تجربة سحب الهواء من دورة الباور ... تقل الباور فى العربية بعد تغير زيت الباور

[mahmoud ghanem]

السلام عليكم

الموضوع موجود على المنتدى فى اقسام اخرى والحمد الله الرجالة قايمة بالواجب وذيادة .. بس قلت اجمع الموضوع واللى وصلتلوا فى مكان واحد ومفيش اعز من القسم بتاعنا

المهم علشان مطولش عليكم

بعد تسقيط الماكينة الجديدة 1400 سى سى لحظت تقل الباور بطريقة فظيعة ( العربية تعتبر مفيهاش باور )

سألت عصام قالى شوية كدة هتلاقى الداورة واخدا هواء بعد كام كيلو كدة مشى هتظبط معاك ..

فعلا الباور اتحسن بعد ما مشييت كام كيلو كدة و التوجيه والعربية ماشية بتبقى زى الفل

والمفاجأة : تعالى اركن ووووووووو محتاج تروح الجيم الاول علشان تعرف تلف الطارة وانت بتركن

طبعا خد بقى عندك الشارع بيقوف وانت بترجع بظهرك علشان تركن ومش عارف تلف الطارة وتصعب على الناس اللى ماشية غير الناس اللى بتضحك .. المهم ركنت بعد مالفيت الطارة بأيدى الاتنين ورجلى كمان

فضلت وراء الموضوع وبعد بحث على النت والمنتدى عرفت ازاى تسحب الهواء من داورة الباور بنفسك ..

قلت اجرب واشوف الدنيا ...

المطلوب : سرنجة كبيرة من الصيدلية عاملة زى حقنة الحمير :)

- قبل ماتروح شغلك الصبح كدة انزل بدرى 20 دقيقة واعمل الاتى

1- افتح الكابوت وافتح غطاء قربة زيت الباور وشوف المقياس على كام

- الاحتمال الاول : الزيت فوق الماكس ( يبقى هتسحب الزيت الزيادة بالسرينجة و تفضيه فى علبة الباور اللى معاك او زجاجة فاضية نظيفة وجافة ) لحد ما العلامة تنزل تحت الماكس فى المنتصف كدة

- الاحتمال الثانى : يبقى الزيت ناقص ( هتذود لحد علامى المينى )

2- سيب غطاء قربة زيت الباور مفتوح وافتح كونتكت من غير ماتدور
لازم العربية تبقى باردة

3- لف الطارة لاقصى اليمين بس مش للاخر قوى وارجع لف الطارة شمال بردوا مش للاخر قوى

4- كرر الموضوع 7 او 8 مرات طبعا هيطقطع نفسك ... ريح نفسط كدة كل 3 لفا ( من غير ما تدور العربية )

5- دور العربية وسيبها تسخن وتوصل لدرجة حرارتها الطبيعية

6- كرر الموضوع ولف الطارة يمين بس مش للاخر قوى ولف الطارة شمال بردوا مش للاخر قوى ( والعربية دايرة )

7- رجع الطارة فى وضعها الطبيعى ودقيقة كدة واقفل غطاء قربة الزيت والكابوت ودقيقة كمان وتوكل على الله اعمل مشوار حلو بالعربية ..

8- مش هتحس بالفرق على طول وخصوصا لو مشوارك قريب بس على ما ترجع من شغلك وانت بتركن هتحس بالفرق الشاسع وتقول الحمد الله وسبحان من سخر لنا هذا


انا لقيت الناس بتقول سحب الهواء من داورة الزيت ( والعربية سخنة خطوة 5 و 6 )
واراء تانية بتقول ( والعربية باردة خطورة 2 و 3 )
والخطوة رقم 1 و 7 مشتركين فى الرائ سواء العربية باردة او العربية سخنة

فجمعت الرأيان فى خطوة وحدة وعملتهم والحمد الله وقلت مش مهم الفكرة متكررة بس اكيد فى ناس هتستفيد وخصوصا اللى مش بيعمل بحث او مش فى دماغة فا اهى لحد عندك وملكش حجة


التجربة شخصية وجربتها النهاردة وناجحت حتى الان بنسبة 60 % وعرفت اركن لوحدى زى زمان لسة هشوف بكرة الدنيا فيها اية

تحياتى للجميع

[Mahmoudelsayed]

الله ينور يا حوه هوا ه الكلام
انا بردو عندى الدركسيون تقيل اووووووووووووووووووووووووووووى هجرب طريقتك ان شاء الله

شكرا

[mahmoud ghanem]

منور يا كبير ... جربها وان شاء الله هتدعيلى :)

فى حاجة انا نسيتها بعد ما ترجع من مشوارك ابقى شوف مستوى الزيت فى القربة بعد ما تبطل العربية وذود الزيت لو نقص وخليه دائما تحت الماكس بشوية

وان شاء الله تظبط
وتحياتى

[Mahmoudelsayed]

اوك هجرب وادعيلك :)

[dr/hamza]

عندى الدكسيون ما بيلفش الا لما تطون دايرة

[Karim Ibiza]

يعجز لسانى عن الكلام :)
الله ينور يا عم

[mohammad isdf]

اهو ده بقى الحال الطبيعى عندنا فى ابيزا 94 انى بلفها برجلى وبتشنج يمين وشمال وبصعب ع الناس وبيضحكوا عليا

يا رب آلاقى حل

[ehab_mansour]

جميل يا محمود بيه
و ربنا يجزيك خير علي معلوماتك القيمة

[Hazem_Ahmed]

الله ينور يا باشا

[mahmoud ghanem]

يعجز لسانى عن الكلام :)
الله ينور يا عم

وعليك يا كيمو يا فنان ...

اهو ده بقى الحال الطبيعى عندنا فى ابيزا 94 انى بلفها برجلى وبتشنج يمين وشمال وبصعب ع الناس وبيضحكوا عليا

يا رب آلاقى حل :_alshmokh22[1]:

الموضوع فعلا صعب يا محمد خصوصا لو انت اتعودت على باور ..
انا كان معايا قبل الابيزا فيات وطبعا مش باور وكنت عايش وطبيعى وموضوع الباور دة كان كماليات ترفيهيه ومش بحتاجة ...

[mahmoud ghanem]

جميل يا محمود بيه
و ربنا يجزيك خير علي معلوماتك القيمة

ربنا يبارك فيك يا هندسة .. وزعلت والله من اللى حصل فى تقريرك بخصوص سير الكاتينة وربنا سترها والحمد الله انك اكتشفتها بدرى

الله ينور يا باشا

وعليك حازم بك

[SYD]

الله ينور يا حودة
جزالك الله كل الخير

[ehab_mansour]

ربنا يبارك فيك يا هندسة .. وزعلت والله من اللى حصل فى تقريرك بخصوص سير الكاتينة وربنا سترها والحمد الله انك اكتشفتها بدرى



وعليك حازم بك

تصدق ان اساسا اللي اكتشفها قبلي هو ابو السيد و هو بيقلي هو صوت عربيتك عالي ليه كده !!! قلتله يمكن الشكمان و لما وصلت البيت عرفت انه مش الشكمان

شكله ذنب العربية التويوتا يا هندسه ؟؟؟ فاكرها ؟؟

[hossamalsadik]

الله ينور يامحمود بيه

[ramy ezzat]

عملت كدة مش نافع