Tweet
السلام عليكم
اصدقائى واخوتى فى قسم السيات
تمت بحمد الله عملية تعمير ماتورى مع بعض التجديدات
كتير كان بيسألنى عملت ايه وفين التقرير وكما وعدت أليكم التقرير كاملا
http://www.nilemotors.net/Nile/411084-2000.html
نبدأ من البدايه
فى يوم أرسلت عربيتي الابيزا 2000 لتغيير زيت وفلتر فتم تركيب فلتر كان السن بتاعه واسع الفنى ركبه أزى او شبطه ازاى مش عارف ، المهم ونا ماشى على طريق صلاح سالم صباحا متجها لشغلى وكنت قارص شويه عشان مستعجل عشان كان فى ناس مستنينى فى شغلى صباحا لقيت مره وحده لمبة الزيت نورت وفى دخنه من الامام ركنت على جانب الطريق فتحت الكبوت لقيت الفلتر مش فى مكانه مش فاكر سلك أو حاجه كانت سنداه والزيت كله خرج حاولت أتدورها عشان أكمل بيها للملف إلى كان يبعد أمتار قليله واركنها لحد ما اخلص شغلى وشوف هعمل أيه وبالفعل ركنتها ورجعتها بعد الشغل جبت فلتر فولكس وزيت حط ياعم الزيت ركب الفلتر دور ياسيدى ولا الهوا العربيه مش عوزه تدور أنا عارف أيه إلى ممكن يكون حصل بس مطنش قلت طيب يمكن البطارية نامت ( بصبر نفسى ) طيب هجيب وصله جبت وصله بردو مافيش قلت طيب هزوقها وأرملها مافيش فيده قلت لازم أعترف أن الماتور قفش كفاية كده
اتصلت يخويا وجه ومعاه ونش وشلت العربيه لحد البيت
فضلت فترة أفكر أوديها لمين وكل لما استشير حد يقلى على مكان مختلف وتزداد حرتى وقول لنفسي يعنى سايب ورشتى الى بتعامل معها بقالى سنيين يبقى لازم المكان الجديد يكون كويس ورتاح معاه
بتصل بصديقى العزيز م/ إيهاب فقلى طيب ماتروح مركز طنانى باشا عارفه قلتله أ/ محمد طنانى بتاع قسم الأوبل (رئيس القسم ) ايوه عارفه وعارف انه عنده ورشه بس ده متخصص أوبل كان رده جرب ما كله المانى والفكره واحده
قلت معقول بردو اتصلت وقالى تعالى مافيش مشاكل أنا عامل عربيات سيات قبل كده طيب انا جى
اتصلت بالونش شلت العربيه وعلى مركز الأستاذ محمد طنانى بالمعادى ونا بتصل بيه عشان اقله انا اقتربت من الوصول لقيته بيقلى ولدى توفى الأن فا مش هاجى النهارده وسكت شويه وبعدين طيب روح على المركز وهتلاقى حد هناك سبهاله
أنا الصراحة فكرت شويه وقلت لنفسي أغير اتجاهي ولا أكمل خاصة كان عندي اتجهات كتير لان الموضوع كان فى بالى مجرد تقسيط ماتور بالكثير وخلصت قلت أروح بردو الراجل معانا فى المنتدى وسمعته كويسه وماله استناه لحد مايخلص عزاء والده
وصلت المركز وأستقبلنى محمد أبو كف وانه هوا الى هيشتغل فى العربيه وكان عرضى هجيب ماتور وسقطه رد طيب ليه ماتيجى أعمرهولك قلتله لا أنا ناوى تسقيط طبعا طال الحديث فى فنيات كتير لقيته فاهم تمام شغله وانسان محترم وأمين ومغرم بالمواتير الالمانى وقطع الغيار متوفره واصليه ناقص الخراط قالى برقبتي انا ضمنه تمام نبدأ التعمير على بركة الله وطبعا التقيت بالأستاذ محمد طنانى بعد ما خلص عزاء ولده لأول مره إنسان قمة فى الزوق والاحترام وتحس ونتا قاعد فى المركز انك قاعد فى بيتك .
