رابطة حاجزي ومستلمي السيارة سيات توليدو 2014

[farouck]

السلام عليكم ورحمة الله وبركاته
الي الاخوة اعضاء المنتدي الكرام . يا ريت يا جماعة لو في أي حد من الاعضاء الكرام قام بحجز السيارة سيات توليدو 2014 سواء ( مانيوال أو اوتوماتيك ) أو قام بتجربة هذه السيارة أو استلمها ومبروك عليه طبعا" يا ريت يفيدنا بالمعلومات الكافية عن هذه السيارة من حيث الاداء وخدمة ما بعد البيع وتوافر قطع غيارها وأسعار الصيانات الخاصة بها علشان انا حجزت العربية دي وبصراحة المفروض اني استلم اليومين دول وملاحظ ان الدعاية والكلام عن العربية دي قليل جدا" وده اللي مخليني في حالة قلق . ولكن انا مرتاحلها نفسيا" وملقتش حد بيعيب عليها ابدا".
واسف علي الاطالة وياريت الافادة .

[maged wahba]

من معلوماتي المتواضعه انها من افضل سيارات السيات وان الوكيل القديم كان الشركة الهندسية والوكيل الجديد شركة كيان ايجيبت ويتم عمل صيانتها بمراكز خدمة الشركة المصرية التجارية واوتوموتيف وكيل فولكس - اودي في مصر

ومعلوماتي عن سيات توليدو انها بمحرك ذات سعة 1600 سي سي وبقوة 105 حصان والتي تمتاز بتوفيرها الملحوظ في استهلاك الوقود والذي قد يصل إلي 6.4 لتر لكل 100 كيلو متر وتضم السيارة مساحة تخزين كبيرة بصندوق الامتعة الخلفي والذي يبلغ 550 لتر مع أمكانية طي المقاعد الخلفية الامر الذي يجعل سعة التخزين الخلفية تصل إلي 1490 لتر بطي المقاعد الخلفية ، كما تشارك فئات سيات توليدو في مجموعة تجهيزات الامان للسيارة التي حازت علي تصنيف 5 نجوم بإختبارات السلامة الاوروبية ( euro ncap ) والتي تعد الاكثر صرامة بين أختبارات الأمان في العالم إذ تأتي جميع فئات توليدو مجهزة بوسادتين هوائيتين للسائق والراكب الأمامي بالاضافة لوسادتين هوائيتين جانبيتين لتصبح توليدو الوحيدة بفئتها المجهزة بأربع وسائد هوائية بلاضافة لنظام الفرامل المانع للانغلاق abs 0
وتتوافر السيارة بفئتين من توليدو بناقل حركة يدوي
الاولي منها باور ستيرنج , زجاج كهربائي , تكييف هواء , عجلة قيادة متعددة الوظائف , غلق مركزي للابواب مع ريموت كنترول , نظام ترفيهي لتشغيل الصوتيات مزود بأربع سماعات ومدخل aux , مرايا جانبية كهربائية مع امكانية تسخينها لازالة الضباب
وتزيد الفئة الثانية بمصابيح خاصة للضباب ذات ضبط تلقائي في المنعطفات , مثبت سرعة , جنوط رياضية16 بوصة , عجلة القيادة متعددة الوظائف مكسوه بالجلد وذراع ناقل حركة مكسو بالجلد , إمكانية تعديل ارتفاع مقعد السائق والراكب الامامي , مسند يد أمامي مزود بمساحة تخزين .
وتتوافر 3 فئات بناقل حركة أوتوماتيكي
الفئة الاولي تضم باور ستيرنج , زجاج كهربائي , تكييف هواء , عجلة قيادة متعددة الوظائف , غلق مركزي للابواب مع ريموت كنترول , نظام ترفيهي لتشغيل الصوتيات مزود بأربع سماعات ومدخل aux , مرايا جانبية كهربائية مع امكانية تسخينها لازالة الضباب وجهاز انذار .
وتزيد الفئة الثانية بمصابيح خاصة للضباب , مسند يد أمامي بمساحة تخزين , مثبت سرعة , جنوط رياضية16 بوصة .
وتزيد عنها الفئة الثالثة بحساسات ركن خلفية , عجلة قيادة متعددة الاستخدامات مكسوة بالجلد وعصا ناقل الحركة مكسوه بالجلد , نظام ترفيهي لتشغيل الصوتيات مزود بست سماعات ومدخل usb-auxوأوامر صوتية , بلوتوث , إمكانية تعديل مستوي ارتفاع مقعد السائق واراكب الامامي , جنوط رياضية 17بوصة .
والمعلومات دي كلها من مواصفات السيارة من الوكيل
وعربيه عمرك ما هتندم عليها

