Tweet
السلام عليكم و رحمة الله و بركاته
احبابي و اخوتي في نايل موتور حابب اشارككم تجربتي في تغيير بوابة الحقن الالكتروني الخاص بسيارتي و اللي هي بتسمي بوابة كهرباء ببكرة و كهرباء بواير (يعني الاتنين مع بعض )
اولا :- بوابة عربيتي منذ شرائي لها و لها بعض السقطات كانت تحدث للمحرك و عدم انتظام للسلانسيه و طبعا انا كنت عارف ان المشكلة من البوابة نفسها و مكبر دماغي حتي تنتهي تماما ابقي اغيرها
ثانيا :- منذ ستة اشهر بوابة عربيتي قفلت تماما و مكنتش عايزه تفتح سلانسيه ففكيتها و نظفتها جيدا و فكيت غطاها الفبر كمان و نظفت حساس ال tps و كل حاجه من الداخل و اشتغلت وقتها شوية كويس حتي من اسبوع
ثالثا :- منذ اسبوع البوابة عندي قفلت تاني تماما و مش عايزه تفتح سلانسيه يعني لما تدور الصبح بتدور العربية علي ار بي ام واطي جدا حوالي 400 الي 500 لفة في الدقيقة بدلا من 1300 الي 1400 عند التسخين
عملت فيها نفس التنظيف و المراجعة ولا حياة لمن تنادي
حطيت العربية علي الجهاز عندي لقيتها مدياني الايرور ده :-
Control Module Part Number: 6K0 906 030 H Component and/or Version: MARELLI 1AV S106
1 Fault Found:
- : Throttle Position Actuator (V60)00282
36-00 - Open Circuit
و ده معناه ان الشيء اللي بيفتح البوابة اطرافه مفتوحه و ده معناه ان مش شغال
عشان نعرف كويس بنتكلم عن ايه يبقي لازم نعرف مكونات البوابة ايه اساسا :-
1- ستييبر موتور صغير stepper motor و ده المسئول عن فتح البوابة في السلانسيه و ده اللي هو throttle position actuator
2- مقاومة متغير علي جزئين potentiometer و دي المسئوله عن تعريف الكنترول بنسبة و زاوية فتح البوابة في كل الاوضاع و دي اللي بتسمي ايضا tps اللي هو throttle position sensor
3- لماستين نحاس بيقفلوا علي بعض لما البوابة بتقفل و دول عشان يقولو للكنترول ان انت في وضع السلانسيه دلوقتي و ده اسمه idle position switch
4- شوية تروس و توصيلات و فيشه خارجيه و جسم البوابة و بس
الايرور بيقول ان الموتور بالسلامه ... مات .. اللي بيفتحها سلانسيه
ففكيتها تاني و فعلا قيست الموتور و بين اطرافه لقيته بيعطي مقاومة مالانهاية و ده معناه ان اطرافه مفتوحة و ده معناه انه ملفه اتحرق او فصل يعني ... مات
بحثت علي الانترنت و اسشرت الكثير من الاصدقاء التقنيين حول نوعية البوابة و بدائلها محدش افدني بكثير غير اني لازم اغير نفس النوع بالبارت نمبر و ده صعب جدا يمكن مستحيل لأني عارف ان نوع محرك عربيتي ال 1000 سيسي 16 فالف ده نزل قليل جدا و منزلش في اوروبا اساسا و ليه بعض قطع الغيار قليلة
المهم حسب فهمي لأنظمة المحركات و الكنترول فلدي قناعة ان اي بوابة ليها نفس مقاس فوهة البوابة اللي هو مدخل الهواء و بنفس النوع ( واير و كهرباء ) و بنفس الفيشة هتشتغل بدون مشاكل لأنها مافيش جواها شيء مبرمج ولا اي حاجه غير الحساسات اللي ذكرتها فوق دي و دي طالما المقاسات زي بعضها هتبقي متطابقة و لا فرق .. لذلك عرفت ان فتحة البوابة بتاعتي 44 ملليمتر زيها زي بوابة المحرك ال 1000 ال 8 فالف زيها زي بوابة ال 1400 و 1600 حتي 75 حصان و موديلات حتي 2002 فقط و لكن تختلف فقط في وجود فتحة زيادة لمبخر البنزين في اي نوع من دول و الفتحة دي مغلقة عندي تماما و فيه جزء بين البوابة و الماينفولد هو ده اللي فيه الفتحة دي (طبعا كنت مصور صور و لكن منفعتش و هرفعكلم المتاح ) ... لذلك فقررت اني هشتري بالبلدي بمقاس فوهة البوابة و الفيشة و الهيكل العام و التثبيت و هنسي تماما موضوع البارت نمبر ليقيني تماما اني مش هلاقي نفس البارت نمبر اللي عندي و قد كان
