العربية ناشفه في المطبات

[the magice]

السلام عليكم
العربية ناشفه جدا وبترزع في اي مطب مهما كانت نقره بسيطة جدا بحس انها بترزع العربية كاني راكب عجلة في نفس الوقت ب اسمع ان الالماني عفشته ناشفه هل الكلام ده صح ولا تاليف خصوصا اني ركبت كوري وياباني قبل كده ولقيتهم انعم بكتييييييييير ف كده انا ممكن ازعل ومركبش الماني تاني

[Karim Ibiza]

الالمانى عفشته ناشفة بس مش لدرجة انه يرزع فى المطبات
راجع على ضغط الكاوتش بس بشرط يكون بارد... يعنى قبل ماتعمل بيها اى مشوار عشان قراءة الضغط تبقى مظبوطة

اذا لسه العيب موجود يبقى تروح لعفشجى يكشفلك على المساعدين واليايات

[hossamalsadik]

بما أنى ركبت ابيزا 94 زيرو و هوندا اقدر اقلك ان عفشة الابيزا الأستندر ناعمه ومريحه وصعب تحس باى مطب مهما كان كبير وجامد ولا تقل عفشتها عن عفشة اليابانى وعن تجربه

يبقى المشكله فى منظومة العفشه عندك

وعشان تتظبط عاوزه منظومة عفشه كامله أصلية والى يركبها يكون متخصص وبيفهم

لاكن ممكن تتظبط وتمشى والدنيا تبقلى حلوه معاك بتكلفه اقل بس ماتطلبش أنها تكون بكفائة الفبريكه او اليابانى


تحياتى

[mohammad isdf]

نفس المشكلة عندى والضغط ادام بيبقى 30 ووار 28، ويوم ما قلت اخفف الضغط عشان محسش بالرزع ده، خليت اللى ادام على 28 واللى ورا على 26، كانت كويسه بس عذاب فى الدريكسيون فرجعتها تانى ، ومش كده وبس ده لو فيه طوبه فى حجم الطوب الأحمر بتاع المبانى، بتتخبط فى المصفحة اللى تحت، وده لو الطوبة نايمه مش واقفة كمان !! نو كومينت

[ehab_mansour]

اعتقادي ان العربيات اللي فيها مشكلة في العفشة دي عيوب صيانة و قطع غيار لأني اشتريت ابيزا 98 و ركبتها ثلاث سنوات و نصف و مغيرتش غير جوز جلب مقصات بعد 100 الف كيلومتر بيها و 300 الف عداد العربية
و معايا بفضل الله كوردوبا 2002 و الحمد لله اريح من عربيات كتيييييييييير ركبتها من قبل و العفشة زي الفل !!! و مغيرتش غير جوز جلب مقصات من فترة بسيطة ايضا و من غير ما يكون فيهم مشكلة

[elbaz45]

بصوا يا رجالة
دلوقتى انت عندك مساعد وياي والاتنين مهمين وكل واحد له وظيفة مختلفة
اولا : الياى spring ولما بتأثر عليه بقوة بيبقى له قوة رد فعل Fs
Fs=-K.X حيث ان K ثابت خاص بالياي , X المسافة اللى هيتحركها الياى والاشارة السالب علشان اتجاه رد الفعل عكس اتجاه الحركة
وبكده يبقى قوة رد فعل الياى بيتناسب طرديا مع المسافة

ثانيا : المساعد damper ولما بتأثر عليه بقوة بيبقى له قوة رد فعل Fd
Fd=-B.V حيث ان B ثابت خاص بال damper , و v السرعة اللى بيتحرك بيها ال damper والاشارة السالب علشان اتجاه رد الفعل عكس اتجاه الحركة
وبكده يبقى قوة رد فعل المساعد بيتناسب طرديا مع السرعة

والخلاصة انك لما تاخد المطب بالراحة التركيز بيبقى على الياى SPRING اكتر
ولما بتكون ماشى بتجرى وتاخد طوبه او نقرة او حفرة التركيز بيبقى اكتر على المساعد DAMPER
ومن هنا تقدر تقيم مبدئيا المشكلة فين ...
والله اعلى واعلم

[Karim Ibiza]

بصوا يا رجالة
دلوقتى انت عندك مساعد وياي والاتنين مهمين وكل واحد له وظيفة مختلفة
اولا : الياى spring ولما بتأثر عليه بقوة بيبقى له قوة رد فعل Fs
Fs=-K.X حيث ان K ثابت خاص بالياي , X المسافة اللى هيتحركها الياى والاشارة السالب علشان اتجاه رد الفعل عكس اتجاه الحركة
وبكده يبقى قوة رد فعل الياى بيتناسب طرديا مع المسافة

ثانيا : المساعد damper ولما بتأثر عليه بقوة بيبقى له قوة رد فعل Fd
Fd=-B.V حيث ان B ثابت خاص بال damper , و v السرعة اللى بيتحرك بيها ال damper والاشارة السالب علشان اتجاه رد الفعل عكس اتجاه الحركة
وبكده يبقى قوة رد فعل المساعد بيتناسب طرديا مع السرعة