أتناء التعمير بيحصل كلام فى الغالب بيكون عن فنيات الشغل طبعا بيأكدلى ان الراجل م محمد أبو كف فاهم
علشان كده المفاضلة بين شراء موتور استيراد أو عمل عمرة بيتحدد من توافر ثلاث حجات
فنى فاهم نوعية العربيه الى هيشتغل فيها ويكون عمل عمرات كتير ناجحه
قطع غيار أصليه
خراط محترف
ونقطه مهمه عملية تليين وتطبيع اجزاء الماتور الجديده على بعض وديه عاوزه صبر عشان المجهود يعطى اكبر فائدة ممكنه ويحافظ على الشغل من جهة وعمر الماتور من جهة
ولو سعر الماتور الاستيراد قرب أو نفس سعر العمره معى الشروط السابقة يبقى العمرة أفضل
لانك ممكن تشترى ماتور ويطلع منيل لان فيه حجات ماتبنش الى مع الاستعمال الطويل مش فى وقتها حتى لو كشفت عليه فالعمليه بردو فيها مجزفه عشان كده لازم يتاخد على التجربة أو يكون فيه ضمان .
طبعا انا غيرت الأتى :
أجمالى 4765
وكملت دورة التجديد بشراء
ديسك جديد 400ج
مياه تبريد G12+المعتمده من VW ب 80ج
طرمبة باور 250ج
زيت باور الكيلو ب90ج
عدد 2 بيضة طرف 160ج
عدد 2جلب مقصات ماركة فيبى المانى اصلى 120ج
حساس شكمان جديد اصلى 600ج
فلتر زيت ألمانى 35ج بس ماستخدمتوش لانهم لان محمد حط فلتر اصلى مستورد كان عنده
مصنعية العفشجى تركيب جلب وبيض 150ج كتير شويه بس كنت مستعجل اخلص كل حاجه يمكن لو كان ركبهم محمد ابو كف كان هيكون اقل من كده عمتا هوا الميزه انه كبسلى البيض القديم عشان يشتغل من جديد
واخير ضبط زوايا 20ج
شوية كماليات
فبرة غطاء المساحة الخلفيه 50ج
ريشة مساحه خلفيه مقاس 13 اكبر بشويه من الفبريكه فرنساوى 60ج
غطاء الكبلات الى فوق البطاريه إستيراد ب 100ج
ريموت المفتاح الاصلى ب 80ج
غطاء فيوزات داخلى ( الى فى التبلوه ) 100ج
غطاء دركسيون مستورد ( اسود شيك كلاسك ) 70ج
كلمة لوجو CUPRA ب 5 ج
بخصوص زيت الماتور
نزلت الزيت الى لينت بيه توتال 50/20 وحطيت زيت تخلقي بالكامل نوعه وولفر 40/W5 صناعة ألمانى
الزيت ممتاز جدا سحب وصوت ماتور هادى
سبب وضعى للزيت التقليقى ان الماتور بعد العمره ديه اصبح زى الجديد وخلوصاته ضيقه فا الزيت التقليقى افضل له كمان كان متكتف مع الزيت القديم لنفس السبب وفى نفس الوقت احافظ عليه واستفيد من الشغل الى عملته وكمان اخد اداء كويس وهوا ده الى حسيت بيه بعد وضع الزيت .
بخصوص طرمبة الباور
ركبت طرمبة الباور عند الميكانيكى خالد عبيد بمجلس الامه وتاخد الهوا مظبوط وأخيرا ارتحت من زنها
هو الزيت بس الى كان غالى شويه 180ج 2ك الراجل قلى هوا ده الى بيستخدم فى التوكيل قلت على بركة الله خاصة ان الواحد تعب فى الفتره الى فاتت فى ضبط العربيه بس الحمد الله كل أنتهى على خير فمكنش عندى جهد انى اتحقق من كلامه
بس بعد التجربه كل تمام وأنتهت الزنه واصبخ الباور ممتاز
بالمناسبه اشكر صديقى استاذ أحمد بيه اباظه الى تعبته معايا عشان قلتله يجبلى الطرمبه فى طريقه ويقبلنى عشان الوقت جبهالى تمام ومن الماتور مباشرة إستيراد ده صور الراجل وهوا بيخلعها هههههه كل الشكر ليه
واشكر اخويا م/ ايهاب بيه منصور الى شغلته بمعرفة موصفات بعض المنتجات الخاصه بزيت الباور عشان اشفها مناسبه ولا لأ عشان كنت فى الشارع و النت غير متوفر وعاوز المعلومه سريعه وصحيحه كل الشكر ليه
والى لقاء فى تقرير جديد ان شاء الله
والسلام عليكم ورحمة الله وبركاته
اصدقائى واخوتى فى قسم السيات
تمت بحمد الله عملية تعمير ماتورى مع بعض التجديدات
كتير كان بيسألنى عملت ايه وفين التقرير وكما وعدت أليكم التقرير كاملا
http://www.nilemotors.net/Nile/411084-2000.html