بدأت رحلة البحث ان بوابة جديدة و ايهما تناسب سيارتي و سألت الكثير من الاخوة و منهم مهندس محمد سيد ربنا يباركله و هو سألي عنها عند واحد بيبيع استيراد و قلي ب 500 جنيه و اتصلت ب ابو شهد في الحرفيين و قلي ب 650 جنيه !!!!!!! يا نهار ...... بوابة اخر معرفتي بيها انها كانت ب 250 الي 300 جنيه قلت حرام كده كتير جدا جدا جدا
المهم جه عندي مشوار شخصي يوم الجمعه الماضيه و مضطر اسافر و كمان بسرعه و محتاج اغير البوابة لأن الجو حر و تراب و عايز اشغل التكييف و ده مش نافع مع بوابة بايظة عشان اول ما تقف سلانسيه التكييف بيبطل العربية
نزلت مشوار داخل القاهرة و لقيت نفسي قريب من الوكالة و فيصل و مش عارف اوصل لأي حد يعرف حد في فيصل او الوكالة قمت راكن قرب الوكالة و دخلت سألت ناس دلوني علي واحد اسمه عبده نصر قلتله علي البوابة و دخلت بنفسي قلتله هي دي زي بتاعتي بس فيها فتحة مبخر زيادة عايز اقفلها اداني جزء خرطوم من واحده تانيه و قلي اقفله قلتله تمام ... بكام باعم ..... ب 250 !!!!!!! هههههههههه يا نهار ابيض قلتله طيب ده كده كتييييييييير و انت لازم تنزلي شوية (بهرج طبعا ) قلي اللي تدفعه و خد الكارت اهه و عنينا ليك في اي حاجه قلتله لا اللي هتقول عليه قلي 230 دفعتهم و اخدتها قلتله العربية علي الكورنيش هركبها حالا و اجربها لو فيها حاجه... قلي جرب ولو منفعتش تعالي خد اللي يعجبك
خرجت من عنده مبسوط جدا و ركبتها و نضفتها تنظيف خفيف و جربت كله تمام و الحمد لله قفلت شغلي و سافرت بيها المنصورة و لما رحت هناك عملت ريسيت للايرور بالكمبيوتر و كله زي الفل و الحمد لله
و نسألكم الدعاء بالتوفيق و السداد و ربنا يهديها عليا بقه كفاية كده ههههههه
و دي صورة شبيهه لبوابة عربيتي بالضبط
و دي صورة البوابة اللي انا ركبتها فعليا و اغلقت مكان الفتحة اللي هي من الصباع الاصفر النحاسي اللي جنب الفيشة ده
احبابي و اخوتي في نايل موتور حابب اشارككم تجربتي في تغيير بوابة الحقن الالكتروني الخاص بسيارتي و اللي هي بتسمي بوابة كهرباء ببكرة و كهرباء بواير (يعني الاتنين مع بعض )
اولا :- بوابة عربيتي منذ شرائي لها و لها بعض السقطات كانت تحدث للمحرك و عدم انتظام للسلانسيه و طبعا انا كنت عارف ان المشكلة من البوابة نفسها و مكبر دماغي حتي تنتهي تماما ابقي اغيرها
ثانيا :- منذ ستة اشهر بوابة عربيتي قفلت تماما و مكنتش عايزه تفتح سلانسيه ففكيتها و نظفتها جيدا و فكيت غطاها الفبر كمان و نظفت حساس ال tps و كل حاجه من الداخل و اشتغلت وقتها شوية كويس حتي من اسبوع
ثالثا :- منذ اسبوع البوابة عندي قفلت تاني تماما و مش عايزه تفتح سلانسيه يعني لما تدور الصبح بتدور العربية علي ار بي ام واطي جدا حوالي 400 الي 500 لفة في الدقيقة بدلا من 1300 الي 1400 عند التسخين
عملت فيها نفس التنظيف و المراجعة ولا حياة لمن تنادي
حطيت العربية علي الجهاز عندي لقيتها مدياني الايرور ده :-
Control Module Part Number: 6K0 906 030 H Component and/or Version: MARELLI 1AV S106
1 Fault Found:
- : Throttle Position Actuator (V60)00282
36-00 - Open Circuit
و ده معناه ان الشيء اللي بيفتح البوابة اطرافه مفتوحه و ده معناه ان مش شغال
عشان نعرف كويس بنتكلم عن ايه يبقي لازم نعرف مكونات البوابة ايه اساسا :-
1- ستييبر موتور صغير stepper motor و ده المسئول عن فتح البوابة في السلانسيه و ده اللي هو throttle position actuator
2- مقاومة متغير علي جزئين potentiometer و دي المسئوله عن تعريف الكنترول بنسبة و زاوية فتح البوابة في كل الاوضاع و دي اللي بتسمي ايضا tps اللي هو throttle position sensor