والخلاصة انك لما تاخد المطب بالراحة التركيز بيبقى على الياى SPRING اكتر
ولما بتكون ماشى بتجرى وتاخد طوبه او نقرة او حفرة التركيز بيبقى اكتر على المساعد DAMPER
ومن هنا تقدر تقيم مبدئيا المشكلة فين ...
والله اعلى واعلم

العلم حلو مفيش كلام

لو هنتكلم بالبلدى تطبيقا لكلامك يبقى انا لما أخد نقرة او حفرة على سرعة مش هحس بيها زى لو أخدتها على الهادى لأن الياى أنشف من المساعد
وفعلا هو ده اللى بيحصل

[the magice]

كده مبدئيا ومن حيث اللي فهمته المشكلة في المساعدين مش اليايات وفي حاجة تاني اللي اشتريت منه العربية قالي ان عفشه العربية الخلفية كانت خفيفة وبتهبط بسهولة وهو غير المساعدين الخلفي بس مش عارف النوع بصراحة و كمان في خشونه في عفشة العربية الاماميه وجلب المقصات العفشجي قال انها سليمة ف كنت عاوز اعرف رنج سعر المساعدين كام عشان لما اروح للعفشجي وياريت ترشيحات افضل انواع والفبريكا اللي بتنزل بيهم العربية اصلا ايه انا عارف ان اسئلتي كتير بس من عشمي في اخواني في المنتدي .

[Karim Ibiza]

شوف كده الموضوع ده هتلاقى فيه اجابات لأسئلتك

http://www.nilemotors.net/Nile/413359-a.html

لو عندك استفسار تانى اسأل

[the magice]

انهارده رحت للعفشجي ده غير اللي رحت له قبل كده طلع معايا جرب العربية وقالي العفشه محتاجة تظبيط حل المقصات و لقي الجلب الكاوتش بتاعها مقطوع رحت جبت جوز جلب وسألت ع المسمطه ما لقيتهاش لقيت المهواه العادية زي اللي كالنت راكبه المشكله عندنا في السويس ان محلات قطع الغيار محدودة جدا المهم رجعتله قالي الاسكاترا عندك فيها بوش انا كنت حاسس بكده بس كنت بكدب نفسي واقول دي تهيؤات رحت عشان اسال عليها عند بتوع الاستيراد الحمدلله ماليقيتهاش لاني اصلا ناوي ان شاءالله اقلب العربية باور رجعت قالي خلاص هصلحهالك وبعد التقفيل والتجربه العربية ماشاءالله اصبحت ناعمة جدا والهزه اللي في المناطق الغير ممهده راحت خلاص والتكلفه جوز جلب مقصات100 جنيه مصنعيه تغيير الجلب وتصليح الاسكاترا 100 جنيه 15 جنيه مخرطه الاجمالي 215 جنيه انا عارف ممكن يكون كتير بس معقول بالنسبة للشماطين اللي عندنا

[mohammad isdf]

يعنى جلب المقصات تأثر فى رزع العربية كده ؟ ولا تأثر فى تقل الدريكسيون ؟

[Hazem_Ahmed]

انهارده رحت للعفشجي ده غير اللي رحت له قبل كده طلع معايا جرب العربية وقالي العفشه محتاجة تظبيط حل المقصات و لقي الجلب الكاوتش بتاعها مقطوع رحت جبت جوز جلب وسألت ع المسمطه ما لقيتهاش لقيت المهواه العادية زي اللي كالنت راكبه المشكله عندنا في السويس ان محلات قطع الغيار محدودة جدا المهم رجعتله قالي الاسكاترا عندك فيها بوش انا كنت حاسس بكده بس كنت بكدب نفسي واقول دي تهيؤات رحت عشان اسال عليها عند بتوع الاستيراد الحمدلله ماليقيتهاش لاني اصلا ناوي ان شاءالله اقلب العربية باور رجعت قالي خلاص هصلحهالك وبعد التقفيل والتجربه العربية ماشاءالله اصبحت ناعمة جدا والهزه اللي في المناطق الغير ممهده راحت خلاص والتكلفه جوز جلب مقصات100 جنيه مصنعيه تغيير الجلب وتصليح الاسكاترا 100 جنيه 15 جنيه مخرطه الاجمالي 215 جنيه انا عارف ممكن يكون كتير بس معقول بالنسبة للشماطين اللي عندنا

مبروك الصيانه يا باشا وانشاء الله العفشه مش هتفتح معاك تانى

وكما قال الشاعر

دلعها ف الغيارات وريحها ف المطبات

[Karim Ibiza]

مبروك التظبيط وان شاء الله تتمتع بعربيتك
المصنعية غالية شوية بس لو الشغل نضيف مش مشكلة

[the magice]

يعنى جلب المقصات تأثر فى رزع العربية كده ؟ ولا تأثر فى تقل الدريكسيون ؟

هي الجلب تأثر في رزع العربية لكن تقل الدركسيون اعتقد من الاسكاترا
الله يبارك فيكم وان شاءالله هعمل بقول الشاعر يا أ /حازم