نبدأ من البدايه
فى يوم أرسلت عربيتي الابيزا 2000 لتغيير زيت وفلتر فتم تركيب فلتر كان السن بتاعه واسع الفنى ركبه أزى او شبطه ازاى مش عارف ، المهم ونا ماشى على طريق صلاح سالم صباحا متجها لشغلى وكنت قارص شويه عشان مستعجل عشان كان فى ناس مستنينى فى شغلى صباحا لقيت مره وحده لمبة الزيت نورت وفى دخنه من الامام ركنت على جانب الطريق فتحت الكبوت لقيت الفلتر مش فى مكانه مش فاكر سلك أو حاجه كانت سنداه والزيت كله خرج حاولت أتدورها عشان أكمل بيها للملف إلى كان يبعد أمتار قليله واركنها لحد ما اخلص شغلى وشوف هعمل أيه وبالفعل ركنتها ورجعتها بعد الشغل جبت فلتر فولكس وزيت حط ياعم الزيت ركب الفلتر دور ياسيدى ولا الهوا العربيه مش عوزه تدور أنا عارف أيه إلى ممكن يكون حصل بس مطنش قلت طيب يمكن البطارية نامت ( بصبر نفسى ) طيب هجيب وصله جبت وصله بردو مافيش قلت طيب هزوقها وأرملها مافيش فيده قلت لازم أعترف أن الماتور قفش كفاية كده
اتصلت يخويا وجه ومعاه ونش وشلت العربيه لحد البيت
فضلت فترة أفكر أوديها لمين وكل لما استشير حد يقلى على مكان مختلف وتزداد حرتى وقول لنفسي يعنى سايب ورشتى الى بتعامل معها بقالى سنيين يبقى لازم المكان الجديد يكون كويس ورتاح معاه
بتصل بصديقى العزيز م/ إيهاب فقلى طيب ماتروح مركز طنانى باشا عارفه قلتله أ/ محمد طنانى بتاع قسم الأوبل (رئيس القسم ) ايوه عارفه وعارف انه عنده ورشه بس ده متخصص أوبل كان رده جرب ما كله المانى والفكره واحده
قلت معقول بردو اتصلت وقالى تعالى مافيش مشاكل أنا عامل عربيات سيات قبل كده طيب انا جى
اتصلت بالونش شلت العربيه وعلى مركز الأستاذ محمد طنانى بالمعادى ونا بتصل بيه عشان اقله انا اقتربت من الوصول لقيته بيقلى ولدى توفى الأن فا مش هاجى النهارده وسكت شويه وبعدين طيب روح على المركز وهتلاقى حد هناك سبهاله
أنا الصراحة فكرت شويه وقلت لنفسي أغير اتجاهي ولا أكمل خاصة كان عندي اتجهات كتير لان الموضوع كان فى بالى مجرد تقسيط ماتور بالكثير وخلصت قلت أروح بردو الراجل معانا فى المنتدى وسمعته كويسه وماله استناه لحد مايخلص عزاء والده
وصلت المركز وأستقبلنى محمد أبو كف وانه هوا الى هيشتغل فى العربيه وكان عرضى هجيب ماتور وسقطه رد طيب ليه ماتيجى أعمرهولك قلتله لا أنا ناوى تسقيط طبعا طال الحديث فى فنيات كتير لقيته فاهم تمام شغله وانسان محترم وأمين ومغرم بالمواتير الالمانى وقطع الغيار متوفره واصليه ناقص الخراط قالى برقبتي انا ضمنه تمام نبدأ التعمير على بركة الله وطبعا التقيت بالأستاذ محمد طنانى بعد ما خلص عزاء ولده لأول مره إنسان قمة فى الزوق والاحترام وتحس ونتا قاعد فى المركز انك قاعد فى بيتك .
أتناء التعمير بيحصل كلام فى الغالب بيكون عن فنيات الشغل طبعا بيأكدلى ان الراجل م محمد أبو كف فاهم
علشان كده المفاضلة بين شراء موتور استيراد أو عمل عمرة بيتحدد من توافر ثلاث حجات
فنى فاهم نوعية العربيه الى هيشتغل فيها ويكون عمل عمرات كتير ناجحه
قطع غيار أصليه
خراط محترف
ونقطه مهمه عملية تليين وتطبيع اجزاء الماتور الجديده على بعض وديه عاوزه صبر عشان المجهود يعطى اكبر فائدة ممكنه ويحافظ على الشغل من جهة وعمر الماتور من جهة
ولو سعر الماتور الاستيراد قرب أو نفس سعر العمره معى الشروط السابقة يبقى العمرة أفضل
لانك ممكن تشترى ماتور ويطلع منيل لان فيه حجات ماتبنش الى مع الاستعمال الطويل مش فى وقتها حتى لو كشفت عليه فالعمليه بردو فيها مجزفه عشان كده لازم يتاخد على التجربة أو يكون فيه ضمان .