ارجو ان اكون افدتك

[farouck]

شكرا" جزيلا" لك يا استاذ ماجد علي كل المعلومات القيمة دي بخصوص هذه العربية واحب اضيف شيء صغير لحضرتك هو ان الفئة التانية اوتوماتيك كمبيوتر الرحلات الخاص بها غير مكتمل الوظائف مقارنة بأعلي فئة وعلي فكرة انا الفئة اللي حجزها هي أعلي فئة اوتوماتيك . بس المشكلة ينقصني بعض المعلومات عنها كما ذكرتها بخصوص قطع الغيار والصيانات واسعارها . ولك جزيل الشكر

[مينا ظريف]

انا أشتريت السيارة الفئة 3 جنوط 17..السيارة الحمد لله جميلة و ثابتة و استهلاك البنزين ممتاز ( 11.4 km/L ) بس كان عندي استفسار....هل يمكن تركيب روافع زجاج للسيارة، يعني لما اعمل لوك بالريموت الزجاج يترفع اوتوماتيك ؟؟

[bassemali]

متاااااااااااااااااااااااابع

[hossamalsadik]

انا أشتريت السيارة الفئة 3 جنوط 17..السيارة الحمد لله جميلة و ثابتة و استهلاك البنزين ممتاز ( 11.4 km/l ) بس كان عندي استفسار....هل يمكن تركيب روافع زجاج للسيارة، يعني لما اعمل لوك بالريموت الزجاج يترفع اوتوماتيك ؟؟

فى التوكيل عشان الضمان

[farouck]

الف مبروك يا استاذ مينا وربنا يباركلك فيها ويكفيك شرها ويزيدك خيرها . بس انت معندكش معلومات عن اسعار وتوافر قطع غيارها واسعار الصيانات الخاصة بها ولك جزيل الشكر.

[ahmed.Elashy]

انا أشتريت السيارة الفئة 3 جنوط 17..السيارة الحمد لله جميلة و ثابتة و استهلاك البنزين ممتاز ( 11.4 km/l ) بس كان عندي استفسار....هل يمكن تركيب روافع زجاج للسيارة، يعني لما اعمل لوك بالريموت الزجاج يترفع اوتوماتيك ؟؟

جرب كده بعد م تطلع من العربيه تفضل دايس ع زرار الاغلاق في الريموت هتلاقي الازاز كله بيقفل .. احتمال كبير تكون عندك

[ibizaman]

اكيد هيقفل لو فضلت ضاغط علي اللوك وهيفتحم كلهم كمان لو فتحتها وفضلت ضاغط على الان لوك اكيييييد

[مينا ظريف]

انا روحت المبيعات و الصيانة و هما كانوا فاكريين نفس الكلام و جربوا يدوسوا على ال لوك بس الزجاج مقفلش...انا عارف ان كل السيات و الفولكس المفروض فيها كدة بس واضح ان دي لأ..لو حد يعرف حد يفهم في تكويد العربيات السيات و الفولكس ناحية مصر الجديدة او مدينة نصر ياريت يقوللي علية
بالنسبة ل اسعار الصيانة انا سألت بس على اول صيانة اللي هية عند 5000 او 3 شهور، دي فيها تغيير زيت و فلتر و فحص عام قاللولي هتكلف 650 جنية..بس قطع الغيار معنديش فكرة لسة بس بصراحة العربية جميلة و مفيش منها مشاكل الحمد لله

[ibizaman]

حاجه غريبه جدااا ده انا كان معايه زمان بولو 2003 من 11 سنه وكان فيهاااا هيه العربيه دي بخلانين عليها ولا ايه

[ibizaman]

طيب جرب حضرتك كده تقفل بالمفتاح نفسه من طبله الباب وتفضل لافف المفتاح شويه مترجعش ايدك جايز تكون موجوده وتتفعل

[مينا ظريف]

انا راسلت شركة سيات في اسبانيا و هما تواصلوا معايا و وضحولي ان العربية دي مفهاش الكود بتاع قفل الزجاج من الريموت اصلا علشان كده مينفعش يتفعل... انا هشوف لو ينفع بعد الضمان مايخلص اني اركب روافع زجاج زي اي عربية فيها زجاج كهربا و ريموت... اتمنى انه ينفع...

[ibizaman]

طيب هو الازاز كله اوتو فى النزول والطلوع ولا لاء

[مينا ظريف]

الزجاج كله اوتو