سيات كوردوبا 2001 ساعدوني

[EyesOnly]

السلام عليكم و رحمة الله و بركاتة

انا اول مرة اشارك معاكوا هنا في المنتدي دي بس بجد انا بستفيد كتير اوي من المنتدي دا و كان عندي سؤال مهم جدا و ياريت الناس اللي عندهم سيات كوردوبا 2001 و اللي بيفهم فيها اوي .... انا قدامي سيات كوردوبا بفكر اشتريها لان انا بحب العربية دي جدا فكنت مقلق من كذا حاجة هي اللي موقفاني ...
كنت عايز اعرف هي قطع غيارها اسعارها عاملة اية في السوق
كنت عايز اعرف هل اي حد مثلا زي الحرفيين يفهم فيها و يعرف يشتغل فيها والا لا لان انا لاحظت ان كل حاجة فيها كهربا و فيها كمبيوتر اعطال فهل اي حد يقدر يشتغل فيها والا هاتضطر اروح التوكيل و انا بصراحة مش حمل التوكيل

يعني من الاخر اشتريها و انا متطمن والا اية؟
و شكرا ليكوا كتير

[mohamed ibiza]

بص يا باشا الكوردوبا عربية جميلة اولا هي موفرة جدا في البنزين 1000 سي سي و انجكشن و قطع غيارها موجودة برا و في التوكيل و الحرفيين في ناس كتير يشتغلوا فيها زي محمد سمير مثلا قطع الغيار لو اتزنقت في حاجة و ان شاء الله متتزنقش موجودة في التوكيل

[EyesOnly]

شكرا ليك يا ibiza انت طمنتني بس معلش هاتعبك معايا لو تقدر تقولي اسعار بعض حاجات ليها.... و علش سؤال تاني لو الكمبيوتر بتاعها باظ هل دا بيأثر علي حاجة في العربية؟
و شكرا ليك مرة تانية:k18:

[mohamed ibiza]

خد عندك اللينك ده يا بوب

http://www.nilemotors.net/Nile/showthread.php?t=29927

في اسعار في اللينك ده لي تعليق عليها بس يعني مثلا البوجيهات تديها طقم vemo الماني 3 شمعة ب 75 جنيه
كنترول الانجكشن سعره مكتوب غلط هو 570 مش 750
سلوك البوجيهات السعر اللي مكتوب ده 100% الطقم هيبقي مضروب لان الاصلي بتاعها ب 300 جنيه و معمر جدا يعني مش استهلاكي بتاتا

موضوع الكمبيوتر الكمبيوتر بتاعها موجود تحت الكرسي الامامي يمين اما اللي اعتقد ان حضرتك تقصده في الموتور تحت الكبوت هو الكنترول طبعا لو جه عليه ميه ولا جاز ولا الكلام ده هيبوظ يعني لازم تحافظ و العربية بتتغسل و متغسلش الموتور بالجاز ولا الميه و ده بالنسبة لكل العربيات اللي فيها كنترول مش الابيزا بس

[EyesOnly]

شكرا ليك مرة تانية و ادعيلي يكون ليا خير فيها ان شاء الله
و شكرا ليك و ان شاء الله ابقي سياتاوي lol

[mohamed ibiza]

لا شكر علي واجب يا بوب:)