3- لماستين نحاس بيقفلوا علي بعض لما البوابة بتقفل و دول عشان يقولو للكنترول ان انت في وضع السلانسيه دلوقتي و ده اسمه idle position switch
4- شوية تروس و توصيلات و فيشه خارجيه و جسم البوابة و بس
الايرور بيقول ان الموتور بالسلامه ... مات .. اللي بيفتحها سلانسيه
ففكيتها تاني و فعلا قيست الموتور و بين اطرافه لقيته بيعطي مقاومة مالانهاية و ده معناه ان اطرافه مفتوحة و ده معناه انه ملفه اتحرق او فصل يعني ... مات
بحثت علي الانترنت و اسشرت الكثير من الاصدقاء التقنيين حول نوعية البوابة و بدائلها محدش افدني بكثير غير اني لازم اغير نفس النوع بالبارت نمبر و ده صعب جدا يمكن مستحيل لأني عارف ان نوع محرك عربيتي ال 1000 سيسي 16 فالف ده نزل قليل جدا و منزلش في اوروبا اساسا و ليه بعض قطع الغيار قليلة
المهم حسب فهمي لأنظمة المحركات و الكنترول فلدي قناعة ان اي بوابة ليها نفس مقاس فوهة البوابة اللي هو مدخل الهواء و بنفس النوع ( واير و كهرباء ) و بنفس الفيشة هتشتغل بدون مشاكل لأنها مافيش جواها شيء مبرمج ولا اي حاجه غير الحساسات اللي ذكرتها فوق دي و دي طالما المقاسات زي بعضها هتبقي متطابقة و لا فرق .. لذلك عرفت ان فتحة البوابة بتاعتي 44 ملليمتر زيها زي بوابة المحرك ال 1000 ال 8 فالف زيها زي بوابة ال 1400 و 1600 حتي 75 حصان و موديلات حتي 2002 فقط و لكن تختلف فقط في وجود فتحة زيادة لمبخر البنزين في اي نوع من دول و الفتحة دي مغلقة عندي تماما و فيه جزء بين البوابة و الماينفولد هو ده اللي فيه الفتحة دي (طبعا كنت مصور صور و لكن منفعتش و هرفعكلم المتاح ) ... لذلك فقررت اني هشتري بالبلدي بمقاس فوهة البوابة و الفيشة و الهيكل العام و التثبيت و هنسي تماما موضوع البارت نمبر ليقيني تماما اني مش هلاقي نفس البارت نمبر اللي عندي و قد كان
بدأت رحلة البحث ان بوابة جديدة و ايهما تناسب سيارتي و سألت الكثير من الاخوة و منهم مهندس محمد سيد ربنا يباركله و هو سألي عنها عند واحد بيبيع استيراد و قلي ب 500 جنيه و اتصلت ب ابو شهد في الحرفيين و قلي ب 650 جنيه !!!!!!! يا نهار ...... بوابة اخر معرفتي بيها انها كانت ب 250 الي 300 جنيه قلت حرام كده كتير جدا جدا جدا
المهم جه عندي مشوار شخصي يوم الجمعه الماضيه و مضطر اسافر و كمان بسرعه و محتاج اغير البوابة لأن الجو حر و تراب و عايز اشغل التكييف و ده مش نافع مع بوابة بايظة عشان اول ما تقف سلانسيه التكييف بيبطل العربية
نزلت مشوار داخل القاهرة و لقيت نفسي قريب من الوكالة و فيصل و مش عارف اوصل لأي حد يعرف حد في فيصل او الوكالة قمت راكن قرب الوكالة و دخلت سألت ناس دلوني علي واحد اسمه عبده نصر قلتله علي البوابة و دخلت بنفسي قلتله هي دي زي بتاعتي بس فيها فتحة مبخر زيادة عايز اقفلها اداني جزء خرطوم من واحده تانيه و قلي اقفله قلتله تمام ... بكام باعم ..... ب 250 !!!!!!! هههههههههه يا نهار ابيض قلتله طيب ده كده كتييييييييير و انت لازم تنزلي شوية (بهرج طبعا ) قلي اللي تدفعه و خد الكارت اهه و عنينا ليك في اي حاجه قلتله لا اللي هتقول عليه قلي 230 دفعتهم و اخدتها قلتله العربية علي الكورنيش هركبها حالا و اجربها لو فيها حاجه... قلي جرب ولو منفعتش تعالي خد اللي يعجبك
خرجت من عنده مبسوط جدا و ركبتها و نضفتها تنظيف خفيف و جربت كله تمام و الحمد لله قفلت شغلي و سافرت بيها المنصورة و لما رحت هناك عملت ريسيت للايرور بالكمبيوتر و كله زي الفل و الحمد لله
و نسألكم الدعاء بالتوفيق و السداد و ربنا يهديها عليا بقه كفاية كده ههههههه
و دي صورة شبيهه لبوابة عربيتي بالضبط
و دي صورة البوابة اللي انا ركبتها فعليا و اغلقت مكان الفتحة اللي هي من الصباع الاصفر النحاسي اللي جنب الفيشة ده
Comment