حاسس ان العربيه متفككه من تحت رجلى ال

[ahmed_x545]

صالسلام عليكم جميعا
معايا كوردوبا 96 . و من حوالى شهرين غيرت اتنين مساعد امامى جديد , لانى كنت بحس بكل زلطه بدوس عليها و دلوقتى بيحصل الاتى :
بحس بكل مطب و بكل طوبه صغيرة بدوس عليها
حاسس ان عفشه العربيه ناشفه جداااا
حاسس ان العربيه كلها ملخلخه تحتيته من اول الدريكسيون لحد دواسات العربيه
صوت تزيق جااامد اوى من ناحيه المساعدين مع المطبات او حتى وهيه العربيه واقفه لو دوست على الكبوت تنزل وتطلع تزيق
معلش طولت عليكم , بس الموضوع دة قارفنى جداااااااااااا

[Karim Ibiza]

وعليكم السلام
اهلا بيك فى قسم سيات

نوع المساعد ين اللى انت جبتهم ايه وبكام ومنين لأن جايز يكونوا مش اصلى

[ahmed_x545]

اشكرك جدا استاذ كريم على الاهتمام و الرد
بامانه انا معرفش نوعهم , هما كانوا فى حدود 850 او 900 جنيه
انا على فكرة بتعامل مع عم سيد عبدة اللى فى جسر السويس من ساعه ما جيبت العربيه بقالى 6 سنين وهوة محل ثقه منى و من احسن الناس اللى لقيتوا بيفهم فى العربيه دى ,

[kokowasfy]

عفشة عربية محجرة وديها عفشجى يكشف عليها وشوف اية الشغل الى فيها

[SYD]

احساسك بكل حاجة بتدوس عليها دي من العجل
هات فردتين كاوتش طراي شوية هيمنعوا الاحساس دة زي كونتيننتال او دانلوب
دوول من اطري فرد الكاوتش كمان هيقللوا احساسك بتفكيك العفشة

اما عن التزييق فدة من السوست مش المساعدين
روح اغسل العربية من تحت بالجاز وان شاء الله صوت التزييق يختفي

تحياتي

[mohammad isdf]

اكشف على جلب المقصات لان كتير عندهم نفس المشكلة وبتبقى جلب ودى شغلة العفشجى وربنا يريح قلبك

[ahmedfouad]

روح لعفشجى يشوف ويقولك لان فى اسباب كتير

[ahmed_x545]

اشكركم جميعا على الاهتمام والرد
كان الله فى عون العبد ما دام العبد فى عون اخيه
فعلا يا استاذ SYD
الكاوتش كان اكبر سبب للمشكله , امبارح بعد ما نزلت الموضوع نزلت ومعايا مراتى و بنتى وكنا خارجيين , لقيت الكاوتش الامامى مريح قلت اذودة , الراجل قالى الفردتين اللى ادام ضايعيين خالص وهما سبب رعشه الدريكسيون و انى بحس بكل مطب و زلطه
روحت مشوار لحد المريوطيه وانا راجع ولسه طالع الدائرى انفجرت العجله اللى الاماميه شمال و الحمد لله ربنا ستر
انا هنزل بليل اشترى فردتين من اشرفكوا اللى فى مدينه نصر وهملى نيتروجين وارصص واظبط زوايا
الحمد لله على كل شئ
و اشكركم جميعا من كل قلبى