طبعا انا غيرت الأتى :
- طقم جوانات كامل 650ج
- بلية كاتينه 275ج
- سير دينامو 100ج
- بكرة شداد سير دينمو 110ج
- طقم بوجيهات GMالمانى اصلى 135ج
- خرطة وشد السليندر 400ج
- طقم سبيكه أصلى 700ج
- طقم بنوز المانى بالجلب 200ج
- طقم شنابر المانى أصلى 400ج
- طقم شنبر أصلى 380ج
- خراطة كرنك 100ج
- ترييح كراسى الكرنك 50ج
- خرط جلب بيالات 50ج
- زيت ماتور 135ج
- سير كاتينه 150ج
- عدد 2 جوان مشترك 30ج
- نثريات 100ج
- مواصلات 100ج
- مصنعيه 700ج
أجمالى 4765
وكملت دورة التجديد بشراء
ديسك جديد 400ج
مياه تبريد G12+المعتمده من VW ب 80ج
طرمبة باور 250ج
زيت باور الكيلو ب90ج
عدد 2 بيضة طرف 160ج
عدد 2جلب مقصات ماركة فيبى المانى اصلى 120ج
حساس شكمان جديد اصلى 600ج
فلتر زيت ألمانى 35ج بس ماستخدمتوش لانهم لان محمد حط فلتر اصلى مستورد كان عنده
مصنعية العفشجى تركيب جلب وبيض 150ج كتير شويه بس كنت مستعجل اخلص كل حاجه يمكن لو كان ركبهم محمد ابو كف كان هيكون اقل من كده عمتا هوا الميزه انه كبسلى البيض القديم عشان يشتغل من جديد
واخير ضبط زوايا 20ج
شوية كماليات
فبرة غطاء المساحة الخلفيه 50ج
ريشة مساحه خلفيه مقاس 13 اكبر بشويه من الفبريكه فرنساوى 60ج
غطاء الكبلات الى فوق البطاريه إستيراد ب 100ج
ريموت المفتاح الاصلى ب 80ج
غطاء فيوزات داخلى ( الى فى التبلوه ) 100ج
غطاء دركسيون مستورد ( اسود شيك كلاسك ) 70ج
كلمة لوجو CUPRA ب 5 ج
بخصوص زيت الماتور
نزلت الزيت الى لينت بيه توتال 50/20 وحطيت زيت تخلقي بالكامل نوعه وولفر 40/W5 صناعة ألمانى
الزيت ممتاز جدا سحب وصوت ماتور هادى
سبب وضعى للزيت التقليقى ان الماتور بعد العمره ديه اصبح زى الجديد وخلوصاته ضيقه فا الزيت التقليقى افضل له كمان كان متكتف مع الزيت القديم لنفس السبب وفى نفس الوقت احافظ عليه واستفيد من الشغل الى عملته وكمان اخد اداء كويس وهوا ده الى حسيت بيه بعد وضع الزيت .
بخصوص طرمبة الباور
ركبت طرمبة الباور عند الميكانيكى خالد عبيد بمجلس الامه وتاخد الهوا مظبوط وأخيرا ارتحت من زنها
هو الزيت بس الى كان غالى شويه 180ج 2ك الراجل قلى هوا ده الى بيستخدم فى التوكيل قلت على بركة الله خاصة ان الواحد تعب فى الفتره الى فاتت فى ضبط العربيه بس الحمد الله كل أنتهى على خير فمكنش عندى جهد انى اتحقق من كلامه
بس بعد التجربه كل تمام وأنتهت الزنه واصبخ الباور ممتاز
بالمناسبه اشكر صديقى استاذ أحمد بيه اباظه الى تعبته معايا عشان قلتله يجبلى الطرمبه فى طريقه ويقبلنى عشان الوقت جبهالى تمام ومن الماتور مباشرة إستيراد ده صور الراجل وهوا بيخلعها هههههه كل الشكر ليه
واشكر اخويا م/ ايهاب بيه منصور الى شغلته بمعرفة موصفات بعض المنتجات الخاصه بزيت الباور عشان اشفها مناسبه ولا لأ عشان كنت فى الشارع و النت غير متوفر وعاوز المعلومه سريعه وصحيحه كل الشكر ليه
والى لقاء فى تقرير جديد ان شاء الله
والسلام عليكم ورحمة الله وبركاته
Comment