بالصور - مسمار تثبيت غطأ التاكيهات أتكسر - وكيفية اصلاحه -ابيزا

[Mahmoudelsayed]

السلام عليكم حبايبى فى الله ...

الموضوع ان جوان غطا التكيهات كان بيجيب زيت فربطت المسامير جامد لدرجة انى قرط عليهم اوووووى
فبردو الجوان قعد يجيب زيت و متابعتى ليه كل يوم بردو بيجيب زيت قلت لا اغيره بقى
رحت اشتريت جوان جديد ورحت عند الاسطى عصام عشان اغيره لقيت عنده شغل كتير وكذا عربية
رحت راكن بعد الورشة وقالى شوف شغلك

اوم ايه بقى جى بفك اول مسمار من ناحية الاسبراتير لقيته بيلف عالفاضى
يا حلاوة اتارى المسمار اتكسر السن جوا القاعدة اللى هيا ماسكة الاسبراتير

الصراحة دمى اتحبس خفت لا فك وش السلندر كله واروح بيه للخراط
فندهت على الاسطى عصام وقلت له المسمار اتكسر وانا زعلان

قالى متقلقش حاجة بسيطة

قالى فك الصمولتين اللى هما ماسكين قاعدة الاسبراتير مع التكيهات ودى اللى فيها السن المكسور
وبعدين فكيت الاسبراتير وبعدين فكيت مسمارين طوال كده بتوع الاسبراتير بردو

وهب القاعدة طلعت فى ايدى اللى فيها السن المكسور

قالى روح للخراط اسمه اشرف فى فيصل وخليه يفكهولك

رحت له مفيش نص ساعة كان فكه ونضفهولى تانى من الرايش

ورجعت على الاسطى عصام وادانى مسمار من عنده وصنفرت الوش بتاع غطا التاكيهات ونظفته كويس وركبت الجوان وبقى تمام الحمد لله

انا عملت الموضوع ده لانه ممكن يخض فعلا بس هوا الحمد لله حاجة بسيطة

ملحوظة : هوا المفروض فى ثلاث مسامير لغطا التاكيهات قواعدهم ممكن تتفك كل قاعده بصمولتين مقاس 11

وشكرا

[Karim Ibiza]

الله ينور يامحمود
تسلم ايدك على التقرير

[Mahmoudelsayed]

شكرا يا كيمووووووووووووووووووووو :)

[فادى محمد]

حصل معايا نفس الوضع في مسمار كارتيره زيت الفتيس !!
اشتريت حاجه اسمها easy out عباره عن بنطه بتلف عكسي
في نص قطمه المسمار واول ماتربط ع الاخر تبدا تفك القطمه وتخرج , سحر كده

[Mostafa Hessen]

الحمد لله
جات على قد كده

[gadoo30]

حصل معايا نفس الوضع في مسمار كارتيره زيت الفتيس !!
اشتريت حاجه اسمها easy out عباره عن بنطه بتلف عكسي
في نص قطمه المسمار واول ماتربط ع الاخر تبدا تفك القطمه وتخرج , سحر كده

مش فاهم قصدك اية وبتشتغل ازاى
ياريت شرح مفصل ينوبك ثواب فينا

[mohammad isdf]

الله ينور يا حودا ويحفظ عربيتك يا رب

[Ahmed pico]

الحمد لله وشكرا على الموضوع

[ehab_mansour]

الف مبروك يا محمود .... هو ده الشغل ... نشتغل بايدينا احسن و اريح ميت مره و ارخص و أأمن

حصل معايا نفس الوضع في مسمار كارتيره زيت الفتيس !!
اشتريت حاجه اسمها easy out عباره عن بنطه بتلف عكسي
في نص قطمه المسمار واول ماتربط ع الاخر تبدا تفك القطمه وتخرج , سحر كده

صورة يا ريس و اشتريتها منين و بكام و صناعه ايه ؟؟؟؟
اخوك عايز واحده ضروري
و منورنا يا كبير في قسمنا المتواضع

[hossamalsadik]

الحمد لله يامحمود انها جت كده المسامير الخاصه بالوش مابيتقرتش عليها جامد خاصة فى الوش الألمونيوم
لان ممكن المشرشر فى الوش يفوت وتحتاج بردو تفكه كله وتوديه للخراط

ومبروك الصيانه

[فادى محمد]

مش فاهم قصدك اية وبتشتغل ازاى
ياريت شرح مفصل ينوبك ثواب فينا

الف مبروك يا محمود .... هو ده الشغل ... نشتغل بايدينا احسن و اريح ميت مره و ارخص و أأمن



صورة يا ريس و اشتريتها منين و بكام و صناعه ايه ؟؟؟؟
اخوك عايز واحده ضروري
و منورنا يا كبير في قسمنا المتواضع

من عنيا . ان شاء الله بكره هشرح كل التفاصيل بالصور
والقسم منور باهله يا ايهاب باشا..

[فادى محمد]

بسم الله الرحمن الرحيم..
easy out tool عباره عن بنط زي البنط اللي بتركب في الشنيور بس اتجاه ربطها بيبقي عكس الطبيعي , ازاي الكلام ده؟؟
لو فرضنا ان في مسمار قلاوظ مقطوم , اتجاه رباطه مع عقارب الساعه , تمام؟ البنطه دي رباطها عكس عقارب الساعه ..
ازاي بتشتغل؟؟
بنيجي في نص القطمه ونخرم ببنطه رفيعه ( حديد طبعا) وبعد كده بنربط البنطه الايزي اوت بدريل او عده اسمها ( بوجي) او حتي مفتاح بلدي . نربط ونربط لغايه مالبونطه تقف . هنا بقي مع اول محاوله للفها بالقوه هتخرج بالقطمه !!! خيال علمي .
دي صوره الطقم وطبعا بنختار بنطه سمكها مناسب لسمك القطمه اللي عاوزين نخرجها .


وده فيديو شارح الفكره عملي . ااه العده دي هتلاقوهاغ عند محلات العدد المتخصصه .
Screw extractor | easyout | broken bolt removal - YouTube

[Mahmoudelsayed]

الله ينور يا حودا ويحفظ عربيتك يا رب

ربنا يبارك فيك يا استاذ / محمد

[S O P H O S]

مبرووك الاصلاح