراءه لارور فى اى حاجه هتظهر على الجهاز وهتعرفها

[moumen_shafik]

شكرا جدا للرد والافاده
هنزل الحرفيين كمان كام يوم ادخلها كمبيوتر واقولك على التفاصيل
وهل تكويد البوابه البنزين حاجه غير الكنترول؟

[hossamalsadik]

احيانا البوابه الجديده مثلا عند تركبها بتحتاج تتكود وأحيانا لا وبتركب وتشتغل على طول
تكويد البوابه بيكون من خلال الكنترول نفسه
هوا عند الكشف بيعمل رست للكمبيوتر زى اعادة ظبط كده لقيمه الاساسيه عشان يتعرف على الحساسات كلها ومن ضمنهم البوابه
متابع معاك وان شاء الله مشكلتك تتحل

[ehab_mansour]

السلام عليكم

حضرتك اختصرت كل الحلول الطبيعية الممكنه وحاولت فيها و لكن يبقي كام حاجه
1- هل راجعت علي تقسيمة الكاتينة لأنها من اكبر الاسباب لموضوع التثليث و عدم انتظام المحر ك ؟؟؟
2- العربية محتاجه تتحط علي الكمبيوتر كما قال اخوان حسام فوق لمعرفة الاعطال المسجله (لو حابب قابلني و انا اشفهالك علي الجهاز عندي )
3- الصبابات محتمل تكون مهربة و متأكله و ده بعد اتنفاذ كل الحلول الممكنه انصحك تفك و تغيرها لأنها بتفرق كتيييييييييييييييييييييييييييير جدا

و بالتوفيق ان شاء الله

[moumen_shafik]

انا لسه مغير الصبابات وطقم الكوتش بتاعهم ده من اقل من 6 شهور للعلم
وانا فعلا شاكك ف تقسيمه الكاتينه
بس الميكانيكى كان شكله فاهم هو بيعمل ايه
وخصوصا انا عندى 2 سير كاتينه مش واحد

[moumen_shafik]

شكرا للرد جدا استاذ ايهاب واستاذ حسام

[moumen_shafik]

فى حاجه نسيت اقولها
لما بزود بنزين التتليته دى بتروح

[abaza2107]

السلام عليكم
جرب كده واعمل ريست للكنترول وشوف كده ايه الي هيحصل ومش هتخسر حاجه
وشوف الموضوع ده

http://www.nilemotors.net/Nile/379421-98.html

وبلغنا عملت ايه ؟

[hossamalsadik]

فى حاجه نسيت اقولها
لما بزود بنزين التتليته دى بتروح

اعتقد كده التقسيمه عاوزه مراجعه
واعرف ان أهم وظيفه للحساسات تكمن فى ظبط الماتور فى السلنسيه اما لما بدوس بنزين وترفع rpm بينتهى عمل اغلب الحساسات
لما تحطها على الكمبيوتر لو قرأت ان فيه اختلاف فى قراءة وظبط التوقيت يبقى تقسيمه على طول مش مظبوطه وديه اول حاجه تبص عليها وتتأكد منها

اما فى حالة ان التقسيمه مظبوطه زى مقال الخواجه يبقى حساس

[soledad]

انا كان عندى نفس ماتورك وكان بتالت لما بدور الصبح وهى بارده تماما لاكن لما تسخن كنت ابطل وادور كانت بتضبط خالص و ماكونتيش عارف ايه السبب بس غالبا كان بسبب انو الكونترول مش بتاع الماتور وبرده كنت شاكك فى حساس الشكمان مع العلم بان سحب الماتور دا وهى مضبوطه كان رهيب

[moumen_shafik]

بالظبط ي سولى هو الى بيحصل معايا
انا فعلا شاكك فى الكنترول بتاع العربيه
انت حليت المشكله؟
شكرا ليكم كلكم على الردود

[soledad]

بالظبط ي سولى هو الى بيحصل معايا
انا فعلا شاكك فى الكنترول بتاع العربيه
انت حليت المشكله؟
شكرا ليكم كلكم على الردود

طيب عايزك تبص على كود الكونترول عندك وقولى رقمه بالضبط

[moumen_shafik]

دقيقه هقوم اجيبه