وضع فل خلف الاكصدام لامتصاص الصدمات- بالصور

[Mahmoudelsayed]

السلام عليكم

اغلبية العربيات بتاعتنا اللى اتعمل فيها شغل قبل كده الصنايعية لما يفكوا الاكصدامات يرموا الفل اللى وراها وده طبعا لو حد خبطت او ريح على الاكصدام يتكسر

عشان كده هنقل لكم تجربتى انا واحمد نسر فى تركيب فل خلف الاكصدام لامتصاص الصدمات والتريحاااات

اولا : رحنا اشترينا فل ( وليس فليين الفرق ان الفل عامل زى البلاستيك الطرى اما الفليين ده عامل زى اللى بيتغلف فيه التليفزيون وده طبعا مينفعش لانه بيتفرول )
ثانيا : قطعنا فل على قد المقاسات الداخلية للاكصدام
ثالثا : قمنا بتركيب الاكصدام وتبييته على مكانه وقطعنا الزيادات وزودنا النواقص
رابعا: لزقها بالكولة عشان تمسك فى الاكصدام







بس كده ....


تم تعديل حجم الصورة ورفعها عن طريق موقع الرفع الخاص بالمنتدي بمعرفتي
م2أ 19/4/2014 11:45م

[hossamalsadik]

برافو عليكم
بالتوفيق لك وللجميع

[shiko85]

تمام
بس كان ممكن تستخدم الفوم و النتيجه هتكون واحده و الفوم اسهل

[Omar Mahmoud]

معلش سؤال غبي هو ايه الفرق بين ده و بين الفوم البيبقي في الاكصدام(انا مشوفتوش و لكن سمعت عنه)؟

[nesr6060]

تمام
بس كان ممكن تستخدم الفوم و النتيجه هتكون واحده و الفوم اسهل

قولتله والله بس لما فكرنا فيها لاقينا ان التكلفه هتبقى اكبر بكتير ده غير ان الفوم لما بينشف بيتمدد اضعاف حجمه وطبعا عمرك ماكنت هتقدر تظبط الحجم لانك مش عارف الحجم النهائى هيبقى ايه


المشاكل اللى وواجهتنا وانا بكرب الاكصدام الامامى كان لازم اشيل شويه من الفل اللى عمالناه علشان كان كبير واكتفى الاكصدام الامامى انه يتحشى بفل قطره 20 ملم فقط
بس ايه رايكوا فى الاكصدامات الجديده ولون زعلان لان جبت الفوجات المقفوله وانا كدا مش هعرف اركب الفوجات بتاعتى غير لما اجيب عطا الفواجات المفنوحه ولو حد عنده وعاوز يبدل ياريت يقولى اديله لفوجات المقفوله ويدينى انا المفتوحه

[فتح الباب]

اين يباع الفوم وما طريقة استعماله لو تكرمتم

[Karim Ibiza]

الله ينور يامحمود و يا أحمد
فكرة جميلة
بس هل الفل واصل لقاعدة الاكصدام الحديد؟

[mahmoud ghanem]

100*100

تسلم الايادى

[ehab_mansour]

الله ينور يا رجاله شغل عالي قوي و عملته قبل كده زمان في الابيزا الله يبارك للي اخدها

[SYD]

الله ينور علي الشغل
بس يا رجالة الفل بيبقي في المنتصف (خلف لوحة الارقام) وفي الاركان

بالتوفيق ان شاء الله

[Hazem_Ahmed]

100*100 والله ينور

وفين مكان بيع الفل وسعره
وياسلام لو تدينا تقييم بالسلبيات والايجابيات

[mohammad isdf]

مبروك يا رجالة على الجهد العالى

[windofchange]

الله ينور بجد بس فين مكان بيع الفل؟

[nesr6060]

100*100 والله ينور

وفين مكان بيع الفل وسعره
وياسلام لو تدينا تقييم بالسلبيات والايجابيات

الفل بيتباع عتد المسكى بالنسبه للايجابيات والسلبيات الفعليه مقدرش افيدك لان انا لسه معملتش حادثه الحمد الله ومش عاوز اجرب فمش مهم بقى انك تعرف ههههههههههه

[windofchange]

الفل بيتباع عتد المسكى بالنسبه للايجابيات والسلبيات الفعليه مقدرش افيدك لان انا لسه معملتش حادثه الحمد الله ومش عاوز اجرب فمش مهم بقى انك تعرف ههههههههههه

اكيد لأ ربنا يستر طريقك...لكن في المسكي فين ؟ محلات متخصصة في